Қар жамылғысының ластану күйінің мониторингі

Қар жамылғысы-жер төңірегіндегі атмосфера қабатынан ластаушы заттарды жинап алушы орта болып табылады. Қар, техногез өнімдерінің бөлігін, әсіресе ауыр металлдарды өзіне сіңіріп алып, оларды қыс мезгілі бойы өзінде жинап отырады.

Қар жамылғысының күйін бақылауда жүргізілген мониторингтің басты міндеті АХҚЗ АҚ аймағындағы ластаушы заттардың геохимиялық өзгерістерін анықтап, жүйелі түрде сапалық және сандық сипаттамлар жасау.

Тәжірибелік бөлім

3.1 кестеде 2004, 2005, 2006 жылдардағы АФЗ бен Елек өзені аралығындағы шлаг қалдығы ауданы, АХҚЗ мен АФЗ арасындағы аймақ; АХҚЗ солтүстігіндегі санитарлық қорғаныш аймағы, АХҚЗ-дан солтүстіктегі санитарлық қорғаныш аймағы, АХҚЗ-дан солтүстік-батысқа қарай 3-3,5 шақырымдағы нүкте және АХҚЗ территориясындағы қар жамылғысының сынамалары алынған. Қар жамылғысынан сынамалар алынғанда топырақтан кейбір заттардың орын ауыстыру мүмкіндігі де ескерілген. Ластану дәрежесін дәл анықтау үшін қар жамылғысынан сынама жер бетіне дейінгі 6 см тереңдіктен бастап алынған. Себебі, бұл қабаттың топырақ жамылғысындағы заттармен ауа температурасы көтерілгенде белсенді араласатыны ескерілген. Сынамалар қалың полиэтилен қапшықтарға салынып алынған. 10-15 кг қар массасы зертханаларда 0º С төменгі температурада сақталынады.