Мұнайхимиялық аппараттарды жасау, негізгі технологиялық процестермен танысу және тиімді процестерді зерттеп дайындау

Қырларды иіп келтірудің маңыздылығы сол, табақшаны цилиндрге иу алдын, ұзына бойғы түйісуді қалыптастырушы табақша қыры берілген қисықтығына бүгіледі.

Қырларды иіп келтірудің қажеттілігі мен сапасы білікшелі табақшаигіш машинасының типіне жәнеде пісірудің технологиясына берілген талаптарға байланысты болады.

Қырларды иіп келтірудің бір қатар тәсілдері бар:

А) Төменгі білікке орнатылатын подкладкалық плитада қырды иіп келтіру. Подкладканың плитаның иілу радиусі иілуші қырдың иілу радиусіне тең, бұл жерде сонымен қатар материалдың серпілу шамасын ескеру қажет. Әдіс келесідегідей орындалады. Подкладкалық плитаға иілуші табақша қыры төселеді. Сонан соң плита жоғарғы білікке сығылады да табақша қыры иілу радиусіне иіледі. Кез келген қырды қажет радиусте иу үшін подкладкалық плита ауыстырмалы болуы тиіс. Әдістің келесі кемшіліктері болуы мүмкін: Подкладкалы плитаның қалыңдығы иілуші табақша қалыңдығынан бірнеше есе үлкен болуына байланысты жоғарғы білік жағдайын реттеу механизмінің тез істен шығуына алып келеді.

Б) Табақшаны үлкен түзу участкелермен алдын-ала иіп алып, оны кесіп, сонан соң екінші рет иу.

В) Қырды ыстық немесе суық жағдайда престеу машинасының штампасында иу. Штамптар ауыспалы етіп жасалады және де әрбір штамп қажетті қисықтықты қамтамасыз ете алуы тиіс. Егерде иілуші қыр ұзындығы штамп ұзындығынан үлкен болса, онда жұмысты белгілі бір участкалармен орындайды. Бұл кезде иуді кезектестірілген түрде үлкен иу радиусінен бастап берілген радиуске дейін бірнеше өтуде орындайды. Үлкен ұзындықтағы 6-8м қырларды алдын ала иу роликтік табақша игіш машинасында иеді.