Оқушылардың физиологиялық дамуы пәні және оның анықтамасы, басқа ғылымдармен байланысы

Физиолгия функциялар туралы, яғни мүшелердің, жүйелердің және тұтас организмнің тіршілік әрекеттері туралы ғылым. Ол өсімдіктер, жануарлар және адам физиологиясына бөлінеді. Адам физиологиясының өзі еңбек, дене жаттығулары және спорт, тамақтану физиологиясы, және жас өспірімдер физиологиясына бөлінеді.

Оқушылардың физиологиялық дамуы организмнің бүкіл өмірі бойындағы физиологиялық функциялардың қалыптасуы мен даму заңдылықтарын зерттейді. Оқушылардың физиологиялық дамуы организмді табиғи (оқу сабақтары, демалыс, ойын т.б.) кезінде, сол сияқты лабораториялық жағдайда зерттей отырып, организмнің клеткаларында, ұлпаларында, мүшелерінде және жүйелерінде жүретін процестердің табиғатын терең тануға мүмкіндік береді.

Организмде жүретін процестерді зерттеу үшін әртүрлі: электрофизиологиялық, биохимиялық, микроскопиялық, гистохимиялық және т.б. әдістер қолданады.

Оқушылардың физиологиялық дамуы психологиялық-педагогикалық ғылымдар негізін құрайды. Балалар мен жасөспірімдер гигиенасы ғылымының негізінде балалардың аурулары мен олардың емдеу туралы ғылым. Сонымен қатар, жас өспірімдер физиологиясы бірқатар (физика, химия, медицина т.б.) және әлеуметтік ғылымдармен, олардың әдістері мен заңдылықтарын пайдаланумен байланысты. Осының арқасында өсіп отыратын организмнің тіршілікпен тығыз байланыста қаралады.