Өзін - өзі бақылау сұрақтары

1. 
   Профилактиканың реттік формалары қандай?
   
2. 
   Профилактикалық бағдарламаны құрастыру қалай жүзеге асады?
   

Дәріс мазмұны

2.Қосымша білім беру мекемелеріндегі әлеуметтік педагогтың жұмыс технологиясы.

«Қосымша білім беру» термині 1992 жылы «»Білім беру заңына енгізілді. Қосымша білім беру мекемелері балалар үшін білім беру мекемелерінің бетімен жұмыс атқаратын түрі, ол ақысыз жалпы білім беру мекемелеріне қосымша бағдарлама түрінде орындалады.

Қосымша білім беру мекемелерінің түрлері: сарай (барлық бағыттағы бағдар ламаларды орындайды, мысалы: балалардың шығармашылық техникалық сарайы), орталық (мысалы: балалардың шығармашылық техникалық орталығы), үй (4 бағыт), клуб (бір бағыт, мысалы: жастардың өрт сөндіру клубы), бекет (бір бағыт, мысалы: жастар бекеті), мектеп (бір бағыт, мысалы: балалардың старт мектебі), студия (бір бағыт, мысалы: театрлық студия), лагерь (кем дегенде 2 ұпай).

Қосымша білім беру ерекшеліктері: баланың өз еркімен қатысуы, оқушының кәсіби әрекетіне қолдау, баланың өзіндік саналық және әлеуметтік бағыттылығына әсерін тигізеді. Қосымша білім беру балалар әлеуметтік тәжірибе жинақтайды, қосымша білім алады және оларға жеке – дара әлеуметтік көмек көрсетіледі.

Әлеуметтік тәжірибе жинақтау мыналарға байланысты:

• 
  тұрмысқа байланысты, мысалы: ұжымда қалыптасқан өмір режиміне, дәстүрдің түрлері мен этикетіне, мекеменің архитектуралық – жоспарланған ерекшеліктеріне байланысты;
  
• 
  қосымша білім беру мекемесіндегі түрлі тіршілік әрекетінің сферасына байланысты, мысалы: жас техниктердің бекетіндегі заттық – практикалық іс – әрекет;
  
• 
  қосымша білім беру мекемелеріндегі адамдармен мазмұнымен, формасымен және стилімен байланысты;
  

Баланың жалпы проблемалық ситуациясына мыналарды жатқызуға болады:

• 
  баланың өзіне деген негативті қатынасы (өзін мойындамау, өзін төмен сыйлау). Мұндай проблеманың пайда болу себебі әртүрлі, мысалы: ата – аналар жағынан тастанды болу, құрдастарының ықпалы, тіршілік әрекетіндегі сәтсіздік;
  
• 
  өзін - өзі танудағы проблема, болашақты жоғалту немесе оның болмауы;
  
• 
  қарым – қатынастан жеткіліксіз болу проблемасы, қосымша білім беру мекемелерінде тұлға аралық қарым – қатынастың болмауы.
  

Тәрбиеленушілерге индивидуалды көмек, педагогикалық – технологиялық көмегімен жүзеге асады. Олардың қатары мынадай:

• 
  диагностикалық кезең – баланың өзі проблемасының маңызын түсіну;
  
• 
  іздену кезеңі – баламен бірге проблемадан шығу себебін іздестіруін ұйымдастыру;
  
• 
  келісімді кезең – әлеуметтік педагогпен баланың арасындағы іс – әрекеті жобалау, келісім шартты түрлі формада қорытындылау;
  
• 
  іс – әрекеттік кезең – әлеуметтік педагог пен баланың іс – әрекеті;
  
• 
  рефлексивті кезең – баламен бірге мәселені шешу жолдарын талқылау, баламен әлеуметтік педагог арасында жаңа тіршілік әрекетінің тәжірибесін ойлау.