Пәннің соңғы ОН қол жеткізудің негізгі формалары /әдістері/ технологиялары

«Адсорбцияны белсенді көмірде зерттеу»

Адсорбцияны белсенді көмірде зерттеу үшін қышқылдың концентрациясын адсорбцияға дейін және адсорбциядан кейін анықтау керек.

1. 1н сірке қышқылын сумен сұйылту арқылы 100мл-ден 0,5н; 0,1н; 0,05н; 0,01н ерітінділерін дайындаймыз.

2. белсенді көмірдің 4 данасын майдалап техникалық таразыда өлшеп, конус тәрізді колбадағы әр түрлі концентрацияда дайындалған сірке қышқылы ерітіндісіне саламыз. Колбаны 30 минутқа қалдырып, қайта-қайта шайқап тұру керек. Осы уақыт аралығында сірке қышқылының адсорбция процесі аяқталады.

3. Адсорбция жүріп жатқанда , титрлеу әдісі арқылы 0,1н натрий гидроксиді ерітіндісімен бастапқы ерітіндінің концентрацияларын анықтау керек. Титрлеу үшін сірке қышқылының келесідей бөлігін алу керек: 0,5н ерітіндісінен – 2мл, 0,1н және 0,05н ерітіндісінен – 10мл-ден, 0,01н – 20мл. Титрлеуді 0,1н натрий гидроксиді және 1-2 тамшы фенолфталеин ерітіндісімен жүргізеді. Әр бір сынамадағы қышқылдың концентрациясын келесі теңдеумен есептейді:

. С_{н кыш} = С_{н NaOH} * V_NaOH/ V_кыш
Алынған мәндерді кестеге енгізіңіз.

4. 30 минуттан соң ерітіндіні көмірден сүзіп алып, титрлеу әдісі арқылы жоғарыда көрсетілген жолмен адсорбциядан кейінгі қышқылдың концентрациясын анықтаңыз. Нәтижелерді кестеге енгізіңіз.

5. Белсенді көмірмен адсорбцияланған 0,5н; 0,1н; 0,05н; 0,01н сірке қышқылының мөлшерін келесі теңдеумен есептеңіз: х=(С₁-С_р)*V(ммоль/л)

Мұндағы С₁-С_р –сірке қышқылының адсорбцияға дейін және кейінгі концентрациялары.

V-адсорбциялауға алынған ерітіндінің көлемі.

х/м қатынасын есептеңіз, мұндағы м – көмірдің салмағы (г).