Сабақ Тақырыбы: Практикумға кіріспе. Химиялық термодинамика негіздері. Жүйе параметрлерінің (температура, ішкі энергия, энтальпия, бос энергия, энтропия) тірі материямен байланысы. Термохимиялық есептеулер

1. Дисперсті жүйе, дисперсті фаза, дисперсті орта түсінігі.

2. Дисперсті жүйелердің жіктелуі.

3. Мицелла құрылымы, ол қандай бөлшектерден тұрады?

4. Коллоидты ерітінділердің алу және тазалау жолдары.

5. Коллоидты ерітінділердің оптикалық қасиеттері. Тиндаль конусы.

6. Коагуляция, оның медико-биологиялық маңызы.

7. ЖМҚ ерітінділерінің ерекшеліктері.

№1 тәжірибе. Гидролиз әдісімен темір (ІІІ) гидроксидінің золін алу.

Пробиркадағы қайнап тұрған суға тамшылатып 2%-тік темір (ІІІ) хлориді ерітіндісін қызыл-қоңыр түсті темір (ІІІ) гидроксидінің золі түзілгенге дейін құяды. Жоғары температура әсерінен темір хлоридінің гидролиз реакциясы темір гидроксидінің түзілуі жағына ығысады.

FeCl₃+3H₂O↔Fe(OH)₃+3HCl

Суда ерімейтін темір гидроксидінің молекулалары коллоидты өлшемдегі агрегаттар түзеді. Бұл агрегаттарды тұрақтандырып отырған ерітіндідегі темір хлоридіндегі темір ионы, ол бөлшек бетіне адсорбцияланып, ал хлор иондары қарама-қарсы ион болып таралады. Мицеллалар құрылысын жазыңыз

№2 тәжірибе. Қос алмасу реакциясы бойынша күміс иодиді золін алу

Колбаға 0,1н КJ-нің 2 мл құйып, оны 25 мл-не дейін сумен сұйылтады. Екінші колбаға 0,1н AgNO₃ –ның 1 мл құйып, оны да 25 мл-ге дейін сұйылтады. Алынған ерітінділердің әр қайсысын екіге бөліп, 2 тәжірибе жасайды.

а) КJ-ерітіндісіне араластырып, біртіндеп AgNO₃ ерітіндісін құйып, AgJ золін алады. Мицелла құрылысын жазыңыз.

б) AgNO₃ ерітіндісімен үнемі араластырып, біртіндеп КJ ерітіндісін құйып AgJ золін алады. Мицелла құрылысын жазыңыз.

№3 тәжірибе. Қос алмасу реакциясы бойынша берлин лазурі золін алу

Алдыңғы тәжірибелерде сипатталған қос алмасу реакцияларының шарттарын сақтай отырып, берлин лазурі золін алдымен FeCl₃ сонан соң K₄[Fe(CN)₆] артық мөлшерінде алады.

Тәжірибені былай жүргізеді 20 мл 0,1%-тік K₄[Fe(CN)₆] ерітіндісіне араластыра отырып, 5-6 тамшы 2%-тік FeCl₃ құяды. Мицелла құрылысы төмендегідей болатын көк түсті золь алынады:

{ m KFe[Fe(CN)₆] n [Fe(CN)₆]^4- 4(n-x) K⁺}^4x- 4xK⁺

6. Пәнді оқытудың соңғы нәтижелеріне қол жеткізу деңгейін бағалауға арналған бақылау түрлері: тест бақылау, тәжірибе нәтижелерін қорғау