Пернетақтадан деректерді енгізу

2.4 Пернетақтадан деректерді енгізу

C# тілінде пернетақтадан деректерді енгізу үшін (диалог режимі немесе интерактивті режим) консольді, статистикалық Console.ReadLine() және Console.Read() әдістері қолданылады. Осы әдістер бағдарламаның орындалуын тоқтатады және компьютер пернетақтасынан деректерді енгізуді күтеді. Ескеру керек, Console.ReadLine() әдісі string типті айнымалыны, ал Console.Read() әдісі int типті айнымалыны қайтарады. Екі әдісте де жаңғырық функциясы бар, енгізілген ақпаратты монитор экранына қайталайды.

Пернетақтадан енгізілген ақпарат жадының арнайы аймағына - буферіне жазылады. Буферге енгізудің аяқталуы Enter пернесін (клавиша) басу арқылы орындалады (сонымен бірге осы перне кодтары буферге жазылады).

Console.ReadLine() әдісінің нәтижесі жолдық айнымалының мәні болады (осы жағдайда buf айнымалысы). Енгізу аяқталғаннан кейін әдіс жады буферінің ішіндегісін өшіреді.

Console.Read()әдісі Консольді енгізуге бөлінетін жады буферінен тек бір ғана символды алады және оны бүтін санға түрлендіреді. Енгізу аяқталғаннан кейін әдіс жады буферінің ішіндегісін өшірмейді. Мысалы, бірінші бағдарлама үзіндісі.

Console.Write("a bytin canin engizy - ");

buf = Console.ReadLine();

a = Convert.ToInt32(buf);

Console.Write("b bytin canin engizy - ");

buf = Console.ReadLine();

b = Convert.ToInt32(buf);

c = a + b;

Console.WriteLine("a+b={0}", c);

мына кодқа ауыстырылса:

Console.Write("a bytin canin engizy - ");

a = Console.Read();

Console.Write("b bytin canin engizy - ");

buf = Console.ReadLine();

b = Convert.ToInt32(buf);

c = a + b;

«a bytin canin engizy - » сөйлемінен кейін 47 саны енгізілсе, a айнымалысына 52 мәні меншіктеледі (символдың коды - 4), b айнымалысына 7 саны, ал c қосындысының нәтижесі 59 болады. b айнымалысы үшін монитор экранында кідіріс болмайды, b айнымалысына консольда енгізуге арналған буфердің қалған бөлігі меншіктеледі.

C# тілінде бағдарламалауды меңгеру барысында Console.Read() әдісін қолдануға кеңес берілмейді (жолдық айнымалыларды оқуға дейін).