Об утверждении Типового кодекса

жүктеу 484,11 Kb.

бет	3/3
Дата	14.05.2018
өлшемі	484,11 Kb.
	#12874
түрі	Кодекс

1 2 3

5-тарау. ҚОҒАМНЫҢ КОРПОРАТИВТІК ХАТШЫСЫ
6-тарау . ЕЛЕУЛІ КОРПОРАТИВТІК ОҚИҒАЛАР, ҚОҒАМДЫ ТАРАТУ ЖӘНЕ ҚАЙТА ҚҰРУ
7-тарау. ҚОҒАМ ТУРАЛЫ АҚПАРАТТЫ АШУ
9- тарау. ҚОРЫТЫНДЫ

4-тарау. БАСҚАРМА

1. БАСҚАРМА ТУРАЛЫ ЖАЛПЫ ЕРЕЖЕЛЕР

164. Басқарма акционерлердің жалпы жиналысы мен Директорлар кеңесінің шешімдерін орындауға міндетті.

165. Басқарма Заңнама және Жарғы бойынша Қоғамның басқа органдарының құзыретіне жатқызылмаған Қоғам қызметінің мәселелері бойынша шешім қабылдауға құқылы.

166. Басқарма ақпаратты ашу мен Қоғам қызметінің ақпараттық жария еткені үшін Заңнама талаптарына сәйкес жауапкершілік артады және ішкі (қызметтік) ақпаратты қорғауға және сақталуын қамтамасыз етуге міндетті.

167. Басқарма Акционерлердің және Директорлар кеңесінің қойған мақсаттарын жүзеге асыру үшін қаржы және адам ресурстарын бөлуге жауапкершілік артады.

168. Басқарма Қоғамның тиімді жұмысына Қоғам қызметкерлерінің қызығушылығын тудыруға жағдай жасауға тиіс, әр қызметкер Қоғамдағы өз жұмысын қадірлеуіне, Қоғам жұмысынің нәтижесіне оның материалдық жағдайы толығымен тәуелді екенін түсінуіне тапынуы тиіс.

169. Басқарма тұрақты отырыстар өткізіп тұрады. Басқарма мүшелері отырыстың күн тәртібінің мәселелері туралы алдын ала ақпарат алады. Бұл ретте Басқарма өз отырыстарын қатысу тәртібімен дауыс беру нысанында жүргізеді. Сырттай дауыс беру нысанына жол берілмейді.

170. Басқарма мүшелігіне кандидатты таңдаудың міндеттері, функциялары, критерийлері және Басқарма қызметінің тәртібі Кодекстен басқа, Жарғыда және Қоғамның ішкі құжаттарында анықталады.

2. БАСҚАРМАНЫ ҚҰРУ

171. Басқарманың сандық құрамын, өкілеттік мерзімін анықтауды Директорлар кеңесі Заңнамаға және Қоғамның Жарғысына сәйкес жүзеге асырады.

172. Басқармадағы лауазымға сайлау кезінде Директорлар кеңесі осы лауазымдардың кандидаттарына қойылатын біліктілік талаптарын анықтайтын акционерлердің жалпы жиналысының шешімдерін, Қоғамның ішкі құжаттарын және оларды сайлау рәсімін ұстанады.

173. Басқармадағы лауазымдарға кандидаттардың жүктелген міндеттерін тиісті түрде орындауына қажетті тәжірибесі, білімі және біліктілігі, оң беделі болуы және Директорлардың көпшілігі үшін қолайлы болуы қажет.

174. Басқарма мүшелерін іріктеу және тағайындау Директорлар кеңесі белгілейтін барынша айқын және дәлме-дәл іс-жосықтар негізінде жүргізіледі.

175. Директорлар кеңесі белгіленген тәртіппен Басқарма мүшелерінің өкілеттігін тоқтата алады.

176. Қоғам мен Басқарма мүшелерінің арасындағы қарым-қатынас шарттармен ресімделеді.

177. Шарттарда тараптардың құқықтары, міндеттері, жауапкершілігі және басқа елеулі шарттар, сондай-ақ осы Кодекс ережелерін сақтау бойынша Басқарма мүшелерінің міндеттемесі көрсетілуі тиіс. Директорлар кеңесі Басқарма мүшелерімен жасалған үлгі шартын бекітеді. Қоғамның атынан Басқарма төрағасымен жасалған еңбек шартына Директорлар кеңесінің төрағасы қол қояды. Басқарманың қалған мүшелерімен жасалған еңбек шартына Басқарма төрағасы қол қояды.

3. СЫЙАҚЫ БЕРУ

178. Басқарма төрағасы және мүшелеріне берілетін сыйақы мөлшерін Директорлар кеңесі белгілейді.

179. Басқарма төрағасы мен мүшелеріне берілетін сыйақы тұрақты және ауыспалы бөліктерден тұрады, соңғысы Басқарма мүшелерінің басты жұмыс көрсеткіштеріне, олардың біліктілік деңгейіне және Қоғам қызметінің нәтижелеріне қосқан жеке үлесіне байланысты.

180. Басқарма мүшелеріне сыйақы беру транспарентті болуы тиіс. Сыйақы беру Басқарма мүшелерін жоғары жұмыс сапасына қол жеткізуге ынталандыруы қажет.

5-тарау. ҚОҒАМНЫҢ КОРПОРАТИВТІК ХАТШЫСЫ

181.Тиімді корпоративтік басқару Директорлар кеңесі мен Басқарма арасында ашық диалогты талап етеді. Осы мақсатта Қоғамда Басқарманың Директорлар кеңесіне мерзімді есептер (ақпарат) ұсыну тәртібін тәртіптемелеуші құжат болуы тиіс. Бұл үдерісті ұйымдастыруда корпоративтік хатшы басты рөл атқарады.

182.Корпоративтік хатшы өз міндеттерін тұрақты негізде толық жұмыс күні тәртібінде орындайды. Корпоративтік хатшының корпоративтік басқару саласындағы заңнамада және Қоғамның ішкі құжаттарында белгіленген талаптарды органдардың орындауын қамтамасыз етуге мүмкіндік беретін біліктілігі болуы тиіс. Қоғамның Жарғысы мен басқа ішкі құжаттарының ережелеріне сәйкес Қоғамның органдары арасындағы айқын өзара іс-қимылды қамтамасыз етеді, сондай-ақ корпоративтік басқарудың дамуындағы жаңа тенденциялар туралы Қоғамның Лауазымды тұлғаларын хабардар етеді.

183. Корпоративтік хатшы Акционерлердің жалпы жиналысын және Директорлар кеңесінің отырыстарын дайындау мен өткізуде тәртіпті сақтауда, Қоғам туралы ақпаратты ашу мен ұсынуда ерекше рөл атқарады, себебі дәл осы рәсімдерді сақтамау салдарынан Акционерлердің көптеген құқықтарын бұзу мен мүдделеріне нұқсан келтіріледі.

184. Корпоративтік хатшы Қоғамның тиісті органдарының акционерлердің өтініштерін тиісті деңгейде қарауын және Акционерлердің құқықтарын бұзуға қатысты қақтығыстарды шешуді қамтамасыз етеді. Қоғам органдарының мұндай өтініштерді уақтылы қарауын бақылау корпоративтік хатшыға жүктеледі.

185. Корпоративтік хатшыны лауазымға тағайындау, өкілеттік мерзімін анықтау, өкілеттігін мерзімінен бұрын тоқтату, сондай-ақ лауазымдық қызметақысының мөлшерін және сыйақы беру шарттарын белгілеу Директорлар кеңесінің құзыретіне жатады.

186. Корпоративтік хатшының міндетіне Директорлар кеңесінің, Басқарманың және Директорлар кеңесі комитеттерінің шегінде ақпараттың қалыпты ағынын қамтамасыз ету, сондай-ақ Директорларды лауазымға енгізу үдерісінде көмек көрсету кіреді.

187. Корпоративтік хатшы барлық басқару мәселелері бойынша барлық Директорлар үшін консультациялар өткізуді ұйымдастыру бойынша жауапты болып табылады.

188. Қоғам Хатшысының мәртебесі, функциялары мен міндеттері Қоғамның ішкі құжаттарында анықталады.

6-тарау. ЕЛЕУЛІ КОРПОРАТИВТІК ОҚИҒАЛАР, ҚОҒАМДЫ ТАРАТУ ЖӘНЕ ҚАЙТА ҚҰРУ

1. ЕЛЕУЛІ КОРПОРАТИВТІК ОҚИҒАЛАР

189. Корпоративтік елеулі оқиғалар дегеніміз – Қоғам жасағанда Қоғамның қызметіне іргелі өзгерістер әкелуі мүмкін бірқатар оқиғалар мен мәмілелер. Оның ішінде корпоративтік елеулі оқиғаларға: компанияны қайта ұйымдастыру, ірі мәмілелер жасасу, Жарғыға өзгерістер енгізу және шешімі Қоғам үшін маңызды бірқатар мәселелер жатады.

190. Елеулі корпоративтік оқиғалардың туындауына әкелуі мүмкін шешімдерді қабылдау кезінде Директорлар кеңесі мен Басқарма акционерлерге және мүдделі тұлғаларға көрсетілген іс-қимылдарды жасау қажеттігінің негіздемесін ұсынуға міндетті.

191. Қоғам елеулі корпоративтік оқиғаларға қатысты мәселелерді шешуге Акционерлердің қатысуын қамтамасыз етеді.

2. ҚОҒАМДЫ ТАРАТУ ЖӘНЕ ҚАЙТА ҚҰРУ

192. Қоғам таратылған немесе қайта құрылған жағдайда Директорлар кеңесі Басқармамен бірлесіп Акционерге және мүдделі тұлғаға Қоғамды таратуды/қайта құруды жүргізу қажеттігіне негіздеме ұсынады.

7-тарау. ҚОҒАМ ТУРАЛЫ АҚПАРАТТЫ АШУ

1. АҚПАРАТТЫ АШУ САЯСАТЫ ЖӘНЕ ТӘЖІРИБЕСІ

193. Ақпаратты ашу акционерлердің және мүдделі тұлғалардың Қоғам қызметін бағлауы үшін, сондай-ақ Қоғамға деген сенімді қолдау үшін аса маңызды.

194. Ақпаратты ашу мақсаты осы ақпаратты тиісті шешім қабылдауға қажетті көлемде мүдделі тұлғалардың назарына жеткізу болып табылады. Қоғам Заңнамаға, Қоғамның Жарғысына және ішкі құжаттарына сәйкес ақпараттық материалдар мен жарияланымдарды бұқаралық ақпарат құралдарында тұрақты жариялайды.

195. Қоғамның ақпараттық ашықтығы Қоғамның ішкі құжаттарының негізінде құрылады.

196. Қоғам дер кезінде өз қызметінің барлық елеулі фактілері туралы, атап айтқанда, өзінің қаржылық жағдайы, қызмет жоспарлары мен нәтижелері, корпоративтік басқару тәжірибесі туралы ақпаратты ашады, дер кезінде корпоративтік оқиғалардың күнтізбесін және басқа да елеулі ақпаратты жариялайды.

197. Қоғам өз уақытында бағалы қағаздар проспектісі, тоқсан сайынғы есептер, елеулі фактілер туралы хабарламалар сынды басқа да маңызды құжаттарды дайындайды.

198. Қоғам мыналарды қамтитын, бірақ мұнымен шектелмейтін толық жылдық есепті жариялайды:

- қаржылық (операциялық) қызметтің нәтижелері;

- аудиторлық қорытынды.

199. Қоғам корпортативтік веб-сайтта келесі ақпаратты орналастырады:

- Қоғамның мақсаттары мен оларды орындау нәтижелері;

- корпоративтік басқару туралы бөлім;

- біліктілігін, іріктеу үдерісін қоса алғанда, Басқарманың Директорлары мен мүшелері, оның ішінде тәуелсіздігін анықтау критерийлерін көрсете отырып, Тәуелсіз Директорлар туралы ақпарат;

- мүдделі тұлғалармен байланысты елеулі мәселелер;

- кез келген елеулі корпоративтік оқиғалар.
2. ІШКІ АҚПАРАТТЫ ҚОРҒАУ

200. Қоғам ақпаратты ашу кезінде коммерциялық, қызметтік және заңнамамен қорғалатын өзге де құпиядан тұратын ақпараттың қорғалуы тиіс екенін ескереді. Қоғам мұндай ақпаратқа қатынау талаптарын, сондай-ақ оны алу мүмкіндігін Қоғамның ашықтығы мен оның мүддесіне нұқсан келтірмеуге ұмтылу арасындағы балансты сақтау қажеттілігін ескере отырып анықтайды.

201. Қоғам заңнамаға және Қоғамның ішкі құжаттарына сәйкес құпия ақпаратты қорғауға шаралар қабылдайды.

202. Қоғам қызметтік және ішкі ақпаратты пайдалануды бақылаудың тиімді жүйесін әзірлеп қолданады. Қоғам ішкі ақпаратты анықтау, бақылау мен тарату үшін бақылаудың барабар іс-жосықтарын, жүйелері мен құралдарын белгілейді және ашылатын ақпарат жалған болып табылмайтынын немесе жаңылуға әкелмейтінін қамтамасыз ететін барлық қажетті іс-қимылдарды қабылдайды.

203. Қоғам Қоғамның ішіндегі және одан тыс жердегі тиісті қызметкерлерге Қоғам туралы ақпаратты Қоғамның ашу мүмкіндігіне қатысты бақылау құралдарын енгізу туралы ақпарат береді және директорлар мен Қоғамның тиісті қызметкерлерінің ақпаратты ашу саясатын қолдану бойынша жеткілікті дайындыққа қол жеткізуін қамтамасыз етеді.

204. Қоғамның қызметкерлері еңбек қызметін жүзеге асыруы кезінде құпия ішкі (қызметтік) ақпаратты ашпауға міндетті. Қоғамдағы еңбек қызметін қызметкерлер тоқтатқаннан кейін Қоғам көрсетілген ақпаратты ашпау бойынша өткен мерзімді белгілейді.

8-тарау. ҚАРЖЫ-ШАРУАШЫЛЫҚ ҚЫЗМЕТІН БАҚЫЛАУ
1. ҚОҒАМНЫҢ ҚАРЖЫ-ШАРУАШЫЛЫҚ ҚЫЗМЕТІН БАҚЫЛАУ ЖҮЙЕСІ

205. Қоғам қаржылық есептіліктің халықаралық стандарттарына сәйкес қаржылық есептілікті дайындайды.

206. Қоғамда қаржылық есептілікті жүргізу және аудит өткізу мынадай қағидаттармен жасалады:

- толықтық және дұрыстық;

- қасақана еместік және тәуелсіздік;

- кәсібилік және біліктілік.

207. Қоғамның жылдық қаржылық есептілігінде осындай есептілікті оқушыға Қоғам қызметінің қаржылық нәтижелері туралы деректерді дұрыс түсінуіне мүмкіндік беретін толық ескертпелер болады.

208. Директорлар кеңесі Акционерге және Қоғамның қызметіне мүдделі тұлғаларға Қоғамның қаржы-шаруашылық қызметіне жүргізілген тексерудің нәтижелері туралы ақпаратты ұсынады. Директорлар кеңесінің кесімді және ұғынықты баға беру жауапкершілігі аралық және бағалы қағаздар курсына сезімтал өзге де жария есептерді, бақылау-қадағалау органдарының есептеріне, сондай-ақ Заңнаманың, Жарғының және Қоғамның ішкі құжаттарының талаптарына сәйкес міндетті ұсынылуы тиіс ақпаратқа қолданылады.

2. ІШКІ БАҚЫЛАУ ЖӘНЕ ІШКІ АУДИТ

209. Ішкі бақылау жүйесін әзірлеу, бекіту, қолдану және бағалау үдерістеріне қатысына қарай Қоғамның қаржы-шаруашылық қызметіне бақылау жасау жүйесіне кіретін органдар құзыреті Қоғамда нақты белгіленеді.

210. Қоғамның қаржы-шаруашылық қызметіне бақылау жүргізуді, ішкі бақылау саласында бағалауды, тәуекелдерді басқаруды, корпоративтік басқару саласында құжаттар орындауды жүзеге асыру үшін және Қоғам қызметін жетілдіру мақсатында Қоғамда Ішкі аудит қызметі құрылады. Ішкі аудит қызметі қызметкерлері Директорлар кеңесі және Басқарма құрамына сайлана алмайды.

211. Ішкі аудит қызметі Директорлар кеңесіне тікелей бағынады және өз жұмысы туралы олардың алдында есеп береді. Ішкі аудит қызметіне жетекшілік етуді Аудит комитеті жүзеге асырады. Ішкі аудит қызметінің міндеттері мен функциялары, оның құқығы мен жауапкершілігі Директорлар кеңесі бекітетін Ішкі аудит қызметі туралы ережемен анықталады.

212. Директорлар кеңесі жылына кем дегенде Қоғамның ішкі бақылау жүйесі тиімділігін (Ішкі аудит қызметімен) бағалауды жүзеге асыруға міндетті және осындай бағалауды жүргізу туралы акционерлердің жалпы жиналысында есеп беруі тиіс, ол қаржылық және операциялық бақылауды, тәуекелдерді басқару жүйесі тиімділігі және оларды сақтауды бақылауды қоса алғанда, толық айтарлықтай бақылауды қамтиды.

213. Директорлар кеңесі Ішкі аудит қызметі және Қоғамның сыртқы аудиторларымен бірлесіп, оларға қаржылық есептілік және ішкі бақылау қағидаттарын және Қоғамның сыртқы аудиторларымен тиісті қатынастар орнату тәртібін қолдану жолдарының ресми және ашық тәртібін белгілейді
3. СЫРТҚЫ АУДИТ

214. Қоғамның қаржылық есебін жасаудың дұрыстығы мен объективтілігі туралы тәуелсіз пікір алу мақсатында Қоғам өткен жылға заңнама талаптарына сәйкес сыртқы аудиторды (аудитор ұйымын) тарта отырып, жылдық қаржылық есептің аудитін жүргізеді.

215. Басқарма сыртқы аудитке ұсынылған қаржылық ақпараттың толықтығы мен растығына жауапкершілікте болады.

9- тарау. ҚОРЫТЫНДЫ

216. Қоғам осы Кодекстің ережелерін бейімдеуге және қолдануға бағытталған қосымша ішкі құжаттарды әзірлеп қабылдауы мүмкін.

жүктеу 484,11 Kb.

Достарыңызбен бөлісу:

1 2 3