Шелекпен егін суарған бала

Арықтағы колхоздың суына тимей, шелекпен су тасып егінін суарған баланың әрекетінен қандай ой түйдіңдер?

Шәкәрім атамыздың «Жүрегі таза адам ешқашан қиянат жасамайды» деген сөзін қалай түсінесіңдер?

Адамның бойындағы қандай қасиеттері оның адамдық болмысын көрсетеді?

Өзің бау-бақшада, саяжайда жұмыс істеп көрдің бе? Қандай сезімде болдың?

...Мейірімділік, қамқорлық, татулық, ізеттілікұғымдарын пайда- лана отырып;

Интернатта оқитын Самал мерекелік демалысқа орай ауылға үйіне автобуспен жолға шықпақ болды. Билетті алдын ала сатып алып, автобустың жүрер уақытына бірнеше минут бұрын автобекетке келді. Кассада билет қалмағанын байқады. Қасына бір қарт әжей келіп, одан билетін сатуын жалынып сұрады, себебі сол ауылға жедел баруы тиіс, жақын туысы қатты науқастанып жатыр екен. Егер билетін сатар болса, мейрамға қарсы үйіне бара алмайтынын ойлаған Самал сәл кідіріп қалды.

• 
  Самал қандай шешім қабылдайды деп ойлайсыңдар? Неліктен?
  

Айбек пен Ердәулет бір сыныпта оқитын жақын достар. Екеуі де домбыра үйірмесіне барады. Қазақтың дәстүрлі әндерін сүйіп тыңдайды. Екеуінің де арманы дәстүрлі әндер концертіне барып, халық әндерін жанды дауыста тыңдау болатын. Бір күні аудан орталығында болатын концертке баруға тегін билет берілді. Бірақ жалғыз билет. Сынып үздігі болғандықтан мұғалім билетті Айбекке ұсынды. Оның қуанышында шек болмады. Жабырқап отырған Ердәулеттің қасына келіп, үнсіз ойланып тұрды.

• 
  Айбектің орнында болсаңдар қандай шешім қабылдар едіңдер?