Ms excel-дің графиктік мүмкіндіктері Пән: Экономикалық информатика және ат сабақтың мақсаты

Диаграмма шеберiнiң жұмыс барысының алғашқы сатысында диаграмманың түрiн таңдап алуымыз қажет. Стандартты қыстырмасындағы Түр(Вид) тiзiмiнде диаграмманың қолда бар түрлерi көрсетiлген. Таңдап алынған түр үшiн терезенiң оң жағында мәлiметтердiң көрсетiлуiнiң түрлi нұсқалары бейнеленген. Соның iшiнен өзiмiзге қолайлысын таңдауымыз қажет. Стандартты емес қыстырмасында пiшiмделген, толығымен калыптасқан диаграмма түрлерi бейнеленген. диаграмманың түрiн таңдап алынғаннан кейiн Ары қарай(Далее) батырмасын басамыз.

Диаграмма шеберi(Мастер диаграмм) жұмысының екiншi сатысы диаграмма тұрғызылатын мәлiметтердi таңдап алудан басталады. Егер мәлiметтер ауқымы алдын-ала берiлген болса, диаграмма шебер терезесiнiң жоғарғы бөлiгiнде орналасқан алдын-ала қарап шығу аймағында тұрғызылатын диаграмманың жуық бейнесi пайда болады. Егер мәлiметтер бiрегей тiк төртбұрышты ауқымды қамтитын болса, онда оны Мәлметтер ауқымы қыстырмасы бойынша таңдап алған қолайлы. Егер мәлiметтер бiрегей топтан емес, жеке қатарлардан тұрса, онда мәлiметтердi Қатар(Ряд) қыстырмасы бойынша енгiзген дұрыс.

Диаграмма шеберiнiң жұмысының үшiншi сатысы диаграмманы безендiруден тұрады. Диаграмма шеберi терезесiнiң қыстырмаларына төмендегi параметрлер енгiзiледi:

• диаграмманың аты, осьтерiнiң атаулары;

• координаттық осьтердiң кескiнделуi мен белгiленуi;

• координата осьтерiне параллель тор сызықтардың кескiнделуі;

• тұрғызылған осьтердің сипаттамасы;

• графиктегi мәлiметтердiң және элементтерiне сәйкес келетін атауларды бейнелеу;

• графикті тұрғызуда пайдаланылған мәлiметтердi кесте түрінде көрсету.

Ары қарай(далее) батырмасын шерту арқылы диаграмма шеберi жұмысының соңғы сатысына көшемiз. Бұл терезеде диаграмманы жаңа параққа немесе бұрынғы жұмыс парақтарының бiреуiне орналастыратынымыз жайлы сәйкес өрiстердiң бiреуiне жауап беремiз. Дайын(Готово) батырмасын шертiп, өзiмiз көрсеткен парақта орналасқан дайын диаграмманы аламыз.