ИС BestProfi © 22.04.2016
Білім алушылардың үлгерімін ағымдағы бақылау, аралық және қорытынды
мемлекеттік аттестаттау жүргізудің үлгі ережесін бекіту туралы
Қазақстан Республикасы Білім және ғылым министрінің 2008 жылғы 18 наурыздағы N
125 Бұйрығы. Қазақстан Республикасының Әділет министрлігінде 2008 жылғы 21
сәуірде Нормативтік құқықтық кесімдерді мемлекеттік тіркеудің тізіліміне N 5191
болып енгізілді.
Редакция 04.11.2013 жылы берілген өзгерістер мен толықтырулармен
"Білім туралы" Қазақстан Республикасының 2007 жылғы 27 шілдедегі Заңының
5
-бабының
19) тармақшасына сәйкес БҰЙЫРАМЫН:
1. Мыналар:
1) осы бұйрықтың 1-қосымшасына сәйкес Бастауыш, негізгі орта, жалпы орта білімнің
білім беретін оқу бағдарламаларын іске асыратын білім беру ұйымдарындағы білім
алушылардың үлгеріміне ағымдық бақылаудың, оларды аралық және қорытынды аттестаттау
жүргізудің үлгі ережесі;
2) осы бұйрықтың 2-қосымшасына сәйкес Техникалық және кәсіптік, орта оқу орнынан
кейінгі білім беру ұйымдарында білім алушылардың үлгерімін ағымдағы бақылау, аралық
және қорытынды аттестаттау жүргізудің үлгі ережесі;
3) осы бұйрықтың 3-қосымшасына сәйкес Жоғары оқу орындарында білім
алушылардың үлгерімін ағымдағы бақылау, аралық және қорытынды аттестаттау жүргізудің
үлгі ережесі бекітілсін.
2. Жоғары және жоғары оқу орнынан кейінгі білім департаменті (С.М. Ӛмірбаев):
1) осы бұйрықты белгіленген тәртіппен Қазақстан Республикасы Әділет министрлігінде
мемлекеттік тіркеуді қамтамасыз етсін;
2) мемлекеттік тіркеуден ӛткеннен кейін осы бұйрықты бұқаралық ақпарат
құралдарында жарияласын.
3. "Білім беру ұйымдарындағы білім алушылардың үлгерімін ағымдағы бақылаудан,
аралық және қорытынды мемлекеттік аттестаттаудан ӛткізу ережесін бекіту туралы"
Қазақстан Республикасы Білім және ғылым министрінің 2006 жылғы 7 қыркүйектегі N 481
бұйрығының (Қазақстан Республикасының нормативтік құқықтық актілерді мемлекеттік
тіркеу тізілімінде N 4394 болып тіркелген) күші жойылды деп танылсын.
4. Осы бұйрықтың орындалуын бақылау вице-министр К.Н. Шәмшидиноваға жүктелсін.
5. Осы бұйрық алғаш ресми жарияланғаннан кейін он күнтізбелік күн ӛткен соң
қолданысқа енгізіледі.
Министр Ж. Түймебаев
Қазақстан Республикасы
Білім және ғылым министрінің
2008 жылғы 18 наурыздағы
N 125 бұйрығымен
бекітілген
ИС BestProfi©
2
Бастауыш, негізгі орта, жалпы орта білімнің білім беретін оқу бағдарламаларын іске
асыратын білім беру ұйымдарындағы білім алушылардың үлгеріміне ағымдық
бақылаудың, оларды аралық және қорытынды аттестаттау жүргізудің үлгі ережесі
1. Жалпы ережелер
1. Бастауыш, негізгі орта, жалпы орта білімнің білім беретін оқу бағдарламаларын іске
асыратын білім беру ұйымдарындағы білім алушылардың үлгеріміне ағымдағы бақылауды,
оларды аралық және қорытынды аттестаттаудан ӛткізу үлгі ережесі (бұдан әрі - Ереже)
"Білім туралы" Қазақстан Республикасы Заңының 5-бабы
19
) тармақшасына сәйкес әзірленді
және меншік нысаны мен ведомстволық бағыныстылығына қарамастан білім алушылардың
үлгеріміне ағымдағы бақылаудың, оларды аралық және қорытынды аттестаттаудың тәртібін
анықтайды.
2. Осы ережеде мынадай анықтамалар қолданылады:
1) білім алушылардың үлгерімін ағымдағы бақылау - бұл мұғалімнің жалпы білім
беретін бағдарламаға сәйкес ағымдағы сабақ барысында ӛткізетін білім алушылардың
білімдерін жүйелі тексеру;
2) білім алушыларды аралық аттестаттау - оқушының бір оқу пәнін оқып аяқтағаннан
кейінгі бӛлігінің немесе барлық кӛлемінің мазмұнын меңгеру сапасын бағалау мақсатында
жүргізілетін рәсім;
3) білім алушыларды қорытынды аттестаттау - олардың білім беру деңгейінің
мемлекеттік жалпыға міндетті стандартында кӛзделген оқу пәндерінің кӛлемін меңгеру
дәрежесін анықтау мақсатында ӛткізілетін рәсім;
4) экстерн - денсаулығына байланысты жалпы білім беру ұйымдарында оқуға мүмкіндігі
жоқ және шетелде уақытша тұратын, сондай-ақ жалпы орта білім беру ұйымдарында оқуын
уақытылы аяқтамаған тұлғалар.
2. Білім алушылардың үлгеріміне ағымдағы бақылауды, аралық аттестаттауды
ӛткізудің тәртібі
3. Бастауыш сыныптарда білім алушылар тоқсандық (жарты жылдық) бағаларының
негізінде аттестатталады.
1-сынып оқушылары психологиялық-медициналық - педагогтік консультацияның
ұсынымдары және ата-аналарының келісімі (немесе ӛзге де заңды ӛкілдердің) бойынша
қалдырылған оқушыларды қоспағанда қайта оқу жылына қалдырылмайды.
Бірінші сыныптың бірінші жарты жылдығында оқу материалдарын меңгеру деңгейіне
баға қойылмайды.
4. 5-8 (9), 10 (11)-сыныптардан келесі сыныпқа емтихан бағаларын есепке ала отырып,
барлық оқу пәндері бойынша жылдық және қорытынды бағалары «3», «4», «5» болған білім
алушылар кӛшіріледі.
Барлық оқу пәндері бойынша жылдық бағалары «5» болған 5-8 (9), 10 (11)-
сыныптардың білім алушылары келесі сыныпқа емтихансыз кӛшіріледі.
5. Жалпы орта білім беру ұйымдарында оқу жетістіктерін сырттай бағалау негізгі орта,
жалпы орта білім алуды аяқтағаннан кейін:
негізгі мектепте (9-сыныптан кейін – оқытудың одан әрі траекториясын айқындау
мақсатында;
жалпы орта (бейіндік) мектепте – оқу жетістіктерінің деңгейін бағалау мақсатында
ӛткізіледі.
6. 2-8 (9), 10 (11)-сыныптардағы білім алушылардың оқу үлгеріміне ағымдағы
бақылауды әрбір тақырып пен тарау бойынша жалпы білім беретін оқу бағдарламалық
материалдарды меңгергендігін тексеру мақсатында барлық оқу пәндерінің мұғалімдері
ӛткізеді.
