Инъекцияға (егуге) арналған дәрілік түрлер

Инъекция арқылы әртүрлі дәрілік заттарды тері астына-көбінесе сулы ерітінділер; бұлшық етке-сулы және майлы ерітінділер, сондай-ақ суспензиялар; күре тамырға-тек сулы ерітінділер енгізіледі.

Кейбір ерітінділер мен суспензияларды қолданар алдында ерітіп енгізеді. Ампуладағы немесе флакондағы құрғақ (ұнтақ түрінде) түрдегі инъекцияға арналған дәрілік заттарды алдын ала ерітіп немесе араластырып алады. Инъекциялық ерітіндіге еріткіш ретінде көбінесе инъекцияға арналған су, кейбір өсімдік майлары, кейде сұйытылған этил спиртін (33 % дейін) пайдаланады. Инъекцияға арналған дәрілік түрлер (pro injectionibus) заласыздандырылған, тұрақты, апирогенді (дене қызуын көтермеуі қажет); механикалық қоспалардан тазартылған болуы тиіс. Медициналық тәжірибеде инъекцияға арналған дәрілік түрлер фармацевтикалық өндірістерде көбінесе ампулада және флаконда шығарылады. Инъекцияға арналған дәрілік түрлер дәріханаларда сирек дайындалады. Дәріханада инъекцияға арналған ерітінді тығындалып жабылған 5-1000мл шыны құтыларда шығарылады. Құты этикеткасына «Заласыздандырылған» деп жазылады.
Рецепте ампуладағы құрғақ дәрілік заттар (ұнтақ): дәрілік заттың атауы, бір ампуладағы мөлшерін көрсетеді, одан соң D.t.d. N… in ampullis (... ампулада осындай мөлшерде босат) және S жазылады. Сигнатурада дәріні еріту, енгізу жолы мен инъекция уақыты көрсетіледі.

Рецепт үлгісі

0,005 винкристин (Vincristinum) препаратының 6 ампуласына жазыңыз.

Құты құрамы 5мл залалсыздандырылған натрий хлоридінің изотонды ерітіндісімен ерітіп,0,005 аптасына 1 рет енгізіңіз.

Rp.: Vincristini 0,005

D.t.d. №6 in amp.

S.Құты құрамын 5мл 0,9% NaCI изотонды еріт. ерітіп,аптасына 1рет енгізіңіз.

Ампуладағы ерітінділер мен суспензияларға рецепте дәрілік түрдің аты: Solutionis... (Ерітіндісінен...), Suspensionis…(Суспензиясынан...), дәрілік заттың аты, концентрациясын мен мөлшері, содан соң D.t.d N… in ampullis (...ампулада осындай мөлшерде босат) және S. көрсетіледі.