Тәрбиелік. Өз отаны туралы білімдерін тереңдете келе, отансүйгіштік қасиеттерін артыру, географиялық мәдениетке тарту. Оқушыларға пайдалы қазбалардың сарқылатындығы жөнінде, сондықтан да оларды тиімді әрі кешенді пайдалану және қоршаған ортаға тигізетін әсері туралы экологиялық білім-тәрбие беру.
Сабақ түрі: аралас сабақ
Сабақты үйымдастыру формасы: фронтальді
Сабақты жүргізу әдіс-тәсілдері:сұрақ-жауап, проблемалық
Құрал-жабдықтар: Қазақстанның физикалық картасы, тектоникалық және геологиялық карталар
Негізгі ұғымдар: магмалық, шөгінді және метаморфты тау жыныстары, минералдық шикізат, кен, кен орындары.
Номенклатура: мұнай-газ – Қарашұңғыл, Өзен, Жетібай, Қаражанбас, Қаламқас, Теңіз, Қашаған, Кеңқияқ, Қарашығанақ, Құмкөл, Амангелді; Көмір – Қарағанды, Екібастұз, Майкүбі, Торғай (Обаған); Уран – Солтүстік Қазақстан
Сабақтың барысы
Сабақтың кезеңдері
|
Мұғалімнің іс-әрекеті
|
Оқушылардың іс-әрекеті
|
1.Ұйымдасты-ру кезеңі
|
Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
|
Мұғаліммен амандасу. Сабақта кім жоқ екенін анықтау.
|
2. Жаңа тақырыпқа көшу кезеңі
|
Бұрынғы өткен сыныптарды еске түсірү сұрақтары:
1) Тау жыныстары түзілуіне қарай қандай түрлерге бөлінеді?
2) Тектоникалық және пайдалы қазбалар карталарын беттестіре отырып платформаларда қандай пайдалы қазбалар кездесетінін және физикалық картадан жер бедерінің қандай формаларына сәйкес келетінін анықтау.
3) Картадан қатпарлы аймақтарға қандай пайдалы қазбалар сәйкес келеді, олардың осы жерлерде қалыптасу себептерін түсіндіріңдер.
4) Ежелгі тауларда пайдалы қазбалардың жер бетіне жаұын жату себебі неде?
|
|
3. Жаңа тақырыпты меңгеру кезеңі.
|
Мұғалім Қазақстан пайдалы қазбалар жқнінен дүние жүзінде алатын орны жайлы оқушыларға баяндайды. Қазақстан жер қыртысында 90-нан астам пайдалы қазбалар кездеседі. Республика аумағында пайдалы қазбаларды іздестіру XVII ғасырдан бастау алған. Кен орны – пайдалы қазбалардың өндіруге жарарлықтай жер қыртысында шоғырлануы. Біздің елімізде 6 мыңға жуық пайдалы қазбалар кен орындары ашылған. Кен орындары жанатын, кен және кен емес болып үшке бөлінеді. Кен орны ұғымын одан әрі қалыптастыру мақсатында оқушыларға мынадай сұрақтар қояды: пайдалы қазбалар картасынан басқа кен орындарын тауып атаңдар.
|
|
4. Жаңа тақы-рыпты бекіту кезеңі
|
Пайдалы қазбалар
Кен орындары
1. Мұнай-газ Теңіз, Қашаған, Кеңқияқ, Қаршығанақ, Құмкөл
2. Көмір
|
|
5. Сабақты қорытындылау кезеңі
|
1.Қазақстан жер қыртысында қанша пайдалы қазбалар бар?
2. Пайдалы қазбалар қандай топтарға бөлінеді?
3. Кен орны дегеніміз не?
|
|
6. Бағалау кезеңі
|
Сабақ барысында белсенді қатысып отырған және картамен жұмыс істеген оқушылар бағаланады.
|
|
7. Үйге тапсырма беру кезеңі
|
Мәтінді оқып, соңындағы сұрақтармен жұмыс істеу.
|
|
Күні:
Сынып: 8 № сарамандық жұмыс
Тақырыбы: Жер бедерінің, тектоникалық құрылысының, пайдалы қазбалардың арасында байланыс.
Мақсаттары:
Білімділік. Оқулықтағы жалпы географиялық және тақырыптық карталарды бір-бірімен салыстары отырып жер бедерінің ірі пішіндерінің жердің геотектоникалық құрылысы мен пайдалы қазбалардың арасындағы байланыстарды анықтау.
Дамытушылық. Жалпы географиялық, тақырыптық карталарды салыстырып, сәйкестендіру арқылы дағдылары мен икемділіктерін арттыру.
Тәрбиелік. Өз Отаны туралы білімдерін тереңдете келе, отансүйгіштік қасиеттерін артыру, географиялық мәдениетке тарту. Қоршаған орта экологиясы туралы білім-тәрбие беру.
Сабақ түрі: аралас сабақ
Сабақты үйымдастыру формасы: фронтальді
Сабақты жүргізу әдіс-тәсілдері:салыстыру, проблемалық
Құрал-жабдықтар: Қазақстанның физикалық картасы, тектоникалық және геологиялық карталар
Сабақтың барысы
Сабақтың кезеңдері
|
Мұғалімнің іс-әрекеті
|
Оқушылардың іс-әрекеті
|
1.Ұйымдасты-ру кезеңі
|
Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
|
Мұғаліммен амандасу. Сабақта кім жоқ екенін анықтау.
|
2. Тақырыпты бекіту кезеңі
|
1-тапсырма: Қазақстанның физикалық, тектоникалық, геологиялық және пайдалы қазбалары карталарын салыстыра төмендегі кестені толтырып, жер бедерінің ірі пішіндерінің жердің геотектоникалық құрылысы мен пайдалы қазбалардың арасындағы байланыстарды анықтаңдар.
Жер бедерінің ірі пішіндері
Қандай тектоникалық құрылымдарға жатады
Беткі қабаты қай эраның тау жыныстарынан тұрады
Пайдалы қазбалар
Маңызды кен орындары
Мысалы:
Каспий маңы ойпаты
Ежелгі платформа
Бор, неоген, төрттік дәуірлер шөгінді жыныстарынан тұрады
Мұнай, газ, тұздар
Доссор,Қосшағыл,Теңіз,Қаламқас,Жетібай,Өзен.
2-тапсырма: Кескін картаға тектоникалық құрылымдармен Қазақстанның маңызды кен орындарын белгілеңдер.
|
|
3. Сабақты қорытындылау кезеңі
|
Жалпы сабақтың кемшіліктері мен жетістіктерін айтады. Оқушыларды үзіліске жібереді.
|
|
Бекітемін:
Оқу ісінің меңгерушісі:________ С.Қисықова
Сынып: 8
Күні 14.11.2014ж
Тақырыбы: Тектоникалық құрылымдары,жер бедері пішіндері және пайдалы қазбалардың арасындағы өзара байланысын анықтау
Мақсаттары:
Білімділік. Қазақстанның геологиялық даму тарихы мен тектоникалық құрылымдары, жазықтары, үстірттері, қыраттары, аласа таулы өлкелері және биік таулары тақырыптарын қайталау. Білімдерін бекіту.
Дамытушылық. Әртүрлі тақырыптық карталармен жұмыс істеу дағдыларын қалыптастыруды дамыту. Карта бойынша тауларға сипаттама беру дағдыларын қалыптастыруды одан әрі жалғастыру.
Тәрбиелік. Отаны туралы білімдерін тереңдете келе, отансүйгіштік қасиетін арттыру, географиялық мәдениетке тарту.
Сабақ түрі: қайталау сабағы
Сабақты үйымдастыру формасы: фронтальді
Сабақты жүргізу әдіс-тәсілдері: сұрақ-жауап
Құрал-жабдықтар: Қазақстанның физикалық картасы, тектоникалық және геологиялық карталар.
Сабақтың барысы
Сабақтың кезеңдері
|
Мұғалімнің іс-әрекеті
|
Оқушылардың іс-әрекеті
|
1.Ұйымдасты-ру кезеңі
|
Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
|
Мұғаліммен амандасу. Сабақта кім жоқ екенін анықтау.
|
2. Тақырыпты бекіту кезеңі
|
Өткен тақырыптарды бекіту үшін келесі тапсырмаларды береді:
1. Геохронологиялық кестені айтып беру.
2. Қазақстанның геологиялық даму тарихын физикалық карта бойынша толық сипаттау.
3. Қазақстанның физикалық картасынан тектоникалық құрылымдарды көрсетіп, сипаттау.
4. Қазақстанның физикалық картасы бойынша геологиялық құрылысын сипаттау.
5. Қазақстанның физикалық картасы бойынша Қазақстанның пайдалы қазбалары мен олардың кен орындарын көрсету.
|
Осы тапсырмаларды оқушылар өздігінен орындап, тақтаға шығып, картаның көмегімен жұмыс істейді.
|
3. Сабақты қорытындылау
|
1. Қазақстанның жер бедері қандай күштердің әсерінен қалыптасқан?
2. Жер бедерінің ерекшелігі неде?
|
|
4. Бағалау кезеңі
|
Сабақ барысында тапсырмаларды орындауда картамен жұмыс істеу деңгейіне қарай бағаланады.
|
|
Бекітемін:
Оқу ісінің меңгерушісі:________ С.Қисықова Күні:
Тақырыбы: Қазақстаның климаты. Климат қалыптастырушы факторлар. Күн радиациясы
Мақсаттары:
Білімділік. Оқушыларға Қазақстан климатының ерекшеліктерін түсіндіру. Климат құрушы факторлар туралы білімдерін жүйелеу және «күн радиациясы» ұғымын қалыптастыру. Күн радиациясының түрлерімен (тура, шашыранды, жиынтық) таныстыру. Қазақстан аумағында күн радиациясының таралу заңдылықтарын түсіндіру.
Дамытушылық. Қазақстан аумағындағы жиынтық күн радиациясының картасы мен физикалық картасын салыстырып, сәйкестендіру арқылы икемділіктері мен дағдыларын дамыту..
Тәрбиелік. Өз отаны туралы білімдерін тереңдете келе, отансүйгіштік қасиеттерін артыру, географиялық мәдениетке тарту.
Сабақ түрі: аралас сабақ
Сабақты жүргізу әдіс-тәсілдері: репродуктивті, проблемалық
Құрал-жабдықтар: Қазақстанның физикалық картасы, Қазақстан аумағындағы жиынтық күн радиациясының картасы
Негізгі ұғымдар: климат, климат қалыптастырушы факторлар: географиялық ендік, ауа массалары, климатқа мұхиттар мен ағыстардың, жер бедері мен биіктіктің әсері
Сабақтың барысы
Сабақтың кезеңдері
|
Мұғалімнің іс-әрекеті
|
Оқушылардың іс-әрекеті
|
1.Ұйымдасты-ру кезеңі
|
Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
|
Мұғаліммен амандасу. Сабақта кім жоқ екенін анықтау.
|
2. Жаңа тақырыпқа көшу кезеңі
|
Бұрынғы өткен сыныптарды еске түсіру сұрақтары:
1) Климат дегеніміз не? Ол қандай климат құрушы факторларға тәуелді? Климаттың қалыптасуына географиялық ендік пен жер бедерінің ролі қандай?
2) Қазақстан қандай климаттық белдеуде орналасқан? Қазақстан аумағының мұхиттардан алыс орналасуы оның климатына қалай әсер етеді?
|
1) Климат дегеніміз ауа райының көп жылдар бойы қайталанып отыратын типі. Ол жер бедерінің сипаты, мұхиттардың ықпалы, географиялық ендік, ауа массаларының қозғалысы және адам әрекетіне байланысты қалыптасады.
2) Қазақстан қоңыржай климаттық белдеуінің оңтүстігінде орналасқан. Қазақстанның 4 мұхиттан алшақ жатуы оның континенттік климатының басым болуына әкеледі.
|
3. Жаңа тақырыпты меңгеру кезеңі.
|
Сұрақтарға жауап ала отырып, оқушыларды климаттың қалыптасу себептерін, климат құрушы факторлар арасындағы себеп-салдар байланыстарын ашуға үйретеді. Қазақстан климатының ерекшелігіне сипаттама береді: Қазақстан климаты шұғыл континентті, Қазақстан климатының қалыптасуына негізгі үш фактор әсер етеді: күн радиациясы, атмосфера циркуляциясы, төсеніш бетінің сипаты.
Оқушыларға сұрақ қояды: Жер бетіндегі тіршілік үшін күннің қандай ролі бар? Күн радиациясы ұғымына анықтама беріп, өлшем бірлігін айтады: Радиация дегеніміз не?
|
Мұғалімнің әңгімесін тыңдап, қажеттілерін жазып отырады.
Сұраққа жауаптары: Күннің Жер үшін энергияның негізгі көзі екенін, Күн жер бетін, суды, мұхиттарды қыздырып, күн сәулесінің әсерінен өсімдіктерге фотосинтез процесі жүреді.
Оқушылар Қазақстан климатына негізгі 3 фактор: күн радиациясы, атмосфера циркуляциясы, жердің төсеніш бетінің әсер етуінен қалыптасатынын анықтайды.
1. Күн радиациясының түрлері: а) тура күн радиациясы, шашыранды радиация, жиынтық радиация, жұтылған радиация, шағылысқан радиация.
Күн радиациясы түрлері туралы сызбанұсқа:
2. Күн радиациясының географиялық ендікке байланыстылығын анықтайды
3. Күн радиациясының атмосфераның мөлдірлігіне және жыл мезгілдеріне байланысты таралу заңдылықтарын анықтайды.
|
4. Жаңа тақы-рыпты бекіту кезеңі
|
Күн радиациясының географиялық ендік бойынша таралуынды оқулықтың 84-85 беттеріндегі Қазақстан аумағының жиынтық күн радиациясы картасымен жұмыс істеуге тапсырма береді:
1. Картадан Петропавл, Астана, Қарағанды және Шымкент, қалаларының жиынтық күн радиациясының мөлшерін анықтаңдар.
2. Қазақстан аумағындағы 66° меридиан бойынша оңтүстіктен солтүстікке қарай жиынтық радиация мөлшері қалай өзгереді?
3. Алынған фактілерді пайдалана отырып жиынтық радиацияның таралу заңдылықтары туралы қорытынды шығарыңдар.
|
Тапсырмалардың орындалуы: 1. Птеропавл қаласында жиынтық күн радиациясының мөлшері 100 ккал, Астанада 100-110 ккал шамасында, Қарағандыда 110-120 ккал, Жезқазғанда 120-130 ккал, Таразда 130-140 ккал, Шымкентте 140-150 ккал-ден астам. 2. Оңтүстіктен солтүстікке қарай жиынтық күн радиациясының мөлшері артады. 3. Владивосток мұхит жағалауында орналасқандықтан атмосфераның жоғарғы қабаттарында бұлттар көптеп шоғырланады, олар күн сәулесінің түсуіне кедергі жасап, жиынтық күн радиациясының мөлшері Алматыдағыға қарағанда аз болады.
|
5. Сабақты қорытындылау кезеңі
|
1.Қазақстан климатының қалыптасуына қандай факторлар әсер етеді?
2. Күн радиациясының түрлері қандай?
|
1. Қазақстан климатының қалыптасуына күн радиациясы, атмосфера циркуляциясы және жердің төсеніш беті әсер етеді.
2. Күн радиациясының тура, шашыранды, жиынтық, жұтылған, шағылысқан түрлері болады.
|
6. Бағалау кезеңі
|
Сабақ барысында белсенді қатысып отырған және картамен жұмыс істеген оқушылар бағаланады.
|
Бағаларын тыңдап, ескертулері болса, мұғалімге айтып, күнделіктеріне қойдырады.
|
7. Үйге тапсырма
|
Кескін картаға жиынтық күн радиациясын түсіру.
|
Күнделіктеріне үй тапсырмасын жазып алады.
|
Күні: Тақырыбы: Атмосфераның циркуляциясы. Ауа массалары. Ауаның қысымы және желдер
Қазақстан аумағында ауа температурасының таралуы
Мақсаттары:
Білімділік. Қазақстан аумағында ауа массаларының қозғалысы туралы білім қалыптастыру. Арктикалық, қоңыржай және тропиктік ауа массалары ерекшеліктері туралы қалыптасқан білімдерін тереңдету. Ауа қысымы мен желдердің Қазақстан аумағында таралу ерекшеліктерін түсіндіру. «Жергілікті желдер» ұғымын қалыптастыруды одан әрі дамыту. Желдердің табиғатқа және шаруашылыққа тигізетін әсерлері. Қазақстан аумағында ауа температурасының таралу ерекшеліктерін түсіндіру. Маусым және биіктік бойынша температураның таралу заңдылықтары туралы білімдерін тереңдету.
Дамытушылық. Климат картасымен картасы арқылы ауа массаларының, желдердің қозғалыстырына және ауа температурасының таралуына сипаттама беру арқылы картамен жұмыс істеу дағдыларын дамыту. Климаттық карталармен жұмыс істеу дағдыларын қалыптастыруды одан әрі дамыту.
Тәрбиелік. Отаны туралы білімдерін тереңдете келе, отансүйгіштік қасиетін арттыру, географиялық мәдениетке тарту.
Сабақ түрі: аралас сабақ
Сабақты үйымдастыру формасы: фронтальді
Сабақты жүргізу әдіс-тәсілдері: репродуктивті, проблемалық
Құрал-жабдықтар: Қазақстанның физикалық картасы, климаттық картасы, Павлодар облысының физикалық картасы
Негізгі ұғымдар: атмосфералық циркуляция, ауа массалары, атмосфералық қысым, жергілікті желдер, температураның тәуліктік және жылдық өзгерістері, изотерма
Номенклатура: Ебі, Сайқан, Шілік, Арыстанды-Қарабас, Қордай, Мұғалжар желдері.
Сабақтың барысы
Сабақтың кезеңдері
|
Мұғалімнің іс-әрекеті
|
Оқушылардың іс-әрекеті
|
1.Ұйымдасты-ру кезеңі
|
Оқушылармен амандасу. Түгендеу. Сабаққа дайындығын тексеру. Психологиялық дайындығын тексеру.
|
Мұғаліммен амандасу. Сабақта кім жоқ екенін анықтау.
|
2.Үй тапсырмасын тексеру кезеңі.
(10+1-2 мин)
|
Ең алдымен кескін карталарын тексереді. «Күн радиациясы» ұғымын бекіту үшін мынадай сұрақтар мен тапсырамалар береді:
1) Негізгі климат қалыптастырушы факторларды атаңдар.
2) Күн радиациясы дегеніміз не?
3) Күн радиациясының қандай түрлерін білесіңдер?
4) Картадан Қазақстан аумағында жиынтық күн радиациясының таралуын анықтап, оның әр түрлі болу себебін түсіндіріңдер.
|
Кескін карталарын мұғалімге тексертеді. Сұрақтарға жауаптары:
1) Күн радиациясы, атмосфера циркуляциясы, төсеніш беті
2) Күн радиациясы дегеніміз – Күннен шығатын сәулелі қуат.
3) Күн радиациясының түрлері – тура, шашыранды, жиынтық, жұтылған, шағылысқан
4) Жиынтық күн радиациясы солтүстіктен оңтүстікке қарай артады. Бұл оның қоңыржай ендігінің оңтүстігіне қарай орналасуына байланысты болатын құбылыс.
|
3. Жаңа тақырыпқа көшу кезеңі
|
1) Ауа массасы дегеніміз не?
2) Ауаның қысымы дегеніміз не?
3) Жер бетінде температураның жылдық өзгерісіне қандай факторлар әсер етеді?
4) Бір тәулік ішінде температура қандай себептерге байланысты өзгереді?
5) Биіктеген сайын ауа температурасы қалай өзгереді? Оның себебі неде?
|
1) Өзіне тән қасиеттері бар: температурасы, ылғал мөлшері бар үлкен ауа көлемін ауа массаслары дейміз.
2) Ауаның қысымы дегеніміз ауаның жер бетіне түсіретін салмағы.
3) Жыл мезгілдерінің өзгеруіне байланысты, яғни Жердің Күнді айнала қозғалуына байланысты жыл бойында температураның таралуы өзгереді.
4) Күн мен түннің ауысуына байланысты, яғни Жердің өз білігінен айналуы әсер етеді.
5) Биіктеген сайын ауа температурасы төмендейді. Күн сәулелері ауадан кідіріссіз өтіп, оны тікелей қыздырмайды. Ең алдымен жер беті жылынып, содан кейін ауаға тарайды.
|
3. Жаңа мате-риалды меңгеру кезеңі.
|
Жаңа тақырыпты келесі жоспар бойынша меңгереді:
1. Атмосфераның циркуляциясы. Ауа массалары.
2. Ауаның қысымы
3. Желдер
4. Қазақстан аумағында ауа температурасының таралуы
Мұғалім жоспардың әр бөліміне қысқаша сипаттама жасап, қалғанын оқушыларға өздері сипаттайтындай тапсырмалар мен сұрақтар беру арқылы меңгертеді.
|
Тақырыпты меңгеру үшін оқулық мәтінімен және климат картасымен жұмыс істейді. Оқушылардың жоспар бойынша орындайтын жұмыстары:
1. Мұғаліммен бірге талқылай отырып, атмосфераның төменгі бөлігі тропосферада ауа ағындарының болатындығы мен оның әрдайым қозғалыста, сипаты бойынша әр түрлі болатынын анықтайды. Кейін Қазақстан аумағына әсер ететін ауа массаларының типтерін анықтайды: олар үшеу – арктикалық, қоңыржай (полярлық) және тропиктік.
2. Қысымның таралуына сипаттама береді: Қазақстан аумағында қысым біркелкі таралмаған, мұнда қысымның маусымдық өзгеруі байқалады. Оған Сібір антициклоны мен оның о-б тармағы – Воейков белдеуі, Азор антициклонының шығыс тармағы әсерін тигізеді. Кейін республиканың әр жеріндегі қысымның мөлшерін қарастыра келе, оның таралу ерекшелігіне тоқталып кетеді.
3. Желдің таралуы атмосфера қысымының таралуы мен жер бедеріне тікелей байланысты екенін анықтайды. Желдің маңызын анықтап, республикадағы оның орташа температуралары мен жергілікті желдерінің түрлерін анықтайды: Қазақстан жерінде тау аңғарлық, сайқан, ебі, шілік желдері, дауыл соғады.
4. Қазақстан аумағында ауа температурасының таралу ерекшеліктерін анықтайды: ол аумақтың созыңқы болуына және жер бедеріне байланысты. Орташа жылдық температура: солтүстікте 0,4°С-ден оңтүстікте 13,7°С-ге дейін. Ең суық ай – қаңтардың айының орташа темп. солтүстікте -19°С, оңтүстікте -1,5°С. Ең суық жер Атбасар -57°С, ең жылы ай – шілде айының орташа темп. солтүстікте 19°С, оңтүстікте 28-30°С, ең жоғары темп-лар солт-те 41°С, оңт-те 47°С. Температура инверсиясы – қысқы уақытта тау алдында, тау аралық қазаншұңқырларда, өзен аңғарларынан тау беткейлеріне биіктеген темп-ның сайын жоғарылауы. Ал шілде айында биіктеген сайын ауа темп-сы төмендейді. Орташа жылдық амплитудасын анықтайды.
|
4. Жаңа тақырыпты бекіту
|
Жаңа тақырыпты бекіту ретінде: 1. Кестені толтыру тапсырмасын береді;
2. Климат картасы бойынша қаңтар мен шілде айларының орта температураның солтүстіктен оңтүстікке, батыстан шығысқа қарай қалай өзгеретінін байқау. Себебін түсіндіру
|
1. Республика аумағында соғатын күшті желдерді сипаттайды. Оны мына кестеге салады:
№
Қазақстан аумағында соғатын желдер
Желдің қалыптасатын аймағы
Жылдамдығы, бағыты, соғу ұзақтығы
Ерекшеліктері
1) Ебі желі
Қытай жеріндегі Ебі-Нұр көлінің үстінде жоғары қысым әсерінен п.б.
60-80 м/с, Орта Азиядан Жоңғар қақпасы арқылы Алакөлге (о-ш-тан с-б-қа қарай), 70-100 күндей соғады
Желдің ішкі температурасы айналасының температурасынан 8-10°С.
2) Сайқан желі
Алакөл үстінде жоғары қысым орнағанда п.б.
50-60 м/с, с-б-тан о-ш-қа қарай Ебі желіне кері бағытта, 2-3 тәулікке созылуы мүмкін
Алакөл ойысында темп. 30-37°С-қа төмендейді. Көл деңгейі 1 м-ге көтеріледі. Қыркүйек – сәір айларында күшті соғады
3) Шілік желі
Шілік өзенінің бастау алатын мұздықтар өңіріндегі салқын ауаның Іле аңғарына қарай ығысуынан пайда болады
8-10 м/с, күндіз с-б-тан о-ш-қа қарай, түнде о-ш-тан с-б-қа қарай соғады
Бір тәулік ішінде бағытын өзгертеді, қыста үдей соққан жел қарды ұшырып, жол қатынасын қиындатады
4) Арыстанды-Қарабас
Қаратау жотасының о-б беткейіндегі Арыстанды өзенінің аңғарымен соғады.
35 м/с, солтүстіктен соғып тұрады
Мойынқұмның үстімен өткенде құмды қара бұрқасын тұрады
5) Қордай желі
Жамбыл облысының о-ш-дағы Жетіжол жоотасы мен Кіндіктас тау аңғарларындағы Қордай асуының үстінен соғады
40 м/с, 55 күн күшті соғады
Қыста Сібір антициклоны орнаған кезде жылдамдығы артады
6) Мұғалжар желі
Мұғалжар тауынан соғады
50 м/с, оңтүстік және о-б-тан соғады
Күзде батыстан және с-б-тан келетін циклон әсерінен п.б.
2. Қаңтар және шілде айларында ауа темп-сы солтүстіктен оңтүстікке қарай жоғарылайды, батыстан шығысқа қарай да төмендейді.
|
5. Сабақты қорытындылау
|
Сабақты қорытындылау сұрақтары: 1. Қазақстан жеріне қандай ауа массалары әсер ететді? 2. Республика аумағында соғатын қандай күшті желдерді білесіңдер?
|
Оқушылардың жауаптары: 1. Арктикалық, қоңыржай, тропиктік ауа массалары
2. Республика аумағында Ебі, Сайқан, Шілік, Арыстанды-Қарабас, Қордай, Мұғалжар
|
6. Бағалау кезеңі
|
Сабақ барысында белсенді қатысып отырған және картамен жұмыс істеген оқушылар бағаланады.
|
Алған бағаларын тыңдап, күнделіктеріне қойдырады. Ескертулері немесе келіспеушіліктері болса, мұғалімге айтады.
|
7. Үйге тапсырма беру
|
Тапсырмаларын аяқтамаған жағдайда оларды соңына дейін аяқтау. Мәтін соңындағы сұрақтар мен тпасырмаларды орындау
|
Күнделіктеріне үй тапсырамасын жазып алады.
|
Достарыңызбен бөлісу: |
