БАСҚАРУ СОЦИОЛОГИЯСЫ ПӘНІ БОЙЫНША ТАҚЫРЫПТЫҚ ЖОСПАР

А Л Ғ Ы С Ө З

Пост-коммунистік кезеңдегі дамып келе жатқан демократия уақыт пен төзімділікті қажет етеді. Ең алдымен демократияландыру үрдісінің мәнін түсіну қажет. Демократия өзінен-өзі пайда болмайды, оны құру қажет.

Демократиялық құрылысты қалыптастыруда қоғамдағы басқару қызметтерінің маңызы зор.

Қоғамдық басқарудың қалыптасу үрдісі белгілі бір уақытты қажет етеді. Сонымен қатар оның нысандары өзгеріп отырады.

Қоғамдағы басқару нысандарының ішіндегі ең маңыздысы мемлекеттік басқару болып табылады. Бұл пәннің мақсаты студенттерді мемлекеттік басқару негіздерімен таныстыру. Себебі, өзіміз ғұмыр кешіп отырған елдің белсенді Һәм игілік өндіруші мүшесі болу үшін мемлекетіміздің бізге қандай үміт артатынын білуіміз қажет.

Сайлау - қоғамдық басқаруды қалыптастырудың ең маңызды тетігі болып табылады. Курс мазмұнында сайлау жүйелеріне де көңіл бөлінген. Себебі, әр азамат өз елінің болашағы үшін жауапкершілікте. Азаматтар өз жауапкершілігін толық мәнінде сайлау арқылы көрсете алады.

Сонымен қатар пән мазмұнында экономика, әлеуметтік-мәдени, құқық сияқты аса маңызды қоғамдық салалардағы басқару туралы мағлұматтар да қамтылған.

Басқару социологиясы курсы-студенттерді қоғамның әлеуметтік-саяси өміріне белсенді араласуына қажетті теориялық базамен қамтамасыз етуге арналған.

Оқу пәні саясаттану, социология мамандықтары бойынша оқитын студенттерге арналған.