5.5 Жүйелердi дамытудың перспективалық жоспары
Өндiрiстiк зерттеулердiң негiзiнде пайдалану қызметi жүйелердi дамытудың перспективалық жоспарын түзейдi, бұнда жүйелердi жетiлдiруге, оларды пайдалануды жақсартуға байланысты ұсыныстар жасайды. Бұл пайдалану қызметiнiң негiзгi мiндеттерiнiң бiрi болып табылады.
Жыл сайын перспективалық жоспарға жаңа зерттеулердiң нәтижелерiн және олардың негiзiнде пайда болғандарды ескерiп дәлдіктер ұсынылады.
Перспективалық жоспардың ақырғы мақсаты - гидромелиоративтiк жүйелердi жетiлдiру, олардың резервтерiн пайдалану, су, еңбек, жер мен энергетикалық ресурстарын пайдалануды жақсарту, ауылшаруашылығы дақылдарының өнiмдерiн экономикалық тиiмдi жағдайға дейiн көтеру, қоршаған ортаны қорғауды жақсарту.
Перспективалық жоспар - бұл алғашқы құжат, осының негiзiнде жүйелердi қайта құруға техникалық жобалар жасалынады.
Перспективалық жоспарды инженерлiк тұрғыда дәлелдеуде .гидромелиоративтiк жүйелер басқармасының құрамындағы жобалау топтары және зертханалар белсендiлiк көрсету керек.
Перспективалық жоспар - бұл пайдалану қызметкерлерiнiң творчестволық инженерлiк еңбегi, пайдаланудағы өзiндiк тәжіребелердi ескере отырып өндірістік зерттеулердiң негiзiнде жүйелердi жетiлдiруге арналған инженерлiк есептеулердiң бiрiншi вариантындағы ұсыныстарды белгiлейдi.
Перспективалық жоспарда жүйелердi жетiлдiру үшін орындалатын перспективалық iс-шараларды жасайды;
техникалық және варианттардың алғашқы ұсыныстарын талқылайды, жүйелердi жетiлдiру және қайта құруға керектi жұмыс көлемдерi мен шығындарын анықтайды;
өндірістік зерттеулер мен ғылыми өңдеулердiң негiзiнде ұсынылған iс-шаралар мен техникалық шешiмдердiң технико-экономикалық тиiмдiлiгiн бағалау;
жүйенi қайта құруға арналған iс-шаралардың орындалуын және жұмыстардың орындалу тәртібiнiң кезегiн қояды, жобалауға және келесi жылғы құрылыстың жоспарына алғашқы кезектегi iс-шараларды кiргiзуге және орындаушы ұйымдардың құрамына байланысты ұсыныстарды қарап талқылайды.
Перспективалық iс-шараларда оларды жетiлдiру және қайта құру үшін шаралар жасалынады: жүйелерде су қам тамасыздығын жақсарту, су қоймалары мен тоғандарын салу есебiнен жұмыстың алмағайып кезеңiн жою, каналдар мен су көздерiн қоршау;
Каналдарды бетондау, шаруашылықтың iшiндегi ашық каналдар тiзбегiн жабық немесе науалы каналдар тiзбегiмен ауыстыру есебiнен суармалы тiзбектiң ПӘК 0,8-0,8; прогрессивтi суару техникасы мен технологиясын қолдану есебiнен танаптарда су пайдалану коэффициентiн 0,8-0,95; жүйенiң жұмыс iстеу аймағында суармалы және құрғататын жердi игеру коэффициентiн (ЖИК) 0,8-0,85 дейiн көтерудi қарастыру;
жүйелердiң техникалық жағдайын жақсарту, прогрессивтi суару техникасы мен технологиясын қолдану, су пайдалануды жетiлдiру, коллекторлы-кәріздi тiзбектiң құрылысын салу, жердi шаю есебiнен жердiң мелиоративтiк жағдайын жақсартуға арналған iс-шараларды белгiлеу (яғни минерализациялы жер қыртысы суларының деңгейiн алмағайып деңгейден төмен түсiру, тұщы жер қыртысы суларының түғылығын жасау, топырақтағы уытты тұздардың құрамын құрғақ топырақтың массасына қарағанда 0,3-0,2( және одан да төмен пайызға түсiру);
Өзеннен жүйеге түсетін тасындыны, сонымен қатар тазаланатын көлемдi 5-6 м3/га дейiн және одан да төменге азайтуға арналған шараларды жасау;
суды диспетчерлiкбөлудi жақсартуды, оның сенiмдiлiгiн көтеру, жүйелерге түйін схем асын ендiру есебiнен гидротехникалық ғимараттарда арынды ысыраптарды азайтуды; автоматтандыруға және технологиялық үрдістердi оперативтi басқаруға арналған ақпарат-кеңесшi жүйелерiн пайдалану есебiнен жүйелердiң басқарылуын жақсарту қарастырылады;
пайдалану жұмыстарын кешендi механизациялау үшін машина паркiн жасақтайды;
жүйелерде суды абаттандыру қарастырады;
каналдардың, жолдардың жиегiнде, бас учаскеде және түйін ғимарттарының жанында жүйенiң ауданынан 6-10% болатын орман жолақтарының ауданын көбейтудi белгiлейдi;
құрғату жүйелерiнде топырақтың ылғалдылығын екi жақты реттеу, оларды құрғату-дымқылдандыру жүйесіне айналдыру үшін жағдай жасаудың мүмкіншiлiгiн қарастырады.
Достарыңызбен бөлісу: |
