Өзін-өзі тану пәнінде қолданатын инновциялар

Өзін-өзі тану пәнінде қолданатын инновциялар:

• Ізгілік технологиясы: баланың жеке рухани қасиетін ашу, жаны мен жүрегіне жылылық ұялату, танымдық күшін қалыптастыру, ішкі дүниесіндегі сәулесінің жоғалып кетпейтіндей өмір жолына бағыт беру, дамыту және осы бағыттағы білімін кеңейтуге жағдай жасау.

• Ынтымақтастық технологиясы: бала психикасын дамыту, есеюге және еркіндікке құштарлығын қалыптастыру, өзара түсіністік, сыйластық пен мейірімге құрылған қарым-қатынас орнату;
• Әсемдікті, әдемілікті, сұлулықты сезіну, қабылдау, әр адамға жеке ізгілікті қарым-қатынас жасай білу, рухани жетілдіру, ата-анамен тығыз бірлескен ынтымақтастық орнату;

Оқыту нәтижелері:

• - рухани-адамгершілік білім беруде жалпыадамзаттық құндылықтардың мәнін терең түсінеді, өмірлік дағды қалыптастыруға бағыт алады;

• - жалпыадамзаттық құндылықтарға негізделген білім беру және басқару үдерісін құрудың ерекшеліктерін білуге, ортамен дұрыс қарым-қатынас орнатуға дағдыланады;

• - өзіндік рухани-адамгершілік кемелденуге талпынады және оның қажеттілігін түсінеді.
• Ішкі (дүниетанымдық, мәнді мағыналы) және сыртқы интеграцияға (ізгілік педагогикасының әдістемелік тәсілдерін тиімді қолдану) қол жеткіземіз;

Жалпыадамзаттық құндылықтарды бойына сіңірген болашақ мамандар нәтижесінде:

• Ақиқаттың ақ жолында жүретін, риясыз сүйспеншілікпен отбасын, айналасын, шәкірттерін т.б жақсы көретін, дұрыс әрекет жасай отырып өзінде ішкі тыныштық орната алатын сол арқылы ешуақытта, ешқашан, ешкімге қиянат жасамайтын маман даярланады деп күтілуде.
• Өзінің адами тұрғыдан қалыптасуына және кәсіби тұрғыдан шыңдалуына ықпал етеді.

ЖОО-на арналған ОӘК-нің жаңалығы

• Оқыту мазмұны бойынша бұрынғы жүйеде әлеуметтік тапсырысқа сәйкес келетін тұлға қалыптастыру, әлеуметтік ортада жетістікке жету үшін тұлғаның қабілеттерін дамыту көзделсе, қазіргі жүйеде тәрбиенің оқытудан басымдылығы және шын мәнісінде оқытуды тәрбиенің бөлігі ретінде енгізу, адам бойындағы рухани құндылықтардың көзін ашу, жарыққа шығару қағидалары қарастырылады.

• Жоғары оқу орындарының білім алушыларына арналған бұл оқулық жалпыадамзаттық құндылықтар негізінде адамның рухани болмысын ашуға теориялық және практикалық тұрғыда мүмкіндіктер туғызады