ОңТҮстік қазақстан облысының жастар саясаты мәселелері жөніндегі басқармасы

ОҢТҮСТІК ҚАЗАҚСТАН ОБЛЫСЫНЫҢ ЖАСТАР САЯСАТЫ МӘСЕЛЕЛЕРІ ЖӨНІНДЕГІ БАСҚАРМАСЫ

Қазақстан Республикасының 2015 жылғы 18 қарашада қабылданған «Сыбайлас жемқорлыққа қарсы іс-қимыл туралы» Заңының 8 бабы 5 тармағына сәйкес, мемлекеттік органдар, ұйымдар мен квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдауы хабарланған хат жолданып, орындалуы Басқармамен қатаң бақылауға алынған (әр тоқсан сайын).

Сонымен қатар, басқармаға қарасты «Жастар ресурстық орталығы» КММ-нің Қазақстан Республикасының  Мемлекеттік қызмет істері  министрінің 2015 жылғы 29 желтоқсандағы №16 бұйрығымен бекітілген «Сыбайлас жемқорлық тәуекелдеріне ішкі талдау жүргізудің үлгілік қағидаларының» 17 тармағына сәйкес, сыбайлас жемқорлық тәуекелдерін ішкі талдау субъектілері жарты жыл сайын есептік кезеңнен кейінгі айдың 1-не дейін сыбайлас жемқорлыққа қарсы іс-қимыл бойынша атқарылған жұмыстардың қорытынды есебін есептік кезеңде жүргізілген сыбайлас жемқорлық тәуекелдерін ішкі талдау туралы, олардың нәтижелері және оларды жою бойынша қабылданған (қабылданып жатқан) шаралар туралы ақпараттары қаралып, тиісті талдау жасалынып отырады.

Сыбайлас жемқорлыққа қарсы күрес жөніндегі мемлекеттік бағдарламалар іске асырылуда, олардың шеңберінде сыбайлас жемқорлық көріністері пайда болуының себептері мен жағдайларын жою жөніндегі нақты шаралар қабылдануда. Басқармада және оған қарасты ведомствалық ұйымында бұл жөнінде қатаң түрде жұмыстар жүргізілуде.

2016 жылғы 22 сәуірінде басқарманың қызметшілеріне «Сыбайлас жемқорлыққа қарсы іс қимыл туралы» Қазақстан Республикасы заңының талаптары сақталуына түсіндіру жұмыстары жүргізілген.

Сыбайлас жемқорлық бойынша бейне ролик әзірленіп, әлеуметтік желілерде жариялануда. Сонымен қатар, 2016 жылғы 18 наурызында Шымкент қаласында «Сыбайлас жемқорлықтың» алдын алу мақсатында түрлі санаттағы жастармен кездесулер өткізіліп, «Қазақстан-Шымкент» телеарнасы арқылы материалдар жария етілді. Басқарманың сенім телефоны жұмыс істеп тұр.

      Жастар саясаты саласындағы мемлекеттік саясатты іске асыру, адамның және азаматтың құқықтары мен бостандықтарын қорғау, мекеменің өзара іс-қимылын және қызметін үйлестіру мақсатында, Басқарма жұмыс берушісі болып танылған қызметкерлердің жеке еңбек дауларын қараушы келісу комиссиясы бекітілді. Ол бойынша мекемедегі кез-келген еңбек даулары бірінші кезекте сол мекемеде құрылған келісу комиссиясында қаралады.

Сыбайлас жемқорлыққа жағдай туғызатын заң бұзушылықтардың алдын-алу мақсатында Басқармаға қарасты «Жастар ресурстық орталығы» КММ-не хат жолданып, жеке және заңды тұлғалардың өтініштеріне байланысты, жастар саясаты қызметіне зерделеу жұмыстары жүргізіліп отырады.

Жалпы, аталған зерделеу жұмыстарының қорытындысына сәйкес, сыбайлас жемқорлық көріністеріне қатысты арыз шағымдар түспеген, заң бұзушылықтар анықталмады, сондай-ақ, тәртіптік жауапкершілікке тартылғандар жоқ.

Осыдан бөлек, Қазақстан Республикасының «Сыбайлас жемқорлыққа қарсы іс-қимыл туралы» Заңына сәйкес, Басқармаға қарасты «Жастар ресурстық орталығы» КММ-нің басшысы өзіне аталған заңда көзделген шектеулерді қабылдаған.