Өндірісті ғылыми-техникалық дайындаудың мазмұны мен кезеңдері. өндірісті техникалық дайындауға жаңа өнім түрін өндіру мен модернизацияланған бұйымдардың және өндірістің ұйымдастыру-техникалық деңгейін арттыру үшін жүргізілген жұмыстардың жиынтығын жатқызуға болады.
Әдетте өндірісті техникалық дайындау үш кезеңнен тұрады:
· Жаңа өнім түрін жасау және өндірісті дайындау, үлгіні әзірлеу және оның тәжірибе жүргізу арқылы үлгісін жасау, оны бекіту, құжаттарын дайындау, бұйымды суреттеу, қолданылатын негізгі және қосымша материалдарды ескере отырып конструкциясын жасау, өнімді өндіруге қажетті шикізат, материалдар, жартылай фабрикаттар мен жабдықтаушыларды анықтау шаралары жүргізіледі. өнімді дайындаудың технологиялық сызбасы, технологиялық операциялардың тізбегі, жұмыс күшіне қажеттілік, олардың мамандылығын анықтау, құрал-жабдықтарды жөндеу және түзеу тәрізді көптеген жұмыстар атқарылады.
Жаңа және әр түрлі өнімді өндіруді дайындау және игеру, ұйымдастыру-техникалық шараларды енгізу орындалады.өндірісті техникалық дайындаудың екінші кезеңінде еңбек өнімділігін арттыруға, өнім сапасын жақсарту мен материалдарды үнемдеуге барлық жағдай жасау жан-жақты қарастырылады.
Өнімнің жаңа және әр түрін өңдеудің жалпы және сериялық әдістерін бір жүйеге келтіру, өндірістік ағындарда өндірістік-техникалық шешімдерді пайдалану сияқты жұмыстар атқарылады.
Өндірісті техникалық жетілдірудің әрбір кезеңінде орындалатын жұмыстар сипаттамасына қарай конструкторлық, технологиялық және ұйымдастыру-экономикалық болып бөлінеді.
Өндірісті конструкторлық дайындауда жаңа өнімнің конструкциясын жасау мен игерілген өнімнің конструкциясын жетілдіру қарастырылады.
Өндірісті технологиялық дайындықтан өткізу кезеңінде жаңа технологиялық үрдістерді ұйымдастыру мен игерілген өнімнің жетілдіру жұмыстары жүргізіледі.
Ұйымдастыру-экономикалық дайындықты жүргізу барысында өндірісті техникалық дайындауды жоспарлау үшін мөлшерлер бекіту, еңбек күші, материалдар, қаржы ресурстарына қажеттілікті есептеу, күнтізбелік жоспар жасау, мөлшерді есептеу, еңбекақы жүйесі мен ұжым нысандарын таңдау, калькуляция мен өндіріс сметасын құру, жұмыс күшіне, материалдарға, құрал-жабдықтарға қажеттілікті анықтау, құжаттар түрін белгілеу, өндіріс пен еңбекті ұйымдастыру, жұмыс орындарына қызмет көрсету және оларды жабдықтау, өндірісті қосымша қажетті ресурстарымен қамтамасыз ету сияқты жұмыстар орындалады.
7. Практикалық сабақтардың мазмұны, сағаттарда олардың көлемі
1 Өндірістік процесті ұйымдастыру
«Өндірістік процесс» ұғымына анықтама беру. Қандай процестер негізгі, көмекші және қызмет көрсетуші болып табылады? Күрделі және қарапайым өндірістік процестер дегеніміз не? Еңбек құралдары қозғалысының ретті, параллельді-ретті және параллельді түрлеріне қысқаша сипаттама беру.
1.1 Еңбек құралдарының әралуан қозғалыс түрлері кезіндегі технологиялық және өндірістік циклдері ұзақтықтарын анықтау
Тапсырма
Еңбек құралдарының қозғалыстың ретті, параллельді-ретті және параллельді түрлері кезіндегі 15n дана (мұндағы n – студенттің нұсқа нөмірі) детальдан тұратын партияны өңдеудің технологиялық және өндірістік циклдерінің ұзақтықтарын анықтау. Көлік партиясының мөлшері - 5n деталь; операциялар бойынша уақыт нормасы сәйкесінше 2n, 3n, 4.5n мин/дана. Бірінші және екінші операцияларда бір-бір станоктан, үшіншіде – екі станок орнатылған. Операцияаралық үзілістің орташа уақыты – 2 минут. Жұмыс 3 ауысыммен жүзеге асады. Ауысым ұзақтығы 8 сағат. Табиғи процестер ұзақтығы – 30 n минут.
Жоғарыда аталған еңбек құралдарының әрбір түріне өндірістік процестер графиктерін тұрғызу.
Шешімі
Еңбек құралдары қозғалысының ретті түрі үшін технологиялық цикл ұзақтығы мына формула бойынша анықталады:
Tm.ретті. =  ,
Мұндағы: n - детальдардың пария мөлшері, дана.;
u - технологиялық процестің операция саны, дана;
ti - операция бойынша уақыт нормасы, мин/дана.;
wi - операциядағы жұмыс орнының (станоктар) саны, дана.
Біздің жағдайда:
Tm.ретті.=
Күнтізбелік күндерде өндірістік цикл мөлшері мына формула бойынша анықталады:
Tn.ретті.=
Достарыңызбен бөлісу: |
