Қаладағы 4 аудан әкімдіктерінің құзырына жататын мәселелер бойынша әлеуметтік сауалнама

Дерек көзі: Сауалнама қорытындысы

Сауалнама нәтижесінде 34% көше мен аулаларды жарықтандыру, 24% қоғамдық көліктер мен аялдамалардың ыңғайсыздығы, 23,5% аулалардың көріктендірілмеуі және ойын алаңшаларының жоқтығы, 22,5% жылу сапасы және тағы басқа бірқатар мәселелер көтерілген.

Демек, орта мерзімді жоспарда қала тұрғындарын толғандыратын мәселелерге жергілікті атқарушы органдар тарапынан басымдық берілуі тиіс.

Осы ретте жергілікті әкімдік келесі міндеттерді жүзеге асыру тиіс:

• 
  Қала тұрғындарын толғандыратын негізгі мәселелерді шешу;
  
• 
  Қала тұрғындары мен қонақтарына қажетті инфрақұрылым жүйелерін жетілдіру;
  
• 
  Қалада бизнеске қолайлы жағдай жасау, инвестиция мен туристердің санын арттыру.
  

Қала экономикасында өнеркәсіп саласының маңызы зор. Бұл салада жұмыс жасайтындардың үлесі барлық жұмыспен қамтылғандардың 7,3 пайызын құрайды, ал жалпы өнімдегі үлесі шамамен 20,0 пайыз.

Қалада азық түлік өндірісі, мұнай өнімдерін өндеу, химия өнеркәсібі, құрылыс материалдары, мата және тігін өндірісімен айналысатын 63 ірі және орташа өндіріс кәсіпорындары тіркеліп қызмет атқаруда. Оның ішінде 21 кәсіпорын экспортқа өнім шағыруға бағытталған.

Соңғы 6 жылда (2012-2017) Шымкент қаласының даму бағдарламасы шеңберінде өнеркәсіп саласында негізгі көрсеткіштердің орындалуына қол жеткізілген.

Дерек көзі: Оңтүстік Қазақстан облысының статистика департаменті

2015-2019 жылдар аралығында құны 705,1 млрд.теңгені құрайтын 54 жоба жүзеге асыру жоспарланған. Бұл жобаларда 4,6 мың жаңа жұмыс орындарын ашу көзделген. Оның ішінде 2015-2017 жылдары құны 119,5 млрд.теңге құрайтын 25 жоба іске қосылып, 1 925 жұмыс орындары ашылды.