«Қазақстан Республикасының кейбір заңнамалық актілеріне кәсіпкерлік қызметті реттеуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заң жобасы бойынша салыстырмалы кесте

Халықаралық Банктің «Doing Business»

жүктеу 14,34 Mb.

бет	17/213
Дата	24.02.2018
өлшемі	14,34 Mb.
	#10655

1 ... 13 14 15 16 17 18 19 20 ... 213

Халықаралық Банктің «Doing Business»

«Құрылысқа рұқсат алу» индикаторы

Сәулет, қала құрылысы және құрылыс қызметі саласындағы құқық бұзушылықтар ұзақ мерзімді болуына байланысты, әкімшілік құқық бұзушылықтар туралы заңнаманың бірегей пайдаланылуын қамтамасыз ету мақсатында осы мәселені нақтылау қажет.

137-бап. Жер учаскесіне құқық беру кезінде және жер учаскесінің нысаналы мақсатын өзгерту кезінде Қазақстан Республикасының жер заңнамасын бұзу

1. Жер учаскесіне құқық беру кезінде және жер учаскесінің нысаналы мақсатын өзгерту кезінде Қазақстан Республикасының жер заңнамасын:

…

16) жоқ

…

…

16) жер учаскесін алған тұлғалар тізімімен ақпаратты орналастыру бойынша міндеттерді орындамау және (немесе) берілген ақпаратты уақытында жарияламау;

…

Жаппай шығындар

Бизнес үшін ең ауыр қиындықтардың бірі жер учаскелерін беру процесінің ашық еместігі болып табылады.

Жер учаскелерін беру процесінің транспаренттігін көтеруге мүмкіндік беретін қосымша шара коммерциялық мақсаттарда берілген жер тізімдерін жариялау бойынша заңнама жүзінде реттелген талап болып табылады.

Құқық қолдану тәжірибесін талдау жергілікті атқарушы органдардың жер учаскелерін беру туралы ақпаратты жариялау талаптары тиісінше орындалмайтынын көрсетті.

Осылайша, Жер кодексінің 43 бабы 14 тармағы жергілікті атқарушы органдарға кемінде тоқсанына бір рет халыққа қолжетімді жерлердегі ақпараттық стендтерде жер учаскесін алушы тұлғалардың тізімдері бар ақпаратты орналастыруды міндеттейді.

Бірақ бұл норманы жергілікті атқарушы органдар жалпы тәртіппен, яғни Жер кодексінің 43 бабы бойынша берілетін жер учаскелеріне қатысты ғана орындайды.

Ал жер учаскелерінің негізгі үлесі Жер кодексінің 44, 44-1 және 45, сондай-ақ 48 баптарының ережелерінде қарастырылған тәртіппен беріледі.

Осылайша, берілген жер учаскелері туралы ақпарат шын мәнінде жарияланбайды, бұл бизнес үшін бөгет жасап, сыбайлас жемқорлықтың дамуына қолайлы жағдай жасайды.

Осыған байланысты жергілікті атқарушы органдарға коммерциялық мақсатта берілген жер учаскелерінің тізімін жариялау бойынша функцияны заң жүзінде міндеттеу ұсынылады.

Сонымен қатар Жер кодексінің бекітіліп жатқан нормасының тиімділігі үшін әкімшілік жауапкершілікті енгізу қажетті және уақытылы болып табылады.

…

17) жоқ

…

…

17) аукцион өткізу мерзімінің бұзылуы;

…

Жаппай шығындар

Көп жағдайда жерлерді тек сауда (аукциондар) арқылы беру мүмкін болу себебінен кәсіпкерлерге жер беруден бас тартады. Бұл ретте аукционның өзі өткізілмейді, себебі оларды өткізу әкімдіктің міндеті емес, құқығы.

Аукционды өткізу тікелей әкімдікке байланысты. Аталған міндетті заңмен бекіту осы саладағы сыбайлас жемқорлықты барынша азайтады.

Ағымдағы заңнама нормалары кәсіпкерлерге өздерінің кәсіпкерлік бастамасын жүзеге асыру мүмкіндігін бермейді, бұл соңында Қазақстан экономикасының даму процесінің және экономикалық дағдарыстан тезірек шығуының тежелуіне әкеледі.

Статистика көрсеткендей, бизнеса өкілдері жер учаскелерін сауданың аукцион түрі арқылы алуға қызығушылық білдіріп отыр.

Ақтөбе облысы мысал бола алады, мұнда 2016 жылғы бірінші тоқсан ішінде 1 аукцион өткізілді, оның аясында 20 жер учаскелері сатылды. Жергілікті атқарушы органдары жер учаскелерін сату арқылы 9 млн. 415 мың теңге мөлшерінде табыс алуды көздеген, бірақ сатылған жер учаскелерінің нақты құны 75 млн. теңгеден асып кетті.

Ақтау бойынша да ұқсас, жер бойынша аукционнан 70 млн теңге түсіру жоспарланғанда, нәтижесінде 180 млн. теңге алынды.

Сонымен қатар Жер кодексінің бекітіліп жатқан нормасының тиімділігі үшін әкімшілік жауапкершілікті енгізу қажетті және уақытылы болып табылады.

175-бап. Жеке кәсіпкерлік субъектілеріне тексеру жүргізу тәртібін бұзу

1. Жеке кәсіпкерлік субъектілеріне тексеру жүргізу тәртібін бұзу, оның ішінде:

1) тексеру жүргізу негіздерінің болмауы;

2) тексеруді тағайындау туралы актінің болмауы;

3) тексеру жүргізу туралы хабарлау мерзімдерінің сақталмауы;

4) егер Қазақстан Республикасының заңдарында, Қазақстан Республикасы Президентінің жарлықтарында және Қазақстан Республикасы Үкіметінің қаулыларында белгіленген талаптар мемлекеттік органның құзыретіне жатпаса, осындай талаптардың орындалуын тексеру;

5) егер құжаттар, ақпарат, өнім үлгілері, қоршаған орта объектілерін және өндірістік орта объектілерін зерттеп-қарау сынамалары тексеру объектілері болып табылмаса немесе тексеру нысанасына жатпаса, оларды беруді талап ету;

6) өнім үлгілеріне, қоршаған орта объектілерін және өндірістік орта объектілерін зерттеп-қарау сынамаларына зерттеу, сынау, өлшеу жүргізу үшін көрсетілген үлгілердің, сынамалардың белгіленген нысан бойынша және (немесе) ұлттық стандарттарда, үлгілерді, сынамаларды іріктеп алу қағидаларында және оларды зерттеу, сынау, өлшеу әдістерінде, техникалық регламенттерде немесе олар қолданысқа енетін күнге дейін қолданыста болатын өзге де нормативтік техникалық құжаттарда, зерттеу, сынау, өлшеу қағидаларында және әдістерінде белгіленген нормадан асатын санда іріктеп алу туралы хаттамаларды ресімдемей, оларды іріктеп алу;

7) Қазақстан Республикасының заңнамасында көзделген жағдайларды қоспағанда, тексеру жүргізу нәтижесінде алынған және коммерциялық немесе заңмен қорғалатын өзге де құпияны құрайтын ақпаратты жария ету және (немесе) тарату;

8) тексеру жүргізудің белгіленген мерзімдерін асыру;

9) Қазақстан Республикасы Кәсіпкерлік кодексінің 144-бабы 3-тармағының 2), 8), 9) және 10) тармақшаларында көзделген жағдайларды қоспағанда, нақ сол мәселе бойынша, нақ сол кезең ішінде бұрын тексеру жүргізілген жеке немесе заңды тұлғаға қатысты көрінеу қайта тексеру жүргізу;
10) мемлекеттік бақылау мақсатында жеке кәсіпкерлік субъектілерінің есебінен шығынды сипаттағы іс-шараларды жүргізу;

11) жоспарлы тексеру тағайындалған кезде алдыңғы тексеруге қатысты уақыт аралығын бұзу;
12) тексерілетін субъектіге тексеру актісін ұсынбау,

13) жоқ;

14) жоқ, –

лауазымды адамға жиырма айлық есептік көрсеткіш мөлшерінде айыппұл салуға әкеп соғады.

2. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған әрекет – лауазымды адамға жиырма бес айлық есептік көрсеткіш мөлшерінде айыппұл салуға әкеп соғады.

жүктеу 14,34 Mb.

Достарыңызбен бөлісу:

1 ... 13 14 15 16 17 18 19 20 ... 213