Тірек-қимыл аппаратының маңызы және сүйектің химиялық құрамы

Тірек функциясы- скелеттің басқа барлық мүшелерді ұстап тұруынан, денеге белгілі қалып және пішін беруінен тұрады. Шеміршектермен және оған бекіген еттермен байланысқан сүйектер қуыс құрайды, онда тіршілік үшін маңызды мүшелер орналасады. Бұл сүйек-ет скелетінің қорғаныш функциясы. Мысалы, ми- бас сүйекпен, жұлын- омыртқа жотасымен, өкпе және жүрек-көкірек қуысымен қорғалады.Қимыл функциясын негізінде еттер іске асырады. Нерв импульстерінің әсерінен жиырыла отырып, олар сүйектерді қимылға келтіреді, бұл кезде өздері серіппеге айналады да скелеттің пассивті элементтері болып қала береді.

Скелет қанның минералдық құрамын белгілі дәрежеде ұстайды, сүйектерде қан жасау функциясын орындайтын сүйектің қызыл майы орналасады. Адам өмірінің әр кезеңіндегі сүйектің химиялық құрамы бірдей емес. Ол жасына, қоректену сипатына, организмдегі зат алмасуға, ішкі секреция бездері мен бұлшық ет жұмысының функциональдық күйіне

байланысты. Сүйектің негізгі физиологиялық қасиеті- қаттылық пен серпінділік. Сүйектерге органикалық емес заттар-Са, Р, Магний-дің тұздары қаттылық қасиет береді. Сүйекте өте аз мөлшерде ұлпаның қалыпты функциясы үшін қажетті отыздан астам микроэлементтер (алюминий, фтор, мырыш, мыс, барий т.б.) болады. Ересектерге қарағанда, балалардың сүйектерінде органикалық заттар көп, ол скелеттің иілгіштігін қамтамасыз етеді, бірақ дұрыс отырмағанда сүйектің қисық болып дамуына әсерін тигізеді. Басталған қисаюлар ішкі мүшелер жұмысына әсерін тигізеді. Сондықтан тірек-қимыл аппаратының қисаюын болдырмау үшін мектепте де, үйде де баланың дұрыс отыруын қадағалау өте қажет.