Тәрбие және білім берудегі ойын технологиялары

Оқыту мен тәрбие – егіз, олар педагогикалық үрдістің өзара тең екі қыры. Адамды оқыту мен тәрбиелеудің негізгі міндеті адамды дамыту және оны өмір сүруге дайындау болып табылады. Сабақ – өмір сүруге дайындық, ал сабақтан тыс қызмет – сол өмірдің кішігірім моделі. Жас ұрпақты тәрбиелеуде алға қойып отырған мақсаттардың бірі – қоғамда өзіндік орны бар, өз елінің қамын ойлайтын үлкенге құрмет көрсетіп,кішіге қамқор бола білетін, жан-жақты дамыған жеке тұлғаны қалыптастыру. Себебі, білім берудің шынайы мақсаты, адамға белгілі бір білімді жеткізу ғана емес сондай-ақ оның рухани, адамгершілік тұрғыдағы мәнін дамыту. Тұлға белсенділігін арттырудың негізгі екі жолы бар. Өзін –өзі тәрбиелеу және мемлекеттік, ұйымдық, ұжымдық қолдау. Қазіргі заман талабына сай білім беру үшін бүгінгі таңда оқытудың мазмұнын өзгерту, білім беру саласын арттыру қажеттілігі туындап отыр. Көптеген педагогикалық технологиялар оқу-тәрбие үдерісінде қолданылып жүр. Соның бірі – ойын технологиясы. Ойын элементтерін пайдалану немесе ойын сабақтары балалардың жан-жақты дамуына,сана –сезімінің өсіп жетілуіне және оқу үлгерімінің нәтижелі, әрі балалардың танымдық белсенділігін арттыруға, қызығушылықтарын дамытуға ықпал жасайды. Ойын технологиясы қажетті материалды меңгерті үшін – бағыт бағдарлаушы, орындаушы, бақылаушы- түзетуші қызметтерін қамтамасыз етеді. Қазіргі кезде мұғалім сабақты өткізіп жүрген материалдың мазмұнына сәйкес әр түрлі ойын ойлап табуына болады. Оқушы бойындағы есте сақтау, ықылас, бақылағыштық сияқты қасиеттерді дамытуға негізделген ойынның түрлерін мұғалім әрдайым кірістіріп пайдаланып отыруы қажет. Мектептегі оқу ісіне қойылатын бүгінгі талап – өзіндік ой тұжырымы мен көзқарасы бар, өз пікірін ашық айта алатын, ақпараттар ағымынан хабары бар, өз жолын дұрыс таңдай алатын, ақпараттар ағымынан хабары бар, өз жолын дұрыс таңдай алатын жас ұрпақ тәрбиелеу. Сондықтан оқытудың озық та, тиімді технологияларын пайдалану негізгі міндет болып табылады.

Ойын технологиялары – оқу –тәрбие міндеттерін шешуге бағытталған әр түрлі ойындарды қолдануды көздейтін дидактикалық жүйелер.