І. Кіріспе Пән туралы қысқаша сипаттама

Құрметті студенттер ежелгі дәуір әдебиетінде тәй-тәй басқан бүлдіршіндей бір қадам биікке шығасыздар. Қазақ әдебиетінің тарихын үйрену - әрбір «қазақ әдебиеті» мамандықтары үшін аса қажетті, бүгінгі күннің көкейкесті мәселелерінің бірі. Өйткені қазақ әдебиетінің бастау бұлақтары мен даму жолдарын, өсу эволюциясын жетік меңгеру болашақ әдебиетшілер үшін керек-ақ.

Әрбір кезеңдер мен әр дәуірдегі ғұламалардың әдебиетке қосқан үлестері, алатын орнын анықтай білу - әрбір салалы азаматтардың бірден-бір міндеті. Оның үстіне қазақ әдебиетінің ежелгі дәуірін терең меңгермейінше бүгінгі әдебиеттің даму жолдарын анық аңғару да мүмкін емес. Әрі көне әдеби мұралардың қазақ халқына тәндік сипаттарына көз жеткізе отырып, онда сыр шерткен Күлтегін, Білге қаған, Тоныкөк жайындағы ой-түйіндерді білу де ең келелі мәселелердің бірі.

Қорыта айтқанда, Ежелгі дәуір әдебиетін /Ү-ХҮғ.ғ./ оқу барысында жас болашақ әдебиетшілер сіздер қазақ әдебиетінің даму жүйелерін жан-жақты меңгересіздер. Бір сөзбен айтқанда бүгінгі тәуелсіз Қазақстанның даму жолында еселі еңбек ете білетін аса білімді, сауатты қазақ әдебиеті мамандары боласыздар деген сенімдеміз.