Мүгедектерді оңалтуды өңірлік деңгейде ұйымдастыру, мүгедектердің қоғамдық бірлестіктерімен өзара бірлесіп әрекет ету

Мүгедектерді оңалту процестерін ұйымдастыру және оның нәтижелілігі мемлекеттік басқарудың жергілікті органдарының күш салуына және мүгедектермен жұмысқа ҮЕҰ кеңінен тартуға байланысты, бұл үшін:

ҚР “Мемлекеттік әлеуметтік тапсырыс туралы” заңынын іске асыру арқылы әлеуметтік-маңызды проблемаларды шешуге облыстың барлық қоғамдық бірлестіктерін тарту

қалалық және аудандық деңгейде мүгедектер ісі жөніндегі кеңестің рөлін арттыру. Мүгедектер ісі жөніндегі біршама белсенді кеңестердің жұмыс тәжірибесін жалпы қорыту және тарату.

сурдо- және тифло көмектер, протездік-ортопедиялық, компенсаторлық техникалық құралдарды қажеттілігін қалыптастыру және халықты әлеуметтік қорғау мәселесі бойынша нормативтік құқықтық актілерді әзірлеудегі жұмыс тобына қоғамдық бірлестіктер өкілдерін тарту

мүгедектердің қоғамдық бірлестіктерінің басшыларының біліктілігін арттыру үшін тренингтер, семинарлар ұйымдастыру

Ол үшін:

мүгедектерді әлеуметтік қорғау және оңалту жөніндегі жұмысты ұйымдастыру қызметі саласын, мақсатын, жағдайларын, қаражат пен ұйымдастыру тәсілдері айқын анықталған, мүгедектермен әлеуметтік жұмыс әдістемесіне ұсыныстар әзірлеу;

медициналық және әлеуметтік оңалту саласындағы мамандарды даярлауда жоғарғы оқу орындарымен бірлесе жұмыс өткізу;

мүмкіндігі шектеулі балалармен және ересек мүгедектермен жұмыс істейтін әлеуметтік қызметкерлердің біліктілігін арттыру курсын ұйымдастыру.

4. ҚАЖЕТТІ РЕСУРСТАР МЕН ҚАРЖЫЛАНДЫРУ КӨЗДЕРІ
Бағдарламаны іске асыруға мемлекеттік бюджет қаражаты, сондай-ақ Қазақстан Республикасының заңнамасында тыйым салынбаған басқа да қаражат бағытталатын болады.

Мемлекеттік бюджеттен жалпы шығындар 1906,7 млн. теңге, оның ішінде:

2006 жылы – 441,5 млн. теңге;

2007 жылы – 483,6 млн. теңге;

2008 жылы – 981,6 млн. теңге.

Республикалық бюджеттен – 148,8 млн. теңге, оның ішінде:

2006 жылы – 49,5 млн. теңге;

2007 жылы – 49,5 млн. теңге;

2008 жылы – 49,8 млн. теңге.

Жергілікті бюджеттен – 1757,9 млн. теңге, оның ішінде:

2006 жылы – 392 млн. теңге;

2007 жылы – 434,1 млн. теңге;

2008 жылы – 931,8 млн. теңге құрайды.

2006-2008 жылдары Бағдарламаның іс-шараларын іске асыруға қарастырылған қаражаттар сомасы, сондай-ақ сандық көрсеткіштер 2006-2008 жылдарға жергілікті бюджетте қарастырылған қаражаттар шегінде және облысқа нысаналы трансферттер бөлінген немесе субвенция сомалары арттырылған жағдайда анықталады және өзгертіледі.

мүгедектерді оңалтудың бірыңғай жүйесін құруға және мүгедектерді әлеуметтік қамсыздандырудың деңгейін арттыруға;

мүгедектікке шығу қатерін азайтуға және мүгедектік деңгейін төмендетуге;

мүгедектікке әкеліп соғатын туа болған және тұқым қуалайтын аурулармен туатын, дамуында ауытқулары бар балалардың туу қатерінің дәрежесін азайтуға;

медициналық-әлеуметтік сараптаманың сапасын арттыруға;

оңалту ұйымдарының жұмысына қазіргі заманғы техникалық, ұйымдық, медициналық, әлеуметтік және кәсіптік технологияларды енгізуге;

мүгедектерге көрсетілетін медициналық, әлеуметтік, білім және өзге де оңалту қызметтерінің тізбесін ұлғайтуға және оның сапасын арттыруға;

мүгедектердің әлеуметтік инфрақұрылым обьектілері мен ақпараттық ортаға қол жеткізуін жақсартуға;

мүгедектердің лайықты еңбекке қол жеткізуін кеңейтуге;

мүгедектігі бар адамдардың орталықтандырылған деректер базасын құруға және МӘС және мүгедектерді оңалту мекемелерінің, оңалту индустриясы кәсіпорындарының қызметін ақпараттандыруға ықпал ететін болады.