Бітімдердің морфогенетикалық топтар мен морфологиялық түрлері

Ұңғыларда, ашылымдарда, таскертпе үлгітастарда, керндерде және жылтыратқан үлгітастарда кендердің бітімдері макроскопиялық анықталады. Микробітімдер жылтыратқан және мөлдір тастілімдерде зерттеледі. Кендердің бітімдері көптеген таскертпе үлгітастарда және тастілімдерде зерттеледі, олар кен сiлемінiң әр түрлі учаскелерінде (сағалануы, сағалануына көлденеңдікте және еңістенуі бойынша) жүйелі жинақталған. Кендердің үлгітастары сонымен бірге өздеріне тән бітімдерімен тағы үйінділерді қарағанда немесе cынамалауында алынады.

Кендердің бітімдерін зерттегенде бояу, басылымдар, радиографиялық және люминесценттік әдістері қолданады.

Жақын физикалық қасиеттері (түсі т.б.) бар минералды агрегаттардың немесе минералдардың арақатынастарын анықтау үшін бояу әдісі пайдаланады. Белгілі химиялық реактивтердің көмегімен минералдарда түсті қабықша пайда болады.

Радиографиялық әдіс радиоактивті минералдармен құралған минералды агрегаттардың пішінін зерттегенде жақсы нәтиже береді. Ультракүлгін, катод және рентген сәулелерінде суық сәуле тарату мүмкіншілігі бар минералдармен құралған минералды агрегаттардың зертханалық және далалық жағдайларда пішіндерін зерттегенде люминесценттік әдіс кең қолданады.

Генетикалық және практикалық тұрғыдан қарағанда, ең маңызды бітімдердің суретін салу немесе суретке түсiру керек. Суретке түсіруге дайындалған үлгітастарды жылтырату және кесу керек болады; кейде суретке түсіру алдында олар жақсы көрінуі үшін кейбір iшiнара минералды агрегаттарды бояу қажет.