Х. ДосмҰхамедов

Табиғи желдету- бұл температура мен қысымның айырмашылығы әсерінен сыртқы ауаның үйге қуыстар мен саңылаулар немесе арнайы жасалған тесіктер арқылы енетін ағыны. Сынып бөлмелерін желдету үшін желдеткіштер қажет. Желдеткіштер ашық тұрған кездегі ауданы сынып едені ауданының 1/5 кем болмауға тиіс. Бұл желдету коэфициенті деп аталады. Ол үйлерді жобалау мен салу кезінде дұрыс есептеледі. Бірақ ғимараттарды пайдалануда, әсіресе, қыста барлық желдеткіштер желімделіп тасталғанда бұл ереже дұрыс сақталмайды.

Сынып бөлмелері әр сабақтар соң ұдайы желдетілуге тиіс. Үзіліс кезінде бір мезгілде сыныптың желдеткіштері мен есіктерін тіпті қажет болса дәліздің терезелерін де ашып тастап желдету анағұрлым тиімді болып есептеледі.

Қолдан жасалған желдету- бұл ағынды, сорып алынатын немесе аралас табиғи немесе механикалық жолмен жүргізілетін желдету. Мұндай желдету көбінесе тәжірибе өткізілгеннен кейін жинақталатын өңделген ауа мен газды айдап шығару қажет болатын жерлерге орналастырылады. Бұны күштеп желдету деп атайды., себебі, ауа сыртқы бөлменің төбесінде бірнеше тесігі бар арнаулы сору каналдары арқылы шығарылады. Сынып бөлмелерінің, лабораториялардың, әжетханалардың, асханалардың және басқа жайлардың ауасы үй төбелеріне бағытталып құбырлар арқылы сыртқа айдалады.