2-жағдай
Талдау
Көлік көп жүретін жол қилысында қала әкімі жұмыстан тыс
уақытта жеке автокөлігінің жүргізіп келе жатып, жол
қозғалысы ережесін бұзған, бұл ретте ол жол полициясы
қызметкерлерінің машинаны тоқтату туралы талаптарын
ескермеген.
Бұдан басқа, ұсталғаннан кейін бұзушы медициналық
куәландырудан өтуден бас тартқан.
Өзінің заңсыз әрекетін әкім отбасылық іс-шараға кешігіп
бара жатқанымен және жол белгісін, сондай-ақ жол
полициясы қызметкерлерін байқамағанымен дәйектеді.
Жұмыстан тыс уақытта мемлекеттік қызметшіге беделін
түсіретін және қоғам тарапынан сын мен айыптау
тудыратын жағдаяттардан қашқақтау қажет.
Жол қозғалысы ережесін бұзу, алкогольді мас күйде
автомобиль басқару, сондай-ақ жол полициясы
қызметкерлеріне бағынбау өрескел әдеп бұзушылық болып
табылады.
Тұжырым
Біз алкогольді мас күйде қоғамдық орындарда болу, айналадағыларға
физикалық күш қолдану және жол қозғалысы ережелерін бұзу
адамгершіліксіз, қоғамдық қауіпті және мемлекеттік қызметші үшін
лайықсыз қылық екендігіне берік сенімдіміз.
Бізге қоғамдық тәртіпті сақтау және жеке мінез-құлығымызбен өнегелі
өмір салтының үлгісін көрсету қажет.
15
Мемлекеттік қызметшінің әдебі және мінез-құлық нормалары
1.4 Қызметтік қарым-қатынастағы мінез-құлық
Ұжымда түсіністік пен сенім атмосферасын құру,
сондай-ақ қызметтік әдеп нормаларын сақтау –
біздің жалпы міндетіміз.
Қолайлы жұмыс атмосферасы мемлекеттік
қызметшіге өз әлеуетін ашуға, өз көзқарасын ашық
айтуға, білімімен бөлісуге және жалпы міндеттерді
орындауда ұжымды жұмылдыруға жағдай жасауға
мүмкіндік туғызады.
Біз өз қызметтік міндеттерімізді орындауда
мынадай қағидалады ұстануға талпынамыз:
Өз әріптестерінің тарапынан қызметтік әдеп
нормаларының бұзылуына жол бермеу
бойынша оларды тоқтату не шаралар
қабылдау.
Ұжымдағы әріптестердің ар-намысын
қаралайтын олардың жеке және кәсіби
қасиеттерін талқылаудан тартыну;
Әріптестердің лауазымдық міндеттерін
орындауға кедергі келтіретін әрекеттерге
(әрекетсіздікке) жол бермеу.
Ұжым ішіндегі қарым-қатынастың маңызды
құрамдас бөлігі «басшы–бағынышты
қызметкер» жүйесіндегі өзара қарым-қатынас
болып табылады.
Басшы, оның бағыныштылары – қызметтік
функцияларды атқарушылар ғана емес,
сонымен бірге өз қызығушылығы, жұмыс және
оның құндылықтары туралы жеке пікірі бар
тұлғалар екендігін есте сақтауы тиіс.
16
Мемлекеттік қызметшінің әдебі және мінез-құлық нормалары
Басшы бағыныштылармен қарым-қатынас
жасауда мыналарды ескеруі тиіс:
Өз мінез-құлығымен бейтараптық, әділдік,
риясыздық үлгісі болу.
Әрбір бағынышты қызметкерге құрметпен
қарау, оның өзіне, өз қабілетіне, өз кәсіби
әлеуетіне деген сенімді нығайту.
Кадр мәселесін шешу кезінде туысқандық,
жершілдік және
жеке берілгендік белгілеріне
артықшылық бермей, меритократия
қағидаттарын сақтауды қамтамасыз ету.
Заңға қайшы әрекеттерді, сондай-ақ жалпыға
ортақ моральдық әдеп нормаларымен
үйлеспейтін әрекеттерді жасауға
мәжбүрлемеу.
Еңбекті қорғауға, денсаулықты сақтауға
бағытталған шараларды қабылдау, тиімді
қызмет үшін қажетті қауіпсіз жағдайларды
жасау, сондай-ақ мемлекеттік қызметшілердің
ар-намысына қол сұғуды және
кемсітушіліктің барлық түрлерін жоққа
шығаратын қолайлы моральдық-
психологиялық атмосфера жасау.
17
Мемлекеттік қызметшінің әдебі және мінез-құлық нормалары
Сұрақ: Біздің бөлімдегі жұмыс атмосферасы көбіне
достық қалыпта және ашық болып табылады. Бірақ
стрестік жағдаяттарда менің әріптесім маған
дөрекі және агрессивті сөйлейді. Мұндай
жағдайларда қалай әрекет етуім керек?
Жауап: Жұмыста қиын жағдаяттар әрбір адамда
болады және ол келіспейтін (лайықсыз) мінез-
құлық үшін сылтау болуы тиіс емес. Сізге,
әріптесіңізге оның сөздері адамның намысына
тиетіндігін ашық айту керек. Көпшілік жағдайда
ұнамсыз мінез-құлықты тоқтату үшін ашық сөйлесу
жеткілікті. Егер бұл сізге көмектеспесе немесе сіз
онымен бұл сұрақты жеке талқылай алмасаңыз, сіз
персоналмен жұмыс жөніндегі бөлімшеден көмек
немесе әдеп жөніндегі уәкілден кеңес алу үшін
жүгіне аласыз.
Жағдай
Инновациялық
технологиялар саласына
мемлекеттік бағдарламаны
енгізу бойынша жобаны
қарастыру кезінде жақында
тағайындалған министрдің
орынбасарымен (ер адам)
және қаржы департаментінің
директоры (әйел) арасында
ұрыс орын алды.
Министрдің орынбасары егер
жоба белгіленген мерзімде
іске аспаса, онда
департамент басшылығына
тәртіптік жаза
қолданылатынын ескертті.
Сонымен бірге оның кәсіби
практикасында көбіне әйелдер
алға қойылған міндеттердің
орындалу мерзімін
бұзғандығын айта өтті.
Министр орынбасарының
байбаламына департамент
директоры оның ескертулері
әділетсіз деп жауап қайтарды.
Осы жағдайдан кейін министр
орынбасары мен департамент
директорының арасындағы
қарым-қатынас шиеленісті, бұл
соңғысының өз еркімен
жұмыстан кетуіне алып келді.
18
Мемлекеттік қызметшінің әдебі және мінез-құлық нормалары
