184
Суретті аяқтап екінші жартысын сал. Нұсқау: Балалардан суретті аяқтап салуын талап
ету. Салынып болған соң, баладан ненің суретін салғанын сұрау, әңгімелеп беруін
өтіну.
2. Баланың мектеп жасына жетілгенін анықтау.
Куглер тесті. Нұсқау: Қағазда 7 пішін бірте - бірте күрделене салынған. Балаға осы
пішіндерді сол үлгіде көшіріп салу тапсырылады. 5 - 6 жасар баланың 5 пішін үлгісін
сала алмауы, көп жағдайда баланың дамуында тежеліс барын көрсетеді.
3. Балалардың мектепке дайындығын анықтауға арналған әдіс.
"Үйшік". Нұсқау: Алдында қағазбен қарындаш жатыр. Тақтадағы үйшіктің
суретін көшіріп сал. Асықпа, жақсылап қарап ал, суретің дәл осындай үлгіде болсын.
Егер қателесіп кетсең, өшірудің қажеті жоқ, жанынан дұрыстап сал.
Баланың жұмысы барысында назар аударатын жағдайлар:
а) Бала қай қолымен сурет салып отыр (оң қолымен, сол қолымен)
ә) Үлгімен қалай жұмыс істеп отыр, үлгіге жиі қарай ма? Көргені бойынша салып отыр
ма?
б) Сызықтарды тез немесе баяу жүргізе ме?
в) Жұмыс барысында бала алаңдай ма?
г) Жұмыс соңында салған суретін үлгімен салыстыра ма?
Жұмыс балдық жүйемен бағаланады.
а) Егер қандай да бір бөлшегі ұмытылып қалса 4 балл (шатыры, мұржасы, терезесі).
ә) Егер қандай да бір бөлшегін үлкейтіп салса 3 балл.
б) Егерде қандай да бір бөлшегі дұрыс салынбаса 2 балл
в) Егер қандай да бір бөлшегі кеңістікте дұрыс орналаспаса 1 балл.
Міне, осындай әдістерді пайдалана отырып, балалардың білімін жетілдіруде өз
үлесімді қосамын. Топпен жұмыс жасау барысында белсенділік көрсете отырып,
топтау, Венн диаграммасына түсіру, сәйкестендіру әдістерін интерактивті тақтада
орындап, уақытты үнемдеуге болатынын көруге болады. Оқу іс - әрекетін бекіту
бөлімінде активпультті пайдаланып, уақытты үнемдеу, баланың шапшаңдық қабілетін,
ойлау қабілетін, зейіннің тұрақтылығын, өз білімінің нәтижесін көруді
дағдыландыруға болады.
Бүгінгі таңда өскелең ұрпаққа сапалы білім беру барысында осы аталмыш
технология нәтижелі жетістік, балалар бірінші болып интерактивті тақтаның
педагогикалық мүмкіншіліктерін аса жоғары бағалап, оны іс жүзінде тиімді қолдану
тәсілдерін үздіксіз зерттеу үстінде.
Шынында да, интерактивтік тақта оқу іс - әрекетті түрлендіруге көмегін тигізіп,
яғни, оқытудың барлық кезеңінде, әсіресе балабақшада оқытуды қызықты да әсерлі
өткізуге ықпалын тигізеді.
Пайдаланған әдебиеттер:
1. Г. Кертаев. Оқытудың кейбір әдістері. - Алматы, 1991. - 86 б.
2. Б.Р. Айтмамбетова. Жаңашыл педагогтар идеялары мен тәжірибелері. Алматы, 1991.
- 16 б.
3. Н.К. Абраменко. Подготовка ребенка к школе. Минск, 1972.-26 б.
4. Джеральдина Чейпи. Готовность к школе. М.,1992.-19 б.
5. Бөрібаев Б, Балапанов Е. Жаңа ақпараттық технологиялар. – Алматы, 2001.-37 б.
185
ӨЗДІГІНЕН БІЛІМ АЛУ - ӘДІСТЕМЕЛІК ЖҰМЫСТЫҢ МАҢЫЗДЫ ДА МӘНДІ
БАҒЫТТАРЫНЫҢ БІРІ
Махамбетова С.С.
Афанасьева Ю.Н.
№23 «Ақниет» б/б КМҚК
Қазіргі таңда МДҰ-дарда әдістемелік жұмыс айрықша мәнге ие болып тұр.
Педагогтардың білім деңгейі мен кәсіби біліктілігінен ұйымның алға қойған
мақсаттарының дұрыс шешім табуы тікелей байланысты. Әдістемелік жұмыстың
маңызды да мәнді бағыттарының бірі –ол педагогикалық шығармашылықты шыңдау
яғни дамыту болып табылады.
Дамыту ол- педагогтың жұмысқа деген құлшынысын арттырып, жұмыс
тәжірибесіне ғылыми еңбектенуді енгізу, шығармашылық ізденіске қолайлы жағдай
жасау, педагогқа өзінің жетістіктерін көре білуін және мәселелерді аңықтап, оның
шешімін табуға қол ұшын беру болып табылады.
Кадрлармен әдістемелік жұмыс алдымен әр педагогтың сұранысын ескере
отырып, диагностикалық жұмысқа негізделіп құрылады.
Біздің «Ақниет» балабақшасында педагогтар ұжымы шартты түрде үш топқа
бөлінеді:
Бірінші топқа жоғары санатты деңгейі бар тәрбиешілер мен мамандар-олар
тәжірибелі шығармашылықпен жұмыс істейтін педагогтар.
Аталмыш топпен әдістемелік жұмыс шығармашылық құзіреттілігін дамыту мен
ұжымның ұйымдастыру бірлігін дамытуға бағытталады. Бұл топ өкілдері
педагогикалық ұжымның тірегі. Олар әрдайым семинар-практикумдар, ашық
ұйымдастырылған оқу іс-әрекеттерін өткізуге, қалалық әдістемелік бірлестіктер мен
түрлі сайыстарға қатысуға тартылады. Аталмыш педагогтарды балабақшамыздың
оқыту үдерістері мәселелерін аңықтап талдауға негізделген педагогтық іс-әрекеттерді
дамыту жоспарларын құруға тартамыз.
Екінші топқа өзіндік жұмыс стилі бар, тұрақты жұмыс істейтін тәрбиешілер
жатады. Олар оқытушылық-тәрбиелік әдіс-тәсілдерді жақсы меңгерген өздерінің
функционалды міндеттерін жетік білетін педагогтар.
Бұл топ педагогтары негізінен жаңа идеяларға оң қабақ танытады, бірақ та жаңа
ізденістерді тәжірибеде жүзеге асыру үшін, әкімшілік тарапынан жанама қолдау
қажет.
Осы тарапынан біз аталмыш педагогтармен әдістемелік жұмысты ұйымдастыруда
олардың кәсіби тұрғыдан өзіндік дамуымен тұрақтануына бағдарлай отырып,
біліктілігін арттыруға баса назар саламыз. Бұл топ тәрбиешілері айрықша әдістемелік
көмек талап етпейді, бірақ олар бастамаларына қолдау мен ұжым ішіндегі
психологиялық жайлылыққа мұқтаж болып келеді.
Үшінші топқа айрықша назарды қажет ететін жас және енді жұмыс істеуді
бастаған тәрбиешілер жатады. Олардың көбісінде кәсіби-педагогикалық білігінің
жетімсіздігінен балалармен тәжірибелік іс-әрекетте түрлі қиындықтар мен мәселелер
туындап жатады.
