Органическая химия

1) 1911 жылы Гарриес ацетоннан изопренді синтездеу әдісін ұсынды.

4) Күміс оксидінің аммиактағы ерітіндісін сірке альдегидімен тотықсыздандырғанда 54 г күміс алынды. Тотыққан альдегидтің массасы қандай?

5) Реакция өнімінің шығымы 70 % , 330 г ацетальдегидтен алынған сірке қышқылының массасын анықтаңыз.

6) 308 г сірке альдегидін тотықтырғанда алынған сірке қышқылының моль саны қанша?

7) Көлемі 3 л және тығыздығы 1,06 г/мл формалиннің 30 %-дық ерітіндісінде НСОН-тың қандай зат мөлшері болады?

8) IUPAC номенклатурасына сәйкес аталған 1-фенилбутен-3-он-2 затының структуралық формуласын келтіріңіз. Рациональды номенклатура бойынша қалай аталады?

9) Конц. күкірт қышқылы қатысында глицериннен құрамы С₃Н₄О альдегид түзіледі. Оның құрылысы қандай?

10) 97,8°С. қайнау температурасында хлораль (трихлорэтаналь) сұйық күйде болады. Оның структурасын жазыңыз. Хлораль сумен әрекеттескенде не түзіледі? Гидраттар түзілуіндегі кеңістіктік себептің орны қандай болады?

11) Глиоксаль С₂Н₂О₂ қосылысы тотықтырғанда қымыздық қышқылын, ал тотықсыздандырғанда – этиленгликолды береді. Глиоксалдың структуралық формуласын шығар.

12) Өзгерістер схемасы берілген: этан→ А +NaOH → Б→В→Г→ хлорсірке қышқылы + NH₃→ Д + аланин→ Е. Нәтижесінде түзілетін Вжәне Е заттарын атаңыз.

13) Құрамы С₅Н₁₀О альдегидтің альфа-сутекті атомы жоқ, структуралық формуласын жазыңыз. IUPAC бойынша атаңыз.

14) Құрамы мынадай: С-54,55 % ; Н-9,09 % ; О-36,36 % заттың сутекпен салыстыпғандағы тығыздығы 22-ге тең. Ол күміс оксидін оңай тотықсыздандырып қышқыл түзеді. Осы заттың атауын табыңыз

8 КАРБОН ҚЫШҚЫЛДАРЫ ЖӘНЕ ОЛАРДЫҢ ТУЫНДЫЛАРЫ

Құрамында карбоксил СООН тобы бар органикалық қосылыстарды карбон қышқылдары дейді. Егер ондай қышқылдарда СООН тобы біреу болса, оларды бір негізді, ал екеу болса, екі негізді т.с.с. дейді. Осы топтағы органикалық қосылыстар мен олардың туындылары табиғатта жиі таралған. Мысалы, майлардың бәрі дерлік карбон қышқылының глицеринді эфирлері.