Карамель массасын доғалау (илеу), созу

Карамель массасын доғалау (илеу), созу

• Карамель массасын салқындатқан соң жақсылап доғалау (илеу) керек. Сонда барлық дəмдік, хош иісті, бояулы заттар біркелкі араласып, ішіндегі ауа көбіршіктер шығып кетеді, температурасы біраз тегістеледі. Ол үшін доғалау-илеу машиналарын қолданады. Ол көлбеу транспортерден, оның үстінде орнатылған үш жұп тісті барабандардан тұрады. Екеуінің арасынан өткенде карамель массасы үш рет аударылып, жиналып доғаланады, олардың арасындағы саңылау 3-20 мм. Доғалау машинасынан шыққанда карамель массаның температурасы 75-80С аралығында болу керек.
• Карамельдің массасын созу үшін созғыш машинаны пайдаланып созады. Онда үш болат саусақ бар. Оның біреуі қозғалмайды, ал екеуі күрделі, машинаның білігінің сыртында, біресе қозғалмайтын саусаққа жақындап, біресе алыстап, айналып тұрады. Сонда осы саусақтар карамель массаны іліп алып, созып, қайтадан ұзыннан қабаттап, қайта созып тұрады. Осы саусақтардың астына болат ыдыс қойылған. Машинаны тоқтатып, созылған карамель массаны шығарып алады.