Холецистит ауруы. Өт жолдарының дискинезиясы. Өт тас ауруы. Панкреатит ауруы

· эпигастрий аймағында және сол жақ қабырға астында аяқ астынан ауырсыну ұстамасы пайда болады. Көбінесе бұл майлы тамақтан және ішімдіктен кейін болады;

· құсық, азаптаушы құсық;

· қан - тамырлар коллапсы;

· дене қызуының көтерілуі;

· гиперамилазурия.

Уыттанудан дамыған шоктың белгілері көрінеді. Тамыр соғысы әлсізденіп жіп тәрізді болады. Науқастың жалпы жағдайы нашарлайды. . Жалпы қан анализінде лейкоцитоз 14х109/л білінеді, гемоглобин жоғары 150г/л, ЭТЖ артады. Дерт анықтамасының мағынасы қандағы және зәрдегі амилазаның артуы. Әсіресе зәрдегі амилазаның мөлшерінің көбеюі жедел панкреатиттің анық белгісі болып табылады. Тез арада ультродыбыспен зерттегенде (эхография) асқазан асты безінің ісінгенін,эхогендігі төмендеп ,контурының айқын еместігі анықталады.

Асқынулары. Жедел панкреатит нәтижесінде ұйқы безінің жайылған абсцессі, көкбауырдың флегмонасы мен тамырының қабынуы дамуы мүмкін. Жедел панкреатитте тамырлардың коллапсы, бүйрек бездерінің өлі еттенуі өлімге әкеліп соқтыруы мүмкін. Кейбір жағдайларда жедел панкреатит созылмалы түрге ауысуы мүмкін.

Емі. Жедел панкреатитте науқасты хирургия бөліміне жатқызу керек.Емдем №0

Алғашқы 1 - 4 күнде ашқарында ем жүргізіледі, асқазан сөлін асқазан сүңгісі арқылы сорып алып отырады. Алғашқы күндері іштің жоғарғы бөлігіне суық басу керек. Жиырылуды басу үшін ганглиоблокаторларды және спазмолитик дәрілерін қолданады.

Ауырсыну шогына қарсы 1% - 1 мл промедол ерітіндісін күніне бірнеше рет тері астына енгізеді (морфий ерітіндісін қолданбайды, өйткені ол Одди сфинктерінің жиырылуын күшейтеді).

Омыртқа арасын және бүйрек маңайын бөгейді.

Сусыздануды болдырмау үшін және ағзаның уыттануына қарсы көк тамырға тамшылатып изотоникалық натрий хлор ерітіндісін, 5% глюкоза ерітіндісін, қан сары суын және қан алмастырушыларды құяды (тәулігіне 3 литрге дейін).

Трипсин ингибиторын контрикал 50 мың бірліктен кем емес, гордокс- 500тыс. ед. в/в; жеткілікті мөлшерде көк тамырға тамшылатып енгізу маңызды роль атқарады.

Антибиотиктерді қолданады. 1 - 3 күннен кейін науқастың жағдайы жақсарған соң жұмыртқа ақуызын, көкөніс шырындарын, сүт (ауыз немесе өт сүңгісі арқылы) қолдануға рұқсат етіледі. Кейін емдәмді біртіндеп кеңейтеді.