Дәріс 19
Тақырыбы: Пісіруді қажет етпейтін жармаларды функционалды бағытта қолдану.
Жрспар:
1.Сұлыдан жаншылып жасаған жармалар.
2.«Геркулес» үлпегінің технологиясы
Жармалы өнімдердің арнайы түрлеріне жаншылған жармалар, үлпектер, пісіруді қажет етпейтін және тез пісірілетін жармалар, сонымен қатар сұлы-талқаннан жасалған ұнның арнайы технология бойынша дайындалған және жұмыртқа ақуызды, құрғақ сүт пен витаминді жоғары компоненттер қосылған әртүрлі дәнді дақылдардан араластырылып жасалған ұннан дайындалған тағамдық құндылығы жоғары жармалар жатады.
Халықтың көптеген сұранысы бойынша әртүрлі түрдегі жартылай фабрикаттар, тағам дайындау кезінде тездетілген өнімдер, таңғы асқа арналған дайын өнімдер және т.б. қажетті болып табылады.
Сұлыдан жаншылып жасаған жармалардың технологиясы
Жаншылған сұлы жармасы ұсақталмаған сұлы жармасымен бірлескен бірінші немесе жоғарғы сұрыпты ұсақталмаған ажарлы сұлы жармасынан өңделіп шығарылады.
Мұнда жаншылған жарманың шығымы 15,5%, ұсақталмаған сұлы жармасының шығымы 29,5% және жалпы жармалы өнімдердің шығымы 45,0% құрайды.
Жанама өнімдердің базисті шығымы және осы технологияның мөлшерленген құрғақтағы қалдықтары 3,5% құрайды. Жаншылған сұлы жармасы бірінші және жоғары сұрыпты болып шығарылады.
Бұл өнім алдын-ала булаудан өткен жаншылып ұсақталған сұлы жармасынан алады. Жаншуды бұдырлы білікпен жүзеге асырады, онда жекеленген бөліктерінің беті екі жағынан бұдырмен қысылып тұруы керек.
Жаншылған жарманың сапа көрсеткіші ұсақталмаған сұлы жармасының сапа көрсеткішіне сәйкес келеді.
Жаншылған жарманың технологиясы бақылау операциясынан өткен ұсақталмаған сұлы жармасы берілетін жеке түрдегі схемамен сипатталады. Құрылыс-механикалық қасиетін өзгерту үшін жаншудан алдын жарманы 0,05-0,10мПа ауа қысымында булайды.
Қысқа уақытты қайнатпадан кейін жарманы 0,7-0,9мм қалыңдығына дейін білікті станокта жаншиды.
Біліктің айналмалы жылдамдығы 2,5 м/с болып табылады. Бұдыр мөлшерімен бұдырлау біліктерінің бетінің айналмалы ұзындығы К=6-8 бірлік сантиметрге және бағыты 3%. Жаншылған жарманы елек диаметрі 2 мм-лі електен ұсақталған ядросын өткізіп елейді.Металлмагнитті қоспалардың баршылығын бақылаудан кейін және салқындату үшін жарманы 2 рет аспирациялық колонкаларда елейді де, дайын өнімдер бөлімшесіне жіберіледі.
«Геркулес» үлпегінің технологиясы
Бұл технология бір өндірістің ұсақталмаған өндірісімен бірге жүргізілуі мүмкін.
Мұндай жағдайда ұсақталмаған жарманың шығым нормасы 39,5% құрайды, ал сұлыны өңдегенде базисті кондицияда үлпектердің шығым нормасы 5,5%. Сұлы жармасынан жасалған Геркулес үлпегінің өндірісінде жарма өндірісінің техникалық жағдайы жеке қарастырылады.
Екеуінің де технологиясы бірдей жүйеде жүргізіледі. Геркулес үлпегінің өндірісі үшін жоғары сұрыпты жарманы қолданады. Үлпектердің жоғары талабына сұлы жармасына ұсақталған ядроның болу мүмкіндігіне қосымша бақылау талап етеді.
Осыған орай жарманы екі рет падди-машиналарда және бір рет іріктеуіштерде айыру технологиясы қарастырылады. Бақылау операциясынан кейін жарма 0,15% қауыздалмау керек. Үздіксіз қозғалыстағы көлбеу немесе тік буландырғыштарда буландыру жүргізіледі.
Бұл кезде бу қысымы Р=0,05 мПа болу керек, ал булау экспозиясы жарманың 13-14% дейін ылғалдылығын қамтамасыз етуі керек. Айналмалы жылдамдығы 2-2,5 м/с тең сипақ біліктермен жаншу жүргізіледі. Үлпектердің өлшемі көбейетіндей едәуір дифференция (1,1 көп емес) жіберіледі. Үлпектердің қалыңдығы 0,5 мм аспау керек.
Жылы және ылғал үлпектердің беріктілігі жаншу құрылғысынан өткен соң жоғары емес, сондықтан кейінгі операцияларды кептіру мен салқындатуды ақырындап, абайлап жүргізуді талап етеді. Үлпектерді кептіру үшін таспалы кептіргіштерді қолданады, ал процесі келесідей жүзеге асады.
Үлпектер жұқалап және тең қатпармен кептіргіштің таспасына ені бойынша жайғастырылады.
Кептіру процессі 3-5 мин жалғасатындай етіп таспаның жылдамдығы реттеледі. Кептіруден кейінгі үлпектердің ылғалдылығы 12% аспау керек.
Температуралық режимді булы құбырдағы айналатын бу температурасымен ұстап тұрады. Ылғалдың булану қарқындылығы ылғал ауаны сорушы аспирациялық желінің үздіксіз жұмысы нәтижесінде күшейеді. Жылы үлпектер тұйықталған ауа циклімен аспираторлар арқылы өткізе отырып салқындатылады. Кептіру мен салқындату үлпектердің беріктілігін арттырады, бірақта барлық өндіріс аралығында олардың тасымалдануы минимумға келуі керек.
Салқындатылғаннан кейін арнайы қораптарға өлшеп салу жүзеге асырылады.
Достарыңызбен бөлісу: |
