Бітімдердің топтары және түрлерi

Минералды агрегаттардың орналасу сипатына қарай кендердің бітімдері бiртектi және бiртектi емес боп бөлінеді.

1. 
   Біртекті бітімдер
   

Шомбал, немесе бірыңғай бітімдер және бір - біріне тығыз жанасқан азды - көпті бір келкі орналасқан бағалы минералдардан тұратын кендерде байқалады. Мысалы, шомбал мыс-колчеданды кенде басты минерал – пирит, аз мөлшерде халькопиритпен бірігіп өседі, ол пиритте және түйірлердің аралықтарында біркелкі орналасқан. Жиі шомбал бітімдер мономинералды агрегаттарға тән, олар бір кенді минералдан және аздаған басқа кенді және бейкенді минералдан турады. Кенді минералдарда бейкенді минералдар кірмелерді құрайды немесе олардың араларын керіш түрінде толтырады. «Шомбал бітім» термині (атау сөзі) әдетте бай кендер үшін пайдаланады, оларда кенді минералдар бейкенділерден басым болады. Бұл кендер әдетте алдын ала байытуды қажет етпейді.

Кен сіленімнің әр түрлі учаскесінің шомбал бітімді кендері бірдей минералдық құрамы және құрылымдарымен сипатталады. Табиғатта шомбал кендер салыстырмалы сирек кездеседі. Микроскоппен зерттегенде олар жиі біртекті емес көрінеді. Кендердің біртекті емес құрылысы тек қана минералдың әркелкі орналасуымен ғана сипатталмайды, тағы да минералды агрегаттардың әркелкі түйірлігімен. Шомбал бітімдер әдетте магмалық, шөгінді және метаморфтық жаратылымдағы кендерге тән.

Осы кендердің бір-бірінен айырмашылығы өздеріне тән минералдар парагенетикалық ассоциациясында және минералды агрегаттардың құрылымдарында.

Егерде таужыныс немесе желілік сіленімдер құрайтын кенді түйірлер бейкенді минералдар ішінде біркелкі сейіліп тараған болса біркелкі сеппелі бітім бөліну жағдайы болады.

Минералдық түйірлерден немесе коллоидты бөлшектерден тұратын болбыр мономинералды агрегаттың бітісін ұнтақтық бітім сипаттайды.

2. 
   
   
   жүктеу 0,71 Mb.
   
   Достарыңызбен бөлісу: