Монитор экранына ақпаратты шығару

2.3 Монитор экранына ақпаратты шығару

C# тілінде консольді қосымшалармен жұмыс жасау барысында монитор экранына шығару Console.WriteLine() және Console.Write() статикалық әдістері арқылы орындалады (дәлірек айтқанда Console класының WriteLine() және Write()статикалық әдістері).

Ақпаратты шығарғаннан кейін Console.WriteLine() әдісі терезе курсорын келесі жолдың басына көшіруді орындайды.

Ақпаратты шығарғаннан кейін Console.Write() әдісі көрсетілген соңғы символдан кейінгі орында терезе курсорын бірден қалдырады.

Ескеру керек, екі әдіс те монитор экранына ақпаратты символды түрде ғана шығара алады, яғни бүтін немесе нақты типтегі мәндерді монитор экранына шығармас бұрын жолдық типке түрлендіру керек. Айнымалылардың сандық мәнін жолдық мәнге түрлендіру осы әдістердің әрқайсысында орындаған, сонымен қатар түрлендіруді берілген форматта жүргізуге болады.

Әдетте әдістердің бірінші параметрі арқылы түсініктеме мәтіні беріледі, онда фигуралы жақша арқылы «толтырғыш» жазылады. «Толтырғыштар» санына шек жоқ және есептің талаптарымен ғана анықталады. Барлық «толтырғыштар» нөлден бастап нөмірленеді. Толтырғыштың нөмірінен кейін қос нүкте арқылы шығару форматының спецификаторын көрсетуге болады.

Шығару бойынша әдістерде бірінші параметрден кейін және формат арқылы айнымалылардың атаулары көрсетіледі. Олардың мәндері шығарылатын мәтінде «толтырғыштардың» орнына тиісті форматта орналастырылады. Әрине, айнымалылыр мен «толтырғыштардың» саны бірдей болуы керек. Мысалы,

Console.WriteLine("a = {0} b = {1} a/b = {2}", a, b, c); Console.WriteLine("x={0} sin(x)={1:F5} Asin(x)={2:F3}",x, y, z);

Бірінші жағдайда шығарылатын мәтінде {0}, {1} және {2} орнына a, b және c айнымалыларының мәндері пішімдеусіз жазылады. Екінші жағдайда sin(x) және Asin(x) өрнектерін шығару сандарды пішімдейтін F спецификаторы арқылы анықталады және ол үтірден кейін 5 және 3 дейінгі дәлдікпен сәйкесінше орындалады. Кейбір пішімдеу спецификаторлары 2.1 кестесінде көрсетілген.
2.1- кестесі – Сандарды пішімдеу спецификаторлары

Монитор экранына ақпаратты шығарудың қалған жолдары материалды ары қарай оқу барысында қарастырылады.