Қазақстан республикасы білім және ғылым

жүктеу 4,42 Mb. бет 178/260 Дата 03.03.2023 өлшемі 4,42 Mb. #41578 түрі Оқулық

Навигация по данной странице:

• Кәсіби біліктілікті көтеру принципі
• Келісім негізінде ұжымдық шешім қабылдау принципi.

Тұлғаны ынталандыру принципі. Мұғалімнің, оқушының әрбір іс- әрекетін ынталандыру қажет. Себебі мұғалімге әрі материалдық, әрі моральдық жағынан ынталандыру ауадай қажет. Мұғалім өз еңбегінің әділ бағалауын көргенде оның жұмысқа деген көзқарасы, ынтасы, талпынысы артады. Мұғалім жұмысты ерекше ыждахатпен істейді, табысты еңбек етуге тырысады. Мұғалімді ынталандыру принципі – санаға жетудің бірден бір құралы. Мекеме өз қызметкерлерінің біліктілігін көтеру бойынша жұмыстың жүйесін жасап, оны жүзеге асыруды білсе, әрбір қызметкерге өзін-өзі жетілдіруге жағдай жасауы керек. Мекемеге тек қана жақсы жұмысшылар ғана керек емес, оған өз білімімен өзін-өзі жетілдіру арқылы өсетін жұмысшылар керек. Кәсіби біліктілікті көтеру принципі – мектептің дамуының бірден-бір жолы. Мектеп басшысы үнемі оқу-тәрбие процесіне жаңалық ендіруге құлшыныс жасап, оны жүргізуге мұғалімдерді ұдайы тартып отыруы тиіс. Мектеп менеджері мұғалімнің өзінің біліктілігін ұдайы, үздіксіз көтеруге ұмтылдыруы қажет. Келісім негізінде ұжымдық шешім қабылдау принципi. Мектепте не нәрсе болса да, күштеп емес, өзінің тарапынан, өз еркімен орындалуы қажет. Мәселен, инновацияны күшпен ендіру қажет емес, оны шығармашылықпен өздері меңгерулері тиіс. Ұжымда әрбір ұжым мүшелерінің жеке пікірлері, жеке көзқарастары ескерілгенмен, көпшілік дауыспен ең құнды деген пікір ғана шешім ретінде қабылдануы қажет. Ұжымдық шешім ғана істің оң бағытта ғана өтуіне жағдай тудырады. Сондықтан, жұмысты бастамастан бұрын келісім негізінде ұжымдық шешім қабылдаудың орыны ерекше. Білім беру жүйесіндегі менеджмент – қазіргі педагогикалық теория, практика талаптарына сай келетін, жеке тұлға, қоғам мен мемлекеттің білімге деген қажетін қанағаттандыра алатын білім берудің маңызды белгілерінің жиынтығы. Білім беру жүйесін басқарудың басым бағыттары: Жалпы білім беру сапасы. Білім беру процесін басқару сапасы. Білім процесін іске асыру сапасы. Білім беру процесі нәтижесінің сапасы. Жалпы білім берудің функционалды сапасы. Білім беру процесін басқару сапасына кадрлық қамтылу сапасы, оқушылардың психосоматикалық денсаулығының сапасы және педагогикалық еңбекті ынталандыру сапасы жатады. жүктеу 4,42 Mb. Достарыңызбен бөлісу:

©g.engime.org 2024
әкімшілігінің қараңыз