Салықтық берешегі (көлік салығы, жер салығы, мүлік салығы және т.с.с.), міндетті зейнетақы жарналары, әлеуметтік аударымдар бойынша берешегі жоқтығы (бар болуы) туралы анықтамалар, дербес шоттан үзінд

Салықтық берешегі (көлік салығы, жер салығы, мүлік салығы және т.с.с.), міндетті зейнетақы жарналары, әлеуметтік аударымдар бойынша берешегі жоқтығы (бар болуы) туралы анықтамалар, дербес шоттан үзінділер беру

«Салықтық берешегі (көлік салығы, жер салығы, мүлік салығы және т.с.с.), міндетті зейнетақы жарналары, әлеуметтік аударымдар бойынша берешегі жоқтығы (бар болуы) туралы анықтамалар, дербес шоттан үзінділер беру» кешендік қызмет 3 қосалқы қызметке бөліне алады:

1) Салықтық берешегі (көлік салығы, жер салығы, мүлік салығы және т.с.с.), міндетті зейнетақы жарналары бойынша берешегі жоқтығы (бар болуы) туралы анықтамалар беру – 9,1 балл;

2)Дербес шоттан үзінділер беру – 8,7 балл;

3) Жергілікті салықтардың (көлік, мүлік және жер салығы) есептелген сомалары бойынша салыстыру – 8,7 балл.

Егер қызметтерді жеке-жеке алатын болсақ, онда бірінші қосалқы қызметті (берешектердің болуы/жоқтығы туралы) сұхбаткерлер басқаларынан жоғры – 9,1 балға бағалағанын көруге болады, және жалпы қанағаттанушылық – 89,0%-ды көрсетеді. Үшінші қосалқы қызметті (жергілікті салықтар бойынша салыстыру) 8,9 балға бағалады, және қызмет алуға толық қанағаттанушылық 84,2%-ды құрады. Және сұхбаткерлердің 80,5%-ы «2-ші қызметке» бәрінен аз қанағаттанады, орташа балл 8,7 балға тең.

Барлық 3 қосалқы қызмет бойынша салық төлеушілердің қызметті көбінесе қағаз нұсқасында алғандығын байқауға болады – бірінші қосалқы қызмет бойынша (берешек туралы анықтама) 60% сұхбаткер, екінші қосалқы қызмет бойынша (дербес шоттан үзінді) 53,4% және үшінші қосалқы қызмет бойынша (жергілікті салықтар бойынша салыстыру) 71,9% сұхбаткер. Электрондық нысанды бірінші қосалқы қызмет бойынша 20,6% сұхбаткер, екінші қосалқы қызмет бойынша 32,4% және үшінші қосалқы қызмет бойынша 15,9% сұхбаткер пайдаланды. Аралас, яғни ішінара автоматтандырылған нысанды пайдаланғандар саны аз. Бұл нысанды екінші қосалқы қызмет бойынша сұхбаткерлердің тек 14,2%-ы, үшінші қосалқы қызмет бойынша 12,2%-ы және бірінші қосалқы қызмет бойынша 10,4%-ы пайдаланған.

Қызмет нәтижесін күтуге құжаттарды берген сәттен бастап шешім шығарғанға дейін орташа алғанда 11,5 сағат жұмсалды. Төмендегілер бойынша:

- салық берешегінің жоқтығы туралы анықтама беру бойынша – 12,6 сағат (бір жарым күн);

- дербес шоттан үзінділер беру бойынша – 15,5 сағат (2 күнге жуық);

- жергілікті салықтардың есептелген сомасын салыстыру бойынша – 6 сағат (жарты күн).

Бір жүгінудің орташа уақыты 19 минутты құрайды.

Техникаға қанағаттанушылық барлық алынған қызметтер бойынша ең төмен баға алды. Бұл блокқа серверлердің, компьютерлердің, бағдарламаның жұмысы кіреді. «1-ші қызметті» алған сұхбаткерлер оны 8,9 балға, ал «2-ші және 3-ші қызметті» алғандар оны төмен (8,5 және сәйкесінше 8,4 балл) бағалады.