Сабақ №15 Мұғалім: Есжан Айгүл Мүсіркепқызы Сынып: 2 «Б» Оқушылар саны: 25 Тақырып: Салауатты отбасы

• 
  Салауатты отбасы туралы түсініктерін кеңейтіп, мейірімділік қасиетінің мәнін ашу.
  
• 
  Отбасындағы салауаттылықты ұстануды ескере отырып, кеңпейілділік қасиетін дамыту.
  
• 
  Өзара қамқорлыққа тәрбиелеу.
  

«Өзін-өзі тану» оқулығы,

АҚТқолдану таныстырылым, ватман, А4 қағазы. суреттер, маркерлер.

Жағымды көңіл- күйге келу «Нұрға бөлену»

Теңіз жағасымен келе жатқаныңды елестет. Толқындардың жеңіл шалпылына, шағалалардың шуылына құлақ түр. Жалаң аяқтарыңмен құмды сезін. Шалғайдан қара нүкте көріп тұрсың: ол жақындаған кезде дельфин екенін түсіндің. Ол сені теңіз түбіне алып кету үшін келді. Ол өте әдепті екен, сені шыдамдылықпен күтіп тұр. Жайлап оның арқасына отыр, мықтап ұстап, жолға шықтыңдар. Дельфиннің арқасында жайланып отырып, өзіңді қауіпсіз сезін, су астында жүзу қандай керемет. Жан-жағыңа қара: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қарашы, қандай орасан зор әдемі балықтар. Су асты неткен қызықты әрі ғажап әлем. Сен бір нәрсені байқадың ба? Мұнда неткен тұңғиық, толық тыныштық. Осы тыныштық күйде бол (бірнеше секунд үнсіз қалады).

Ал қазір жоғарыға, өз әлемімізге кері қайтуға дайындал. Айналаға жақсылып қара. Ғажап түстерге тағы бір рет қара және тыныштыққа құлақ түр. Осындай тыныштық саған самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

- Оқушылар, қандай әсер алдыңыздар?

2.Үй тапсырмасын тексеру

№14-сабақ (44 - 45 бет) оқулық.

«Аманатқа қиянат жасама» өсиет әңгімесі бойынша пікір алмасу.

Сұрақтар:

1. «Аманатқа қиянат жасама» өсиет әңгімесі не туралы айтылған?

2. «Аманатқа қиянат жасама» деген ұғымды қалай түсіндіңіздер?

Дәйексөзбен танысу. Суреттер арқылы жасырылған дәйексөзді табуға тырысады.