Кітаптардың тұсаукесерлері

С.Сейфуллин атындағы Орталық қалалық кітапханада Қазақстан Жазушылар Одағының мүшесі, жазушы Жанболат Башардың «Қабір үстіндегі зұлмат» атты кітабының тұсаукесері болып өтті. Кешке ақын апамыз Бөлекова М.Б., ақын, сазгер Сәденов Қ.М., «Академик Ж.С.Ақылбаев атындағы Балқаш маңызды білім беру колледжінің», «Балқаш көпсалалы колледжінің», «Балқаш сервис колледжінің » студенттері және қазақ тілі мен әдебиет пәнінің мұғалімдері Алиманова С.Н., Жетпісова А.Қ., тарихшы Қожақов Д.А., Абай атындағы №2 лицейдің оқушылары, кітапхана оқырмандары қатысты. Қаламгер бұл повесінде қазақ халқының басына төнген қуғын-сүргін мен ашаршылық құрбандарының жантөнгісіз азабы, зұлмат жылдардағы халықтың қайғы-қасіретін суреттеген. Кітапқа «Қабір үстіндегі зұлмат» атты повесі мен бір топ әңгімелері еніп отыр. Жанболат Башар аталған повестің мазмұны жайында оқырмандарға қысқаша таныстырып, әңгіме барысында қойылған сұрақтарға жауап берді. Автор ұнаған сұрақ иелеріне өз қолтаңбасымен кітабын сыйға тартты.