Мектеп үйіндегі жарық режимі және жарықтың жұмысқа қабілеттілікке әсері

Оқу процесінде әдетте көзге айтарлықтай күш түседі. Мектеп үйінде (сынып бөлмелері, кабинеттер, лабораториялар, оқу шеберханалары, акт залы және т.б.) жарықтың қалыпты немесе едәуір мол болуы нерв жүйесін зорықтырмай, жұмысқа қабілеттілікті, оқушылардың белсенділігін сақтайды. Күн жарығы, әсіресе ультракүлгін сәулелері бала организмінің өсіп жетілуіне септігін тигізіп, жұқпалы аурулардың таралуына кедергі келтіреді, организмде Д витаминінің түзілуін қамтамасыз етеді. Сондықтан мектеп үйіне тікелей түсетін күн сәулесінің барынша көп өтуіне мүмкіндік жасап, жасанды жарықтың түсу нормасын қатаң сақтаудың маңызы зор.