4
әйелдері ассоциясы» Республикалық қоғамдық бірлестігінің, аумақтық
жергілікті басқару органдарының (Әкімшіліктердің) және халықаралық
ұйымдардың қатысуымен, әлеуметтік және білім беру бағдарламаларын
әзірлеуге;
білім беру нарығында бәсекеге қабілетті көптілді мамандар
дайындауға, соның ішінде, Көптілді білім беру Орталығының базасын
қолдана отырып оқу үдерісіне көптілді білім берудің заманауи инновациялық
технологияларын енгізуге;
университеттің Қазақ мектебінің даму мәселелері зертханасы
базасында болашақ ұстаздарды кәсіби дайындау бойынша жаңа авторлық
ойларды жетілдіруге, білім беру мектептерінің және басқа білім беру
ұйымдарының қызметтерінің жаңа нысандарын айқындауға;
университеттің педагогикалық жұмыскерлерінің алдыңғы қатарлы
тәжірибелерін Қазақстан Республикасында және шет елдерде таратуға;
әлеуметтік, экономикалық және өндірістік мәселелерді шешуге
ұжымды қатыстыру мақсатында университет жұмыскерлерінің (еңбек
ұжымының) қатысуымен құрылған қоғамдық бірлестіктердің дәрежесін
көтеруге бағытталады.
1.2. Университеттің
жеке
міндеттерінің
қатарында
Қазақстан
Республикасының жоғары және жоғары оқу орнынан кейінгі білім беру
саласындағы сыбайлас жемқорлыққа қарсы іс-шаралар жөніндегі Үйлестіру
кеңесімен 2016 жылдың 16 ақпанында бекітілген 2015-2025 жылдарға
арналған Сыбайлас жемқорлыққа қарсы іс-шаралар Бағдарламасын жүзеге
асыру бойынша Жол картасын іске асыру мәселелеріне ерекше назар
аударылады. 2016 жылдың 08 ақпанында Университет деңгейінде 2015-2025
жылдарға арналған сыбайлас жемқорлыққа қарсы әрекет Бағдарламасын
жүзеге асыру бойынша Сыбайлас жемқорлықтың алдын алу бойынша Кеңес
құрылды. Университет деңгейінде қабылданған құқықтық актілер
университеттің http://ac.kazmkpu.kz сайтында орналастырылған.
1.3. Ұжымдық шарт «Қазақстан – 2050» Стратегиясын, мемлекет
Басшысы Нұрсұлтан Назарбаевтың Ұлт жоспары - бес институционалдық
реформаны жүзеге асыру жөніндегі 100 нақты қадамын, Қазақстан
Республикасының 2015 жылғы 23 қарашадағы №414-V Еңбек кодексін,
Қазақстан Республикасының 2015 жылғы 29 қазандағы №375-V Кәсіпкерлік
кодексін, Қазақстан Республикасының 2011 жылғы 1 наурыздағы
«Мемлекеттік мүлік туралы» Заңын, Қазақстан Республикасының 2007
жылғы 27 шілдедегі №319-ІІІ «Білім туралы» Заңын, Қазақстан
Республикасының 2011 жылғы 18 ақпандағы №407-IV «Ғылым туралы»
Заңын, Қазақстан Республикасының 2014 жылғы 27 маусымдағы №211-V
«Кәсіптік одақтар туралы» Заңын, Қазақстан Республикасының 2015 жылғы
18 қарашадағы №410-V «Сыбайлас жемқорлыққа қарсы күрес туралы»
Заңын, Қазақстан Республикасы Білім және ғылым министрлігінің «Қазақ
мемлекеттік қыздар педагогикалық университеті» шаруашылық жүргізу
құқығындағы республикалық мемлекеттік кәсіпорынының (бұдан әрі –
5
Университет) даму Стратегиясын, Кәсіподақ Жарғысын негізге ала отырып
жасалды.
1.4. Осы Шарттың ережелері, жұмыскерлердің құқықтарының қосымша
кепілдіктерін бекітуге, тараптардың мүдделерін ескеруге бағытталған
құқықтық тәсілдер мен шараларды айқындауға, тараптардың мүдделеріне
қайшы келетін жағдайларға - жеке және ұжымдық еңбек дауларының
туындауына жол бермеу, еңбек режімі мен еңбек жағдайларын, еңбек
шартының қосымша жағдайларын анықтауға, қоғамдық келісімді қамтамасыз
етуге, сыбайлас жемқорлықтың көрінісі бар құқық бұзушылықтарды
болдырмауға, алдын алуға бағытталған.
1.5. Осы Шартқа тіркелген барлық қосымшалар осы Шартпен тең
жағдайда заңдық күшке ие.
2.
Ұжымдық шарттың пәні
2.1. Ұжымдық шарт әлеуметтік әріптестік қағидасы негізінде, еңбек
заңнамасына, еңбек туралы нормаларды қамтитын басқа да нормативтік
құқықтық актілерге негізделген және келесі бағыттарды қамтиды:
әлеуметтік тұрақтылықты қамтамасыз ету және еңбек, әлеуметтік-
экономикалық мәселелер жөнінде тараптардың әлеуметтік әріптестікте болу
талаптарын айқындау;
жұмыскерлер мен жұмыс берушінің әлеуметтік-еңбек саласындағы
құқықтарын және жұмыскерлердің кәсіби мүдделерін ескеру, іске асыру
жөніндегі өзара міндеттерін анықтау;
жұмыскерлерге
қатысты
қосымша
әлеуметтік-экономикалық,
құқықтық және кәсіби кепілдіктер мен жеңілдіктерді, артықшылықтарды
белгілеу;
тиісті жылдарға заңнамамен, Салалық келісіммен белгіленген
шарттарға қарағанда қосымша қолайлы еңбек жағдайларын анықтау.
2.2. Ұжымдық шарт бір жағынан – жұмыскерлердің еңбек және
әлеуметтік – экономикалық мүдделері, құқықтары мен бостандықтарын
қамтамасыз етуге, жұмысты сапалы ұйымдастыру мен еңбекақы төлеу
жүйесін жақсартуға, екінші жағынан – еңбек тәртібін сақтауға,
Университеттің әр түрлі бағытта қабылданатын шешімдерінің заң
талаптарына сай, тиімді және объективті болуына бағытталған қызметіне
қатысуға байланысты Кәсіподақ комитетінің, қоғамдық негізде еңбек
ұжымының өзін-өзі басқаратын органдарының және уәкілетті жауапты
тұлғалардың міндетін қамтиды.
3.
Ұжымдық-шарттық қатынастардың тараптары
3.1. Осы Шарттың талаптары бойынша, жұмыс берушінің өкілдері
болып Университеттің проректорлары мен құрылым бөлімше басшылары
танылады.
