Сабақтың тақырыбы: «Жалпы рецептура. Рецепт. Қатты дәрілік түрлер. Жұмсақ дәрілік түрлер. Сұйық дәрілік түрлер, Егуге арналған дәрілер»

(Гранула – Nom. sing. Granulum,

Gen. sing. Granuli, Gen. pl. Granulorum)

Гранулалар – ішке қолдануға арналған, домалақ, цилиндр тәрізді немесе пішінсіз түрі бар бірыңғай бөлшек (дән) түріндегі қатты дәрілік түр. МФ Х талабына сәйкес гранулалардың өлшемі 0,2-3 мм аспауы тиіс. Гранулалар – фармацевтикалық өндірістерде өндірілетін дәрілік түр. Өндірістерде қосымша зат ретінде қант, шарап қышқылы, натрий гидрокорбанаты, крахмал, глюкоза, тальк, қант сиропы тағамдық бояғыштар және т.б заттар пайдаланады. Иісі мен ащы тітіркендіргіш әсері бар дәрілік заттар көбінесе гранула түрінде шығарылады.

Гранулалар фармацевтикалық өндірістерді дайындалатындықтан, рецепте қысқартылған түрде ғана жазылады, яғни дәрілік түрдің одан соң дәрілік заттың атауы мен оның мөлшері көрсетіледі. Гранулалар – мөлшерге бөлінбеген дәрілік түр, сондықтан рецепте грануланы жалпы мөлшері (барлық қабылдауға) көрсетіледі. Гранулаларды көбінесе шай қасықпен мөлшерлейді. Кейбір гранулаларды қолданар алдында сумен ерітіп, сұйық дәрілік түр ретінде (шай немесе ас қасықтан) белгілейді.

100,0 натрий пара-аминосалицилаты (Natrii para-aminosalicylas) грануласына жазыңыз. 1 шай қасықтан 3 рет тамақтан 1 сағ. соң ішуге.

Rp: Granulorum Natrii para-aminosalicylatis 100,0

Da.signa. 1 шай қасықтан күніне 3 рет тамақтан 1 сағ соң.