Ислам ынтымақтастық Ұйымының Ғылым мен технологиялар жөніндегі 1-ші саммитінің астана декларациясы

жүктеу 58,11 Kb.

Дата	07.12.2017
өлшемі	58,11 Kb.
	#3316

Бейресми аударма
ИСЛАМ ЫНТЫМАҚТАСТЫҚ ҰЙЫМЫНЫҢ

ҒЫЛЫМ МЕН ТЕХНОЛОГИЯЛАР ЖӨНІНДЕГІ 1-ші САММИТІНІҢ АСТАНА ДЕКЛАРАЦИЯСЫ
«ҒЫЛЫМ, ТЕХНОЛОГИЯ, ИННОВАЦИЯ ЖӘНЕ ИСЛАМ ӘЛЕМІНІҢ ЖАҢҒЫРУЫ»
Біз, Ислам ынтымақтастық ұйымына (ИЫҰ) мүше елдердің мемлекет, үкімет және ресми делегацияларының басшылары осы ғасырда ғылым мен технологияларды біздің ерекше мақсатымыз етуге бағытталған ұмтылысымызды растау үшін 2017 жылғы 10-11 қыркүйекте Астана қаласында, Қазақстанда, ИЫҰ ғылым мен технологиялар жөніндегі 1-ші саммитіне жиналдық.
2. Жоғары мәртебелі Қазақстан Республикасының Президенті Нұрсұлтан Назарбаевқа ИЫҰ ғылым мен технологиялар жөніндегі 1-ші саммитін өткізуіне орай алғысымызды білдіреміз және оның көшбасшылық қасиеттері мен халықаралық сахнада ИЫҰ ролін одан әрі нығайтуға, бітімгершілікке, Үмбетімізде өзара түсіністік пен экономикалық және ғылыми-технологиялық әлеуетін дамытуға бағытталған бастамаларын жоғары бағалаймыз.
3. Қазақстан Республикасын Жаңартылмалы қуат көздері саласында инновациялық технологияларды және дамушы елдерде энергия үнемдеудің озық баламалы технологияларын енгізудің маңыздылығын көрсетуге бағытталған «Астана ЭКСПО-2017» халықаралық мамандандырылған көрмесінің табысты өткізуімен құттықтаймыз.
4. Пәкістан Ислам Республикасының Президенті мен КОМСТЕК (Ғылыми-техникалық ынтымақтастық жөніндегі ИЫҰ Тұрақты комитетінің) Төрағасы, Жоғары мәртебелі Мамнун Хусейннің мүше мемлекеттердің игілігі үшін оларың арасында ғылыми-техникалық ынтымақтастық нығайту жолымен, және, атап айтқанда, КОМСТЕК-тің әлеуетін, тиісті саясатын құру және оны іске асыру арқылы КОМСТЕК мақсаттарына қол жеткізуге бағытталған іс-әрекеттерін жоғары бағалаймыз.
5. ИЫҰ Жарғысында бекітілген қағидаттарға және мақсаттарға, атап айтқанда, Исламның биік мұраттарына сәйкес зияткерлік кемелдікке жету, ғылым мен технологияларды дамыту мен тереңдету үшін білім алуды және кеңінен таралуын ілгерілетуге, сондай-ақ осы салаларда мүше мемлекеттер арасындағы зерттеу және ынтымақтастықты дамытуға бейілдігімізді растаймыз.
6. Ғасырдың қоғамдық сындарына қарсы тұруға және елдеріміздің тұрақты дамуы үшін жеке және ұжымдық түрде мемлекеттеріміз арасындағы ынтымақтастыққа ықпалдасуға келісеміз.
7. Қоғамдарымыздағы шеткейлік кедейшілекті, соның қатарында сана кедейшілігін жоюға, сондай-ақ халықтарымыздың шығармашылық және инновациялық әлеуетін дамытуға бағытталған ниетімізді, XXI ғасырда заманауи ғылымның деструктивті қасиеті мен оның қоғамға ерекше әсерін түсіне отырып, қуаттаймыз.
8. Білімді және оны пайдалануды өміріміздің, істеріміздің және маңызды шешімдер қабылдау кезінде маңызды құрам етіп қалыптастыруға бейілділігімізді қайта растаймыз.
9. Елдерімізді тиімді іске асырылуы әлеуметтік-экономикалық салада үлеспайдаларды әкеле алатын ғылым мен технологияларды дамытудағы ұжымдасқан мүмкіндіктерді кеңейтуге шақырамыз.
10. Ғылым, технологиялар мен инновацияларға инвестияларды арттыру қажеттілігін және ғылым мен технологиялар трансферті (ҒТТ) дамушы елдердің экономикалық нығаюын үдетудің маңызды тәсілдерінің бірі екенін құптаймыз.
11. Нәтижелілікті бағалау мен ҒТТ мүмкіндіктерін күшейту үшін зияткерлік меншікті қорғау ережелеріне мүдделі тараптарға бағытталған ынталандыру тетіктерін қамтитын толыққанды және жоғары дәрежеде бірлескен әсерлі экожүйені құру қажеттілігін түсінеміз.
12. ИЫҰ мүше-мемлекеттерін жұмыс орындарымен қамтамасыз ету, адами капитал мен инклюзивті өсімді дамыту үшін ҒТТ әлеуетін пайдалану мақсатымен аймақтық және ұлттық деңгейлерде ҒТТ саласындағы саясат, бағдарламалар мен әрекеттер жоспарларын жасау, қадағалау мен іске асыру бағытында жұмысты жандандыруға табанды түрде шақырамыз.
13. Ғылым, технология мен инновацияны 2026 жылға дейін дамыту жөніндегі ИЫҰ бағдарламасының ұсыныстарын іс жүзінде жүзеге асыру үшін барлық қажетті шараларды қабылдауға келісеміз. Осыған байланысты, барлық ИЫҰ мүше-мемлекеттерін жетекші зерттеушілер, ғалымдар мен технологтармен белсенді консультациялар өткізу арқылы жасақталған бірлескен бағдарламалар мен ұсынымдарды енгізуге шақырамыз.
14. Білім, кәсіби біліктілік, іргелі және қолданбалы ғылым мен мүше-мемлекеттердегі халықаралық және мультикорпоративті қатысушылардың қатысуымен «үлкен» ғылым салаларындағы бастамалар мен бағдарламалардың арнайы сериясын жүзеге асыру арқылы Ғылым, технология мен инновацияны 2026 жылға дейін дамыту жөніндегі ИЫҰ бағдарламасының мақсатына қол жеткізуге ниет білдіреміз.
15. Халықтарымыз бен елдеріміздің әлеуметтік-экономикалық жаңғыру, прогресс пен гүлденуі үшін жағдай жасайтын, әсіресе, жастар мен әйелдер үшін Ислам әлемінде білім мен ғылым мәдениетін одан әрі орнықтыру қажеттілігіне ерекше көңіл бөлеміз.
16. Мүше-мемлекеттерді қоғамда зерттеу, ілім мен оны бағалау мәдениетін дамыту үшін тиімді қызмет атқару мақсатында университеттер мен басқа да жоғары оқу орындары, әсіресе, ғылыми-зерттеу мекемелерінің негізінде озық тәжірибе орталықтарын құруға шақырамыз.
17. 2025 жылға дейінгі ИЫҰ әрекеттерінің Жоспары мен Біріккен Ұлттар Ұйымының Тұрақты даму мақсаттарында көзделген мақсаттарды іске асыру үшін білім, ғылым, денсаулық сақтау мен су ресурстарын дамыту бойынша қаржыландыруды арттыруға бейілділігімізді растаймыз.
18. Мүше-мемлекеттерді мамандардың жылжуы мен жұмыс орындарымен қамтылуын жеңілдету, дипломдарды өзара мойындау, жаңа технологиялар мен жобалардың келуі үшін бірлескен саяси тетіктер құруға қадалап шақырамыз. Осыған байланысты, көлік, энергетика, сауда мен инвестициялар саласындағы инфрақұрылымдық интеграцияны қамтамасыз етуге бағытталған Қазақстан Республикасы Президентінің «Исламдық инфрақұрылымдық интеграция» бастамасын қошаметтейміз.
19. Мүдделі мүше-мемлекеттерді ИЫҰ Бағдарламасында көрсетілген 2026 жылға дейінгі ғылым, технология және инновацияны дамыту бойынша «үлкен» ғылым үшін тәртіпаралық сипаттағы бағдарламалар жасақтауда ынтымақтастуға шақырамыз.
20. ИЫҰ мүше-мемлекеттерін ауыл шаруашылығы, азық-түлік қауіпсіздігі, экожүйелерді сақтау, оның ішінде құрғақшылықпен, шөлге айналумен күресу, суды және басқа да ресурстарды тиімді пайдалану салаларында бірлескен зерттеу бағдарламаларын белсенді ілгерілетуге және қолдауға шақырамыз.
21. Сандық мазмұнның қауіпсіздігі мәселелерін мүше-мемлекеттердегі кибер-қауіпсіздікпен байланысты, оның ішінде барлық мемлекеттік істер үшін және метадеректердің шығуынан туындайтын терең әсерлерді ескере отырып, қолданыстағы заңдарды, саясатты және жедел әрекет ету шараларын зерттеу және келісу жолымен қайта қарастыруға шақырамыз.
22. Азық-түлік қауіпсіздігі бойынша Ислам ұйымының рөлін мақұлдаймыз және Астанада 2016 жылғы сәуірде болған Азық-түлік қауіпсіздігі бойынша Ислам ұйымы Бас ассамблеясының қарарына сәйкес оның қызметін қолдау маңыздылығын баса атап өтеміз.
23. ИЫҰ Бас хатшылығы мен ИЫҰ-ның тиісті мекемелерін, атап айтқанда Дүниежүзілік Ислам ғылым академиясы, Ислам сауда-өнеркәсіп және ауыл шаруашылық палатасы, Ислам даму банкі, Білім беру, ғылым және мәдениет мәселелері бойынша Исламдық ұйым және Ислам елдерінің статистикалық, экономикалық және әлеуметтік зерттеулер және ИЫҰ кеңістігіндегі ғылым, технология және инновацияны алға жылжытуды даярлау Орталығымен, ынтымақтастығын мақұлдаймыз. ИЫҰ-ның Бас хатшылығын және ИЫҰ институттарын мүше мемлекеттерде ҒТТ ілгерілетудегі ынтымақтастығын жалғастыруға және нығайтуға шақырамыз.
24. 2026 жылға дейінгі ғылым, технология және инновация бойынша ИЫҰ Бағдарламасын іске асыруға қомақты үлес қосуы тиіс және ИЫҰ мүше-мемлекеттерінің даму мұқтаждықтарына әрекет етуге мүмкіндік беретін Ислам даму банкінің Ғылым, технологиялар және инновация қорын құрылуын ризашылықпен атап өтеміз. Осыған орай, мүше-мемлекеттерді аталған Қорға жарналар салуға шақырамыз.
25. Біз КОМСТЕК Төрағасын ИЫҰ Бас хатшысымен ынтымақтаса отырып, 2026 жылға дейінгі ғылым, технологиялар және инновация бойынша ИЫҰ Бағдарламасын іске асыруды тиімді бақылау үшін институционалдық тетіктерді құруын сұраймыз.
26. Өзбекстан Үкіметінің Ғылым және технологиялар бойынша ИЫҰ 2-ші Саммитін Өзбекстанда өткізу туралы ұсынысын мақұлдаймыз. ИЫҰ Бас хатшылығын және КОМСТЕКТ-ті Өзбекстан Үкіметімен бірге Өзбекстанда ғылым және технологиялар бойынша ИЫҰ 2-ші Саммитінің шақырылымына қажетті дайындық жұмыстарын бастауға уәкілеттейміз.

жүктеу 58,11 Kb.

Достарыңызбен бөлісу: