Қызметкерлердің жақсарту бойынша ұсыныстары

Қызметкерлердің жақсарту бойынша ұсыныстары

12% ұсыныстар бағдарламалық қамтамасыз етуді жақсарту, белгілі бір үдерістерді автоматтандыруды енгізу, компьютерлік паркті ауыстыру, сонымен қатар серверлерді жаңарту туралы болды.Мемлекеттік қызметкерлер тұтынушылар үшін жұмыс сапасы жұмыстың жылдамдылығында екенін өздері де түсінеді, алайда қазіргі уақытта қызмет көрсетудің қажетті жылдамдығы көбінесе компьютерлік парктің ескіруіне, қол жетімділіктің болмуына (<1%), Интернеттің болмауына (1,9%) байланысты қамтамасыз етіле алмайды – ал бұл бүкіл әлем қазір бұлтты технологияларға көшіп жатқан ғасыр. 5,4% ұсыныстар барлық меморгандар үшін клиенттердің бірыңғай базасын құру мәселесіне байланысты берілген. Бұл кеңсешілдікті едәуір азайтып, клиеннттерге қызмет көрсету уақытын қысқартатын еді, жұмыс өнімділігін арттырар еді. Органайзерлерге, материалдық-техникалық базаны жақсартуға, оргтехника-сканерлерге, принтерлерге, көшіргі аппараттарға бірнеше сұраныстар болды (4,7%). Жиынтық түрде осының бәрін техникалық жарақтандыру деп атауға болса, онда бұл ұсыныстар шамамен 25% құрайды. Яғни, қызметкерлердің ширегі жұмысты жақсартуды материалдық-техникалық базаны жақсартумен байланыстырады.

13,3% мәселе адами ресурстарды басқару, атап айтқанда штатты ұлғайту (5,8%) немесе қысқартуға, штатты оңтайландыру және жүктемені қайта бөлуге (1,7%), қызметкерлер құрамын оқыту жүйесін жақсартуға (5,8%) қатысты болды, көптеген мәселелер менеджмент бойынша, дұрыс жалдау (білікті адамдарды қабылдау) туралы қозғалды.

Мәселелердің бір бөлігі ғана (3,9%) жұмысты оңтайландыруға қатысты айтылды, оның ішінде, кеденшілер қызмет куәліктерін беруді жылдамдатуды (1,4%), қағаз жүзіндегі кеңсешілдікті және артық есеп берушілікті (2,5%) азайтуды сұраған, алайда оны нақты қалай істеуге болатыны туралы ұсыныс берілмеген.

Көптеген қызметкерлер (3,5%) ірі қайта ұйымдастыруды ұсынған, негізінен , мұндай ұсыныстар Кедендік қызметке қатысты айтылған: бұл оны МКК-не жатқызуға наразылық білдірушілік, ал қызметкерлер ол құқық қорғау жүйесіне жатқызылуы тиіс деп санайды. Бірнеше мынадай түрдегі пікірлер кездесті: «Ендігі қандай-да бір ұсыныстарды жазу кеш, не болып жатқаны түсініксіз!», «Қалатын жас жігіттерді аяймын». Көптеген пікірлерден осы саладағы соңғы реформалардың ұнамайтынын көруге болады: «Бұрын қалай болды, соның бәрін қайтарыңдар!».

81-кесте. Сектор органдарының ағымдағы жұмыс жүйесін жетілдіру бойынша ұсыныстар үлесі, %

Қазіргі уақытта (2015 жыл) МКК қызметкерлері әр түрлі міндеттері мен жұмыс жүйелері бар әр түрлі үш қызметті білдіреді. Бір қызметке бірігу бәріне бірдей ұнай бермейді, әсіресе бұл Кедендік қызмет пен ЭТҚ ұсыныстары бойынша байқалады, кейбір қызметкерлердің пікірлерінде жұмыстың неліктен қайта ұйымдастырылып жатқандығы, заңнаманың және жұмыс ережесінің неге жиі өзгеретіндігін дұрыс түсінбеуі көрінеді. Бірақ жалпы жұмыс жүріп жатыр, қызметкерлердің жартысына жуығы өз жұмыс орындарына тұрақты, жұмыс өтілі 20 жылға дейінгі тәжірибелі қызметкерлер саны көп.

Сонымен бірге, еңбекақыны арттыруға, сыйақы төлеуге, оның ішінде жұмыс нәтижелерінің, жоспар орындаудың, тұтынушыларға қызмет көрсету стандарттарын сақтау негізінде назар аударуға суалдар көп болды. Бұған «уәждеме» аспектісі бойынша қанағаттанушылықтың салыстырмалы түрде төмен көрсеткіштері (5 балдың ішінде 3,7 балл) куә етеді. Әр түрлі аспектілерге қанағаттанушылық қызметтер мен өңірлер бойынша айырмашылықтарға ие, және бұл жерде өңірлер бойынша нақты қажеттіліктерді туралап және келісу қажет, әрі оқытуды, жұмысты түсіндіруді және т.с.с. жоспарлау үшін қажеттіліктері бірдей өңірлер тобын құрғн жөн.

Сонымен қатар, МКК мемлекеттік қызметкерлерінің оқуға, біліктілікті көтеруге қажеттіліктері жоғары (68,5%), сонымен бірге заңнама жаңартулары мен шет тілі (ағылшын тілі) бойынша курстар және ішкі оқытуларға сұраныс өте жоғры.

Сауалнама жүргізілген қызметкерлердің пікірі бойынша сыбайлас жемқорлық деңгейі олардың қызметінде көп емес. Шамамен қызметкерлердің төрттен бір бөлігі олардың мемлекеттік органдарында сыбайлас жемқорлық дәрежесі 10-20%-ға жуық деп ойлайды. Сұхбаткерлердің 68,3%-ы олардың мелмекеттік органдарындағы сыбайлас жемқорлық дәрежесін 0%-ға бағалайды.

Жақсартулар бойынша ұсыныстардың кең спектрі басшылыққа деген сенімнің жоғарылығын, қызметкерлердің жақсартулар бойынша жұмылдыруға дайындығын білдіреді, олар проблеманы құрылымдық түрде жоюға дайын, қызметкерлердің көпшілігі өз ісіне адал, үлкен тәжірибеге ие екендігі көрініп тұр. Сондықтан, олардың пікірлеріне назар аударған, жақында болған қайта ұйымдастырулар мен болашақтағы өзгерістердің жетістіктері мен кемшіліктерін талқылаған, сонымен қатар еңбек нәтижелерін және халыққа қызмет көрсету сапасын бағалауға негізделген уәждеменің сенімді әрі ұзақ мерзімді жүйесін әзірлеу бойынша мәселелерді қараған дұрыс.

8. Тергеу әдістемесі

   1. Құралдар

Осыған сәйкес төмендегі құралдар пайдаланылды:

1. 
   ЗАҢДЫ ТҰЛҒАЛАРҒА ЖӘНЕ ЖК-ге сұрақ-жауап жүргізуге арналған сауалнама;
   
2. 
   ХАЛЫҚҚА сұрақ-жауап жүргізуге арналған сауалнама;
   
3. 
   ҚР МЕМЛЕКЕТТІК КІРІСТЕР КОМИТЕТІНІҢ ҚЫЗМЕТКЕРЛЕРІНЕ сұрақ-жауап жүргізуге арналған сауалнама;
   
4. 
   Терең сұхбат жүргізу сценариі.
   

Салық органдарының бизнеске арналған қызметтері келесілерді қамтыды:

1) ЖК тіркеулік есепке алу (тіркеу, тіркеу деректерін өзгерту, тіркеуден шығару);

2) Салықтардың, бюджетке төленетін басқа төлемдердің, өсімпұлдардың, айыппұлдардың сомаларын есептеу және төленген сомаларды қайтару;

3) Заңды тұлғаны тарату, ЖК қызметін тоқтату.
Халыққа арналған салықтық қызметтер:

1) Салық төлеушіні тіркеу (тіркеу, тіркеу деректерін өзгерту);

2) Салықтық берешегі (көлік салығы, жер салығы, мүлік салығы және т.с.с.), міндетті зейнетақы жарналары, әлеуметтік аударымдар бойынша берешегі жоқтығы (бар болуы) туралы анықтамалар беру;

3) Дербес шоттан үзінділер беру;

4) Жергілікті салықтар бойынша есептелген сомаларды салыстыру (көлік, мүлік, жер салығы).
Кеден органдарының қызметтері:

Заңды тұлғалар және жеке кәсіпкерлер үшін:

1) Кедендік тазарту және тауарлар шығару;

2) Кедендік баждар, салықтар, кедендік алымдар мен өсімпұлдар бойынша есеп айырысулар актісін беру;

3) Тауарларды жіктеу бойынша алдын ала шешімдер қабылдау;

4) Тауар құны бойынша қосымша тексеріс жүргізу;

5) Шекарадағы кедендік бақылау.

Халыққа арналған қызметтер:

Шекарадағы кедендік бақылаудан өту.
Жоғарыда көрсетілген әр бір қызмет бойынша төмендегілер меңгерілді:

Салықтық және кедендік қызметтердің барлық түрлері бойынша ақпарат ұсыну;

Салық және кеден заңнамасын түсіндіру;

Шағымдар рәсімі.

Заңды тұлғалар мен ЖК сауалнама жүргізуге арналған салықтық сауалнамада - 88 сұрақ;

Халыққа сауалнама жүргізуге арналған салықтық сауалнамада - 63 сұрақ.

Заңды тұлғалар мен ЖК сауалнама жүргізуге арналған кедендік сауалнамада – 85 сұрақ;

Халыққа сауалнама жүргізуге арналған кедендік сауалнамада – 65 сұрақ.

ҚР Мемлекеттік кірістер комитетінің қызметкерлеріне арналған сауалнамада – 55 сұрақ.

Терең сұхбат сценариінде – 13 сұрақ.
Тергеу шеңберінде іріктеу бірліктері сауалнама сәтінде жыл бойы салық және кеден органдарында қызметтер алған тұлғалар болып табылды. Сонымен қатар, өз жұмысының әр түрлі аспектілеріне қанағаттанушылықтарын анықтау үшін қызмет жеткізушілерге де сауалнама жүргізілді.

2. 
   
   жүктеу 9,1 Mb.
   
   Достарыңызбен бөлісу: