Табақша иу машинасының типін таңдап қабылдау

Машина типін таңдап қабылдау барысында бір қатар талаптар қойылады, яғни бұл кезде келесі шарттар қамтамасыз етілуі қажет.

• 
  Ұштарын игеннен соң түзу беттердің минимал ені қалуы тиіс.
  
• 
  Шеңбермен иу барысында минимал өту шамасы қамтамасыз етілуі тиіс.
  
• 
  Түзету барысында қажететілген дәлдік қамтамасыз етілуі тиіс.
  
• 
  Білікшелердің минимал иілуі (майысуы) қамтамасыз етілуі тиіс.
  

Өнеркәсіптегі белгілі табақша игіш машинаны келесі екі топқа бөлуге болады: үш және төрт білікшелі.

1-сурет төрт білікшелі табақша игіш машинасының біліктерінің орналасуы мен жылжуының (қозғалуының) сұлбасы.

Мұндай машиналардың алуан түрлі конструкцияда болуына байланысты, нақты бір жағдай үшін машина типін таңдап қабылдау, осы машинада орындалатын барлық операцияларды ескере отырып өндіріс жағдайын егжей-тегжейлі технико-экономикалық талдауға базалануы тиіс.

Әдетте табақшаигіш білікшелі машинада s=6-38 мм қалыңдықтағы табақшаларды түзу беттердің ұзындығы 76-217 мм аралығын қамтамасыз ете отырып иуге болады. Тегіс беттер шамасы, иу үшін үш-жәнетөрт білікшелі машиналарды қолдана отырып азайтуға болады.

Бұл жердегі басты технологиялық шарт, бұл біліктер өсінің арақашықтығының реттелуі. Білікшелердің қолайлы орналасуымен қатар, машинаның қосалқы құрылғылармен және де аспаптармен жасақталуына үлкен көңіл бөлу қажет.

Мысалы үшін, конустық типтегі қабықтарды иу үшін тіректік подшипниктер тұсынан арнайы тіректер (упор) орнатылуы тиіс, сонымен қатар табақшаны білікшелерге берілуін дұрыс ұстап отыру үшін машина конструкциясында арнайы құрылғыларды құрастыру қажет-алмалы-салмалы тіректер, бүйірлік біліктерде ұзына бойы орналасқан паздарды. Ал кіші қалыңдықтағы және үлкен диаметрдегі қабықтарды иуге арналған машиналарда, демеуші құрылғыларды қарастыру қажет жәнеде бұл қабықты иу барысында тұрақтылығының жоғалуынан сақтайды.