Өзін-өзі бақылауға арналған сұрақтар

1. 
   Беттік электрлік зарядтың пайда болуының механизмдерін атаңыз.
   
2. 
   «Потенциал анықтағыш иондар» ұғымына анықтама беріп, мысал келтіріңіз.
   
3. 
   «Қарсы иондар» ұғымына анықтама беріп, мысал келтіріңіз.
   
4. 
   Қос электрлік қабаттың қай бөлігін диффузиялық деп атайды?
   
5. 
   «Электркинетикалық потенциал» ұғымына анықтама беріңіз. Ол қос қабаттың қай бөлігінде пайда болады?
   
6. 
   Индифференттікк электролиттердің қос электрлік қабатқа тигізетін әсерін түсіндіріңіз.
   
7. 
   Индифференттікк емес электролиттердің қос электрлік қабатқа тигізетін әсерін түсіндіріңіз.
   
8. 
   Беттің қайта зарядталуын түсіндіріңіз.
   
9. 
   Негізгі электркинетикалық құбылыстарды атаңыз.
   
10. 
    Электркапиллярлық құбылыстарға сипаттама беріңіз.
    

Коагуляция дегеніміз коллоидтық ерітінділердегі қатты бөлшектердің өздігінен бірігуі. Коагуляция нәтижесінде ірі борпылдақ агрегаттар түзіледі. Олар бір-бірінен сұйық дисперсиялық ортаның жұқа (наноөлшемді) үлдірлері арқылы бөлінген ондық не жүздік дисперстік бөлшектерден тұрады.

1. 
   Гомогенді коагуляция (әдетте коагуляция деп аталады) – агрегаттар бір заттың дисперстік бөлшектерінен тұрады.
   
2. 
   Гетерогенді коагуляция (гетерокоагуляция) – коллоидтық ерітінді әртүрлі заттардың дисперстік бөлшектерінен тұрады. Гетерокоагуляцияның элементтік актінде химиялық құрамы әртүрлі дисперстік бөлшектер бірігеді.
   
3. 
   Адагуляциялық коагуляция (адагуляция) - дисперстік бөлшектердің әртүрлі қатты беттерге жабысуы.
   
4. 
   Флокуляция – коагуляциялық агрегаттар ерітіндідегі полиэлектролиттердің әсерінен түзіледі. Полиэлектролиттердің ірі молекулалары не иондары, екі әртүрлі бөлшекте екі шетімен адсорбцияланып, оларды ірі бір агрегатқа біріктіреді.