Су алмасу. Ауыз суға қойылатын гигиеналық талаптар

Су мен минералды заттар (тұздар, қышқылдар, сілтілер) энергия көзі болып табылмайды. Өзара тығыз байланысқан олар организмде өтетін көптеген физиологиялық процестерде ерекше орын алады. Су барлық химиялық өзгерістер өтетін орта болып табылады. Қан мен тканьдер сұйықтығының осмотикалық қысымын ұстап тұруда судың ролі өте зор.

Судың негізгі мөлшері организмдегі клеткалардың ішінде, ішінара-клеткаралық кеңістікте және қан плазмасында болады. Клетка ішіндегі су мен клетка сыртындағы судың арақатынасы3:1 құрайды. Төменгі сынып оқушысы организмнің суға деген сұранысы салмағының 1 кг-на 50-60 мл-ден келеді, яғни жалпы 1350-1400 мл. Орта есеппен мектеп бұл цифр 1600-1700 мл дейін ұлғаяды да ересектер нормасына сәйкестенеді.

Организмдегі тұздарың мөлшері, олардың түзілуі және шығарылуы тамақпен бірге пайдалануға ғана емес, сондай-ақ олардың судағы құрамына да байланысты. Организмдегі минералды тұздардың тепе-теңдігіне балалардың жасы мен жеке басының жылдың әр мезгіліндегі ерекшеліктері де әсер етеді.

Организм үшін химиялық элементтердің микроэлементтердің кобальт, иод, бром, фтор, никель, марганец және т.б., сондай-ақ организмге аспен бірге енетін витаминдердің маңызы аса зор.