Орал қаласының экономикасы

Өсім өнеркәсіптің барлық салаларында байқалады: өңдеу өнеркәсібінде 29%, электрмен жабдықтау саласында 4,1%, сумен жабдықтау саласында-20,8%.

Өндірістің жалпы көлемінде негізгі үлес өңдеу өнеркәсібіне тиесілі (67%), өндіріс көлемі 44,8 млрд. теңге.

Аталған саладағы өндіріс көлемінің өсуі, өнім өндіру көлемінің өсуімен байланысты: тамақ өнімдері 31%, сусындар 25%, киімдер 20%, жазылған материалдарды басып шығару және жаңғырту 21%, химиялық өнеркәсіп өнімдерін өндіру 12%, металлургия өнеркәсібінде 86%, қағаз және қағаздан жасалған өнімдер өндіру 0,2%, машина және жабдықтардан басқа дайын металл бұйымдарын өндіру 48%,машина жасау 13%, өзге металл емес минералдық өнімдерді өндіру 15%.

Өңдеу өнеркәсібінің тек төрт бағыттары бойынша өндіріс көлемі кеміді:

жиһаздан басқа ағаштан және тоздан жасалған бұйымдарды өндіру-12%, резіңке және пластмасс бұйымдарды өндіру 35%, жиһаз өндіру 9,8%, тоқыма бұйымдары 33%.

Сонымен бірге, электр қуатын, су мен газды өндіру және тарату кәсіпорындарында өндірілген өнім көлемі 19,6 млрд.теңгені құрап, ол былтырғы жылдың индексінен 4,1% жоғары болып отыр.

Сумен жабдықтау, кәріз жүйесі, қалдықтардың жиналуын және таратылуын бақылау 2,2 млрд.теңге құрады, ол былтырғы жылдың индексінен салыстырғанда 20,8% жоғары.

Орал қаласының экономикасы

2018 жылдың мамыр айында ауыл шаруашылығы өнімдерінің жалпы шығарылымы 1091,2 млн. теңгені құрады, өткен жылғымен салыстырғанда өсу қарқыны 112,1%, соның ішінде өсімдік шаруашылығының өнімін өндіру – 2,6 млн. теңгені құрайды, мал шаруашылығы – 1085,5 млн.теңге құрады.

Мал шаруашылық өнімдерін өндіру көлемі тұрғындардың шаруашылық үлесіне басым болып отыр. Мәселен, 2018 жылы 111,6%, сүт өндіру–100,2% құрап отыр. Жұмыртқа өндіру көлемінің негізгі үлесін «Орал құс фабрикасы» ЖШС ауыл шаруашылық кәсіпорыны алады.

2018 жылдың мамыр айларында былтырғы 2017 жылдың өткен кезеңімен салыстырғанда - ірі қара мал 4029 бас немесе 1,9%, қой 4069 бас немесе 8,4%, ешкі 1175 бас немесе 11,3%, жылқы 266 бас немесе 1,1%, құс 361630 бас немесе 12,0%,-ға өскені байқалып отыр.

Сондай-ақ сүт өндірісі 0,2%, жұмыртқа 22,0%-ға өсті.

Ет өндірісі 9,8%-ға, шошқа басы 23,4%-ға, сиыр 7,9%-ға кемігені байқалып отыр.

Шошқа және сиыр басының кемуі жем-шөптің кымбаттауына және өз қажеттілігіне жұмсауына байланысты.

Тұрғындарды көкөністермен қамтамасыз ету мақсатында Орал қаласында жалпы көлемі 31,1 мың шаршы метр болатын 9 жылыжай шаруашылығы жұмыс істейді.

Қаланың жүк автомобиль көлігі 32 кәсіпорындарымен ұсынылады: «Эра» ӨК, «Авто» ӨК, «Амрита» ЖШС, «Оралавто»ЖШС, «Мөлшер»ЖШС, «Пластикавтотранс» ЖШС, «Uniserv» ЖШС, «Казавтотранс» АҚФ, «Avto-Trast-Contract» ЖШС, «Қазавтотранс-Батыс» ЖШС, «Трансагенство» ААҚ, «Автокомбинат» ЖШС, «Казросимпорттранс» ЖШС, «КК Орал-Камаз» ЖШС, «Дат-Көлік» ЖШС, «Темірат» ЖШС- олардың жүк тасымалдауының негізгі түрі құрылыс материалдары (құм, қиыршық тастар), дәнді дақылдар, комбикорм,тыңайтқыштар, газ және газ тәрізді материалдар және т.б. болып табылады.