Бағдарламалу технологиясы

АЛҒЫ СӨЗ

Оқулық дегеніміз – белгілі мағлұматты ұғынықты түрде мазмұндайтын басылымның ерекше түрі. Әдетте оқулықтар біршама уақыт бойына сынақтамадан өткен қайта жазылған дәрістер конспектісі.

«Бағдарламалау технологиясы» пәні түрлі курстарда бағдарламалауды оқытылатын пәндермен тығыз байланысты, бірінші курста оқытылатын «Алгоритмизация және бағдарламалау» пәнінен бастап соңғы курста оқытылатын күрделі «Ақпараттық жүйелермен» аяқталады.

Сондықтан жоғары оқу орындарының бірінші курс студенттеріне арналған бағдарламалау технологиясы бойынша оқулықтың мазмұны, осы пән бойынша соңғы курста оқитын студенттерге арналған оқулықтың мазмұнынан өзгешеліктері бар.

Бағдарламалау технологиясы бойынша ұсынылып отырған оқулық бірінші курс студенттеріне арналады.

Оқулықты жазудың екінші маңызды ерекшелігі ол, бағдарламалау саласында ешбір мектептік дайындығы жоқ студенттерге арналған.

Оқулық мазмұны .NET платформасы үшін әзірленген C# бағдарламалау тілінің негіздерінен, C# тілінің бағдарламалау технологиясынан және визуальды бағдарламалау ортасы ұсынатын бағдарламалау технологиясынан тұрады.

Оқулықты жазған кезде авторлар көптеген материалдарды қолданған, бірақ басқа оқытушылар кітаптарының пайдасы көбірек болды.

Әдетте басылымның жазылуына көмек ұсынған жақын адамдарға алғыс айту қалыптасқан. Оқулықты жазу барысында бізге ең жақын болып кеткен оқулық авторлары: В.В. Фаронов, Т.А Павловская, А.Л. Фукс, А.В. Фролов және Г.В. Фролов. Аталған авторлардың материалдық әдістемесі мен баяндау реті осы оқулықтың жазылуына үлкен көмегін тигізді.

Оқулықты жазу қажеттілігі бірқатар айрықша ерекшеліктермен анықталады, олардың ішінде ең негізгісі – мамандық, сол мамандыққа арналып әзірленуде.

Оқулықты жазу үшін қолданылған дәрістер конспекттері «Ақпараттық жүйелер» мамандығына арналған, бірақ оқулық материалы кез келген мамандыққа арналған «Бағдарламалау технологиясы» пәнін оқыту барысында пайдалануға болады.