Келесі қағидалардың негізінде білім алушылардың құзыреттіліктерін кеңейтетін білім берудегі аксиологиялық тәсілдеменің дамуына мүмкіндік туғызады

Келесі қағидалардың негізінде білім алушылардың құзыреттіліктерін кеңейтетін білім берудегі аксиологиялық тәсілдеменің дамуына мүмкіндік туғызады:

• 1. Ізгілікке бағыттылық қағидаcы бірінші орынға ізгілік идеялары мен бағдарларын шығаруды көздейді. Рухани-адамгершілік білім беру – тек студенттердің, оқушының емес, мұғалімнің де қайта өзгеруі, себебі құндылықтарды оқулықтан, шеберлікпен оқылған дәрістен тауып, меңгеру мүмкін емес, оларды тәжірибеде қолдану қажет;
• 2. Жалпыадамзаттық құндылықтар қағидаcына сәйкес «Өзін-өзі тану» пәнінің мазмұны адамның жоғарғы рухани табиғатының көрінісі ретіндегі мәңгілік жалпыадамзаттық құндылықтарға негізделуі тиіс. Мұнда атап айтар жайт, «Өзін-өзі тану» пәнін оқыту үдерісінде жүзеге асырылатын рухани-адамгершілік білім – діни емес, адамның физикалық, психикалық және рухани-адамгершілік табиғаттарын бірлікте қарастыратын зайырлы білім;
• 3. Әлеуметтік ынтымақтастық қағидаcы тұлғаның адами қасиеттерінің толыққанды дамуына мүмкіндік беретін қосымша арнайы сабақтан тыс іс-әрекетке жүгінуді талап етеді;
• 4. Ұлттық мұра қағидаcы жалпыадамзаттық рухани құндылықтарды ұлттық рухани мәдениет арқылы тану қажеттілігін алға тартады;
• 5. Табиғи сәйкестілік қағидаcы тұлғаның жас және дара ерекшеліктерін, рухани-адамгершілік дамудағы ішкі қажеттіліктер деңгейін, физиологиялық қалпын және психикалық саулығын, адамның рухани табиғатының бірлігін ескереді.

Тәжірибе

• Шыны ыдыстағы су тап - таза, мөлдір, адамзаттың баласы да дүниеге келгенде осындай таза жүрекпен дүниеге келеді. Енді бұл суға қара бояу қосылған суды әр тамшысын біртіндеп қосып отыратын болсақ су лайланып кетеді. Яғни адамзаттың баласы айналасындағы әр түрлі жағымсыз әсерлер, жаман сөздер, ғайбат сөз айту арқылы адамның жүрегіде осы су сияқты лайланып, қарая бастайды.
• Енді осы суға таза суды қосып үстемелеп толтырып тазалайтын болсақ су қайта бастапқы қалпына келеді, адамдар да өзінің жүрегін үнемі тазалап отыруы керек. Ол үшін риясыз сүйспеншілікпен жақсы көру, махаббат, мейірімділік, жүректі имандылыққа толтыру, айналасын нұрға бөлеу, жақсы сөздер айту, ниетті тазалау, ойды тазалау, сананы тазалау, сөзді тазалау және іс-әрекетінің дұрыс болуын қадағалау арқылы нәтижеге қол жеткізуге болады.