-бап. Бірыңғай жер салығын есептеу тәртібі (2020 жылдан бастап қолданылады)

1. Бірыңғай жер салығын есептеуді есепті салықтық кезең үшін салық салу объектісіне 0,5 пайыз мөлшерінде мөлшерлемені қолдану арқылы салық салушы дербес жүргізеді.

1. Бiрыңғай жер салығын төлеушiлер салық және бюджетке төленетiн басқа да мiндеттi төлемдердiң мынадай түрлерiн:

1) Қазақстан Республикасының заңнамасын бұза отырып пайдаланылған жер учаскелерін қоспағанда, осы арнаулы салық режимі қолданылатын қызметте пайдаланылатын жер учаскелері бойынша жер салығын және (немесе) жер учаскелерін пайдаланғаны үшін төлемді;

2) осы Кодекстің 365-бабы 3-тармағының 1), 2) тармақшаларында көрсетілген салық салу объектiлерi бойынша көлiк құралдары салығын;

3) осы Кодекстің 394-бабы 4-тармағының 1) тармақшасында көрсетілген салық салу объектiлерi бойынша мүлiк салығын;

4) осы арнаулы салық режимі қолданылатын шаруа немесе фермер қожалығының қызметі бойынша әлеуметтік салықты;

5) осы арнаулы салық режимі қолданылатын шаруа немесе фермер қожалығының қызметі бойынша қоршаған ортаға эмиссия үшін төлемді төлеушiлер болып табылмайды

2. Осы баптың 1-тармағында көрсетілмеген салық және бюджетке төленетін басқа да міндетті төлемдерді есептеу, төлеу, әлеуметтік төлемдер және олар бойынша салық есептілігін табыс ету жалпы белгіленген тәртіппен жүргізіледі.

1. Бірыңғай жер салығын төлеу, жер бетіндегі көздердің су ресурстарын пайдаланғаны үшін төлем мынадай тәртіппен:

1) салық кезеңінде 1 қаңтардан 1 қазанға дейін есептелген соманы төлеу ағымдағы салық кезеңінде 10 қарашадан кешіктірілмей;

2) салық кезеңінде 1 қазаннан 31 желтоқсанға дейін есептелген соманы төлеу салықтық кезеңнен кейінгі салық кезеңiнде 10 сәуірден кешiктiрмей жүргiзiледi.

2. Бірыңғай жер салығын бюджетке төлеу салық төлеушінің орналасқан жері бойынша жүргізіледі.

710-бап. Бірыңғай жер салығын төлеушілер үшін салық декларациясын табыс ету мерзімдері (2020ж. бастап)

1.  Бірыңғай жер салығын төлеушілерге арналған декларацияда бірыңғай жер салығын, жер бетіндегі көздердің су ресурстарын пайдаланғаны үшін төлемақының есептелген сомалары көрсетіледі

2. Бiрыңғай жер салығын төлеушiлерге арналған декларация салық төлеушілердің орналасқан жері бойынша салық органына есептi салық кезеңiнен кейiнгi салық кезеңінде 31 наурыздан кешіктірмей табыс етіледі.

22-БӨЛІМ.  АРНАЙЫ ЭКОНОМИКАЛЫҚ АЙМАҚТАРДЫҢ АУМАҒЫНДА ҚЫЗМЕТІН ЖҮЗЕГЕ АСЫРАТЫН ҰЙЫМДАР ЖӘНЕ ИНВЕСТИЦИЯЛЫҚ БАСЫМ ЖОБАНЫ ІСКЕ АСЫРАТЫН ҰЙЫМДАР
80-ТАРАУ. АРНАЙЫ ЭКОНОМИКАЛЫҚ АЙМАҚТАРДЫҢ АУМАҚТАРЫНДА ҚЫЗМЕТІН ЖҮЗЕГЕ АСЫРАТЫН ҰЙЫМДАРҒА САЛЫҚ САЛУ
711-бап. Жалпы ережелер

1. Осы Кодексті қолдану мақсаттары үшін арнайы экономикалық аймақ аумағында қызметті жүзеге асыратын ұйым, бір мезгілде мынадай талаптарға сай келетін:

1) Қазақстан Республикасының арнайы экономикалық аймақтар туралы заңнамасына сәйкес арнайы экономикалық аймаққа қатысушы болып табылатын;

2) тұрған жері бойынша арнайы экономикалық аймақтың аумағындағы мемлекеттік кірістер органында немесе арнайы экономикалық аймақтың аумағы құзыретіне жататын мемлекеттік кірістер органының аумақтық бөлімшесінде салық төлеуші ретінде тіркелген;

3) өкілдіктерді қоспағанда, арнайы экономикалық аймақ аумағынан тысқары жерлерде филиалдары мен өзге де оқшауланған құрылымдық бөлімшелері жоқ;

4) арнайы экономикалық аймағын құру мақсатына сәйкес келетін, мемлекеттік жоспарлау жөніндегі уәкілетті мемлекеттік органмен және уәкілетті органмен келісім бойынша арнайы экономикалық аймақты құру, жұмыс істеуі және тарату саласындағы мемлекеттік реттеуді жүзеге асыратын орталық атқарушы органы айқындаған қызметтің басым түрлерін арнайы экономикалық аймақ аумағында жүзеге асыратын заңды тұлға болып табылады.

Арнайы экономикалық аймақтар құру мақсаттарына сәйкес келетін, арнайы экономикалық аймақ бөлінде қызметтің басым түрлерінің тізбесін, сондай-ақ көрсетілген тізбеге қызметтің басым түрлерін енгізу тәртібін мемлекеттік жоспарлау жөніндегі уәкілетті мемлекеттік органмен және уәкілетті органмен келісім бойынша арнайы экономикалық аймақты құру, жұмыс істеуі және тарату саласындағы мемлекеттік реттеуді жүзеге асыратын орталық атқарушы органы айқындайды.

Қызметтің басым түрлерін айқындау техникалық реттеу саласындағы уәкілетті мемлекеттік орган бекіткен экономикалық қызмет түрлерінің жалпы жіктеуішіне сәйкес жүзеге асырылады.

Осы баптың 2-тармағында көрсетілген заңды тұлға, осы баптың ережелері таратылмайды.

2. Осы Кодексті қолдану мақсаттары үшін, сондай-ақ бір мезгілде мынадай талаптарға сай келетін:

1) Қазақстан Республикасының арнайы экономикалық аймақтар туралы заңнамасына сәйкес «Инновациялық технологиялар паркі» арнайы экономикалық аймағына қатысушы болып табылатын;

2) «Инновациялық технологиялар паркі» арнайы экономикалық аймақ аумағынан тыс қызметті жүзеге асыратын;

3) өкілдіктерді қоспағанда, филиалдары және өзге де оқшауланған құрылымдық бөлімшелері жоқ;

4) арнайы экономикалық аймағын құру мақсатына сәйкес келетін, мемлекеттік жоспарлау жөніндегі уәкілетті мемлекеттік органмен және уәкілетті органмен келісім бойынша арнайы экономикалық аймақты құру, жұмыс істеуі және тарату саласындағы мемлекеттік реттеуді жүзеге асыратын орталық атқарушы органы айқындаған қызметтің басым түрлерін арнайы экономикалық аймақ аумағында жүзеге асыратын заңды тұлға арнайы экономикалық аймақтың аумағында қызметті жүзеге асыратын ұйым болып танылады.

Осы тармақшада көрсетілген тауарлардың, жұмыстардың, көрсетілетін қызметтердің тізбесін мемлекеттік жоспарлау жөніндегі уәкілетті мемлекеттік органмен және уәкілетті органмен келісім бойынша арнайы экономикалық аймақты құру, жұмыс істеуі және тарату саласындағы мемлекеттік реттеуді жүзеге асыратын орталық атқарушы органы айқындайды.

3. Арнайы экономикалық аймақтың аумақтарында қызметiн жүзеге асыратын ұйымдарға:

1) жер қойнауын пайдаланушылар;

2) осы Кодекстің 279-бабының 6) тармақшасында көзделген акцизделетін тауарларды өндіруді, құрастыруды (жинақтауды) жүзеге асыратын ұйымдарды қоспағанда, акцизделетiн тауарларды өндiретiн ұйымдар;

3) арнаулы салық режимдерiн қолданатын ұйымдар;

4) 2009 жылғы 1 қаңтарға дейін инвестициялар жөніндегі уәкілетті мемлекеттік органмен жасалған келісімшарттар бойынша инвестициялық салық преференцияларын қолданатын (қолданған) ұйымдар;

5) Қазақстан Республикасының инвестициялар туралы заңнамасына сәйкес инвестициялық басым жобаны немесе инвестициялық стратегиялық жобаны іске асыратын (іске асырған) ұйымдар;

6) ойын бизнесі саласындағы қызметті жүзеге асыратын ұйымдар жатпайды.

4. Арнайы экономикалық аймақ аумағына өткізілетін тауарларға қосылған құнына салық салу, сондай-ақ нөлдік мөлшерлеме бойынша салық салынатын айналымдар бойынша қосылған құн салығының асып кеткен сомасын қайтару тәртібі осы Кодекстің 244-2 және 244-3-баптарында белгіленген тәртіппен жүргізіледі.

5. Арнайы экономикалық аймақ қатысушысы ретінде қызметті жүзеге асыру туралы шарт жасасқан күннен кейін Қазақстан Республикасының салық заңнамасына өзгерістер мен толықтырулар енгізілген жағдайда, егер мұндай өзгерістер мен толықтырулар корпоративтік табыс салығын, жер салығын, мүлік салығын және жер учаскелерін пайдаланғаны үшін төлемдерді есептеген кезде қолданылатын азайту мөлшерін алып тастауды және (немесе) өзгертуді көздейтін болса, ұйым осындай шарт жасасу күні қолданыста болған осы тараудың ережелерін қолданады.

 Осы тармақтың ережелері Қазақстан Республикасының арнайы экономикалық аймақтар туралы заңнамасына сәйкес жасалған арнайы экономикалық аймақтың қатысушысы ретінде қызметті жүзеге асыру туралы шарттың қолданылу мерзімі ішінде, бірақ осындай өзгеріс және (немесе) толықтыру қолданысқа енгізілген күннен бастап он жылдан аспайтын мерзімде қолданылады.

Осы тармақтың ережелері арнайы экономикалық аймақтың қатысушысы ретінде қызметті жүзеге асыру туралы шартты арнайы экономикалық аймақты басқару органы біржақты тәртіппен бұзған жағдайда Қазақстан Республикасының Қазақстан Республикасындағы арнайы экономикалық аймақтар туралы заңнамасына сәйкес қолданылмайды.

1. Арнайы экономикалық аймақтың аумағында қызметті жүзеге асыратын ұйым арнайы экономикалық аймақтың аумағында орналасқан және қызметтің басым түрлерін жүзеге асыру кезінде пайдаланылатын салық салу объектілері (салық салу объектілері) бойынша жер салығының, мүлікке салықтың және жер учаскелерін пайдалану үшін төлемнің бюджетке төленуге жататын сомасын айқындаған кезде есептелген салық және төлем сомасын 100 пайызға азайтады.

Осы тараудың мақсатында осы тармақта көзделген азайту салықтар мен төлем бойынша преференциялар болып табылады.

Салықтар мен төлем бойынша преференциялар мыналар:

арнайы экономикалық аймақтың қатысушысы ретінде қызметті жүзеге асыру туралы шарт жасалатын айдың соңғы күнінен бастап жер салығы бойынша;

салық салу объектісі пайда болған күннен бастап, бірақ арнайы экономикалық аймақтың қатысушысы ретінде қызметті жүзеге асыру туралы шарт жасалған күннен ерте емес мүлікке салық бойынша;

арнайы экономикалық аймақтың қатысушысы ретінде қызметті жүзеге асыру туралы шарт жасалған айдың бірінші күнінен бастап уақытша өтеулі жер пайдалану (жалдау) шартының қолданыс мерзімі аяқталғанға дейін, бірақ арнайы экономикалық аймақтың қолданыс мерзімінен асырылмай жер учаскелерін пайдалану үшін төлем бойынша қолданылады.

2. Арнайы экономикалық аймақтың аумағында орналасқан салық салу объектілері (салық салу объектілері) пайдаланылған жағдайда, қызметтің басым түрлерін жүзеге асыру кезінде, сол сияқты қызметтің өзге түрлерін жүзеге асыру кезінде осы баптың 1-тармағы бірінші бөлігінің ережелері қолданылатын салық немесе төлем сомасы қызметтің басым түрлерінен түсетін кірістердің жылдық жиынтық табысқа үлестік салмағына пропорционалды айқындалады.

3. Арнайы экономикалық аймақтың басқару органы арнайы экономикалық аймақтың қатысушысы ретінде қызметті жүзеге асыру туралы шартты біржақты тәртіппен бұзған жағдайда «Қазақстан Республикасындағы арнайы экономикалық аймақтар туралы» Қазақстан Республикасының Заңына сәйкес салық және төлем бойынша преференциялар оларды қолдану басталған күннен бастап жойылады.

Бұл ретте салық төлеуші шартты бұзу күнінен бастап күнтізбелік отыз күннен кешіктірмей қорытындысы бойынша осы баптың 1-тармағының ережелері қолданылған салықтық кезең үшін қосымша салықтық есептілікті ұсынуға міндетті.

4. Арнайы экономикалық аймақтың аумағында қызметін жүзеге асыратын ұйым бюджетке төленуге жататын корпоративтік табыс салығының сомасын айқындаған кезде қызметтің басым түрлерін жүзеге асырудың нәтижесі болған тауарларды, жұмыстарды, көрсетілетін қызметтерді өткізуден алынған кірістер бойынша осы Кодекстің 139-бабына сәйкес есептелген корпоративтік табыс салығының сомасын 100 пайызға азайтады.

Бұл ретте осы тармақтың бірінші бөлігінің ережесі мынадай құрылыс объектілерін:

жобалық-сметалық құжаттамаға сәйкес ауруханаларды, емханаларды, мектептерді, балабақшаларды, мұражайларды, театрларды, жоғары және орта оқу мекемелерін, кітапханаларды, оқушылар сарайын, спорт кешендерін;

жобалық-сметалық құжаттамаға сәйкес инфрақұрылымды, әкімшілік және тұрғын үй кешендерін (2020ж. бастап) өткізуден кірістер бойынша қолданылмайды.

5. Арнайы экономикалық аймақтың аумағында қызметін жүзеге асыратын ұйымның қызметтің басым түрлеріне жатпайтын өзге түрлерін жүзеге асырудан түсетін кірістеріне жалпы белгіленген тәртіппен корпоративтік табыс салығы салынуға жатады.

6. Арнайы экономикалық аймақтың аумағында қызметін жүзеге асыратын ұйым қызметтің тиісті басым түрі және қызметтің өзге түрлері бойынша салықтық міндеттемелерді есептеу мақсатында салық салу объектілерінің және (немесе) салық салумен байланысты объектілердің бөлек салықтық есебін жүргізеді.

Арнайы экономикалық аймақтың аумағында қызметін жүзеге асыратын ұйым осы Кодекстің 139-бабына сәйкес есептелген корпоративтік табыс салығын 100 пайызға азайтуды көздейтін осы Кодекстің басқа ережелерін қолдануға құқылы емес.

«Инновациялық технологиялар паркі» арнайы экономикалық аймағының аумағында қызметін жүзеге асыратын ұйым қызметтің басым түрлерін жүзеге асыруда жұмыс істейтін жұмыскерлерге кірістер түрінде төленетін жұмыс берушінің шығыстары бойынша есептелген бюджетке төленуге жататын әлеуметтік салықтың сомасын 100 пайызға азайтады.

Осы тармақты қолдану мерзімі заңды тұлға Қазақстан Республикасының арнайы экономикалық аймақтар туралы заңнамасына сәйкес арнайы экономикалық аймақтың қатысушысы ретінде қызметті жүзеге асыру туралы шартты жасаған айдың бірінші күнінен басталады.  
713-бап. Салықтық кезең және салықтық есептілік

Салықтық кезең, салық және бюджетке төлемдер бойынша салықтық есептілікті ұсынудың тәртібі мен мерзімі осы Кодекске сәйкес айқындалады.

  

81-ТАРАУ.ИНВЕСТИЦИЯЛЫҚ БАСЫМ ЖОБАНЫ ІСКЕ АСЫРАТЫН ҰЙЫМҒА САЛЫҚ САЛУ
714-бап. Жалпы ережелер

1. Осы Кодекстің мақсаттары үшін бір мезгілде мынадай шарттарға сәйкес келетін заңды тұлға:

1) Қазақстан Республикасының инвестициялар саласындағы заңнамасына сәйкес инвестициялық басым жобаны іске асыруды және салықтар бойынша преференциялар беруді көздейтін инвестициялық келісімшарт жасасса;

2)  инвестициялық басым жобаны іске асыру үшін айқындалған қызметтің басым түрлерінің тізбесіне сәйкес келетін қызмет түрлерін жзеге асырса;

3) арнаулы салық режимін қабылдамаса инвестициялық басым жобаны іске асыратын ұйым болып табылады.

Инвестициялық басым жобаны іске асыру үшін басым қызмет түрлерінің тізбесін Қазақстан Республикасының Үкіметі айқындайды.

Инвестициялық басым жобаны іске асыратын ұйымның қызметтің басым түрлеріне жатпайтын өзге түрлерін жүзеге асырудан түсетін кірістеріне жалпы белгіленген тәртіппен корпоративтік табыс салығы салынуға жатады.

Инвестициялық басым жобаны іске асыратын ұйым инвестициялық келісімшарттың негізінде қызметтің басым түрі бойынша салықтық міндеттемелерді есептеу мақсатында салық салу объектілерінің және (немесе) салық салумен байланысты объектілердің бөлек салықтық есебін жүргізеді.

Егер қолданыстағы өндірістерді кеңейту және (немесе) жаңарту бойынша инвестициялық басым жобаны іске асыруға инвестициялық келісімшарттың ережелерінде өнімді шығаратын тіркелген активтерді кезеңдеп енгізу көзделсе, онда бөлек салықтық есепке алу салықтық есеп саясатына сәйкес өнімді шығаратын әрбір тіркелген актив бойынша жүргізіледі.

Инвестициялық басым жобаны іске асырушы ұйым коропоративтік табыс салығын 100 пайызға азайтуды көздейтін, мұндай жоба бойынша осы Кодекстің басқа да ережелерін қабылдауға құқығы жоқ:

2) инвестициялық басым жоба шеңберінде пайдалануға енгізілген, тіркелген активтер топтарының (кіші топтардың) құндық баланстары бойынша амортизациялық аударымдарды осы Кодекстің 120-бабының 2-тармағында көрсетілген, амортизацияның шекті нормаларынан амортизацияның нормаларын қолдану жолымен, кемінде 50 пайыз мөлшерінде айқындайды.

2. Инвестициялық басым жобаны іске асыруға арналған инвестициялық келісімшарттар бойынша осы баптың 1-тармағын қолданудың шекті мерзімі:

1) жаңа өндірістерді құру бойынша:

- инвестициялық басым жобаны іске асыруға арналған инвестициялық келісімшарт жасалған жылдың 1 қаңтарынан басталады;

- инвестициялық басым жобаны іске асыруға арналған инвестициялық келісімшарт жасалған жылдан кейінгі жылдың 1 қаңтарынан бастап есептелетін, қатарынан келетін он жылдан кешіктірмей аяқталады.

2) осы тармақтың 3) тармақшасында көрсетілген жағдайлардан басқа, жұмыс істеп тұрған өндірістерді кеңейту және (немесе) жаңарту бойынша:

- инвестициялық басым жобаны іске асыруға арналған инвестициялық келісімшарт шеңберінде соңғы тіркелген активтерді пайдалануға берілген жылдан кейінгі жылдың 1 қаңтарынан басталады;

- инвестициялық басым жобаны іске асыруға арналған инвестициялық келісімшарт шеңберінде соңғы тіркелген активтерді пайдалануға берілген жылдан кейінгі жылдың 1 қаңтарынан басталып есептеледі, қатарынан үш жылдан кешіктірілмей аяқталады;

3) инвестициялық басым жобаны іске асыруға арналған инвестициялық келісімшартта көзделген өнімдерді шығаратын, тіркелген активтерді кезең-кезеңімен енгізу кезінде жұмыс істеп тұрған өнідірістерді кеңейту және және (немесе) жаңарту бойынша:

- инвестициялық жоба шеңберінде өнімдерді шығаратын, тіркелген активтер пайдалануға кезең-кезеңімен шығарылған жылдан кейінгі жылдың 1 қаңтарынан басталады;

- инвестициялық жоба шеңберінде өнімдерді шығаратын, тіркелген активтерді енгізу жүргізілген жылдан кейінгі жылдың 1 қаңтарынан басталып, қатарынан үш жылдан кешіктірілмей аяқталады.

Жұмыс істеп тұрған өндірістерді кеңейту және (немесе) жаңарту бойынша инвестициялық басым жобаны іске асыруға арналған инвестициялық келісімшартта көзделген, өнім шығаратын, әрбір тіркелген активке қатысты шекті мерзім қолданылады.

 3. Инвестициялық басым жобаны іске асыру үшін пайдаланылатын жер учаскелері бойынша жер салығын есептеу кезінде жаңа өндірістерді құру бойынша инвестициялық басым жобаны іске асыратын ұйым жер салығының мөлшерлемелеріне сәйкес 0 коэффициентін қолданады.

Осы тармақтың қолданылуының шекті мерзімі:

1) жаңа өндірістер құру бойынша инвестициялық басым жобаны іске асыруға арналған инвестициялық келісімшарт жасалған айдың 1-і күнінен басталады;

2) жаңа өндірістер құру бойынша инвестициялық басым жобаны іске асыруға арналған инвестициялық келісімшарт жасалған жылдан кейінгі жылдың 1 қаңтарынан бастап есептелетін, қатарынан келетін он жылдан кешіктірмей аяқталады.

Осы тармақтың бірінші бөлігінің ережелері инвестициялық басым жобаны іске асыру үшін пайдаланылатын жер учаскесін немесе оның бір бөлігін (ондағы үйлермен, құрылыстармен, ғимараттармен бірге не оларсыз) мүліктік жалдауға (жалға беруге), өзге де негіздерде пайдалануға беру жағдайларында қолданылмайды.

 Осы тармақтың ережелері халықаралық қаржылық есептілік стандарттарына және Қазақстан Республикасының бухгалтерлік есеп пен қаржылық есептілік туралы заңнамасының талаптарына сәйкес негізгі құралдар құрамында ескерілетін және Қазақстан Республикасының инвестициялар саласындағы заңнамасына сәйкес жасалған инвестициялық келісімшартқа қосымша болып табылатын жұмыс бағдарламасында көзделген активтерге қатысты қолданылады.

осы Кодекстің 139-бабына сәйкес, есептелген корпоративтік табыс салығын 100 пайызға азайту;

жер салығының мөлшерлемелеріне 0 коэффициент;

мүлікке салықты есептеген кездегі мқлшерлемелердің салық базасына 0 пайызы көзделсе қолданылады.